کسان تحریک کے دوران بزرگ خاتون کیخلاف توہین آمیز پوسٹ کا مقدمہ، کنگنا رناوت نے معافی مانگ لی
اشاعت کی تاریخ: 29th, October 2025 GMT
بھارتی اداکارہ و سیاستدان کنگنا رناوت کو کسان تحریک کے دوران بزرگ خاتون کسان کے خلاف مبینہ طور پر توہین آمیز پوسٹ کرنے کے مقدمے میں بھٹنڈہ کی مقامی عدالت نے ضمانت دے دی۔
بھارت میں 2021 میں ہونے والی کسان تحریک کے دوران اداکارہ کنگنا نے ایک ٹوئٹ میں کسان خاتون مہندر کور کی تصویر شیئر کرتے ہوئے ان پر پیسے لے کر احتجاج میں شامل ہونے کا الزام عائد کیا تھا۔ انہوں نے لکھا تھا کہ یہ وہی دادی ہیں جو ٹائم میگزین میں سب سے طاقتور ہندوستانی کے طور پر دکھائی گئی تھیں، مگر اب یہ 100 روپے میں دستیاب ہیں۔؎
یہ بھی پڑھیے: بھارتی پولیس پر عدم اعتماد، اداکارہ نے گن لائسنس کے لیے اپلائی کردیا
انہوں نے دعویٰ کیا تھا کہ پاکستانی صحافیوں نے بھارت کی بین الاقوامی تشہیر کو ہائی جیک کر لیا ہے، ہمیں اپنے لوگ چاہییں جو ہمارے لیے بولیں۔
کنگنا نے عدالت میں مؤقف اختیار کیا کہ اُن کی 2021 کی پوسٹ کو غلط سمجھا گیا اور انہوں نے وضاحت دی کہ وہ ہر ماں کا احترام کرتی ہیں۔ تاہم، متاثرہ خاتون مہندر کور کے اہلخانہ نے اُن کی معافی کو فی الحال قبول نہیں کیا۔
مہندر کور کے وکیل راگھبیر سنگھ بہنیوال کے مطابق، اہلخانہ کا کہنا ہے کہ وہ 4 سال بعد کیوں معافی مانگ رہی ہیں، جبکہ انہوں نے اس کیس کو سپریم کورٹ تک لے کر گئیں۔ تاہم وہ قانونی نظام پر مکمل اعتماد رکھتے ہیں۔
یہ مقدمہ 73 سالہ مہندر کور کی جانب سے 2021 میں دائر کیا گیا تھا، جس میں کنگنا پر تعزیراتِ ہند کی دفعات 499 اور 500 کے تحت فوجداری ہتک عزت کے الزامات عائد کیے گئے تھے۔
یہ بھی پڑھیے: ہزاروں کسانوں کی بھارتی دارالحکومت پر یلغار، دہلی محصور ہو کر رہ گیا
مہندر کور نے عدالت میں موقف اپنایا کہ ان کا دادی سے کوئی تعلق نہیں، اور کنگنا کے بیانات جھوٹے، توہین آمیز اور اُن کی عزتِ نفس کے منافی تھے، جس سے اُنہیں سماجی سطح پر بدنامی کا سامنا کرنا پڑا۔
کنگنا کے وکلا کا مؤقف تھا کہ ان کا ری ٹوئٹ بدنیتی پر مبنی نہیں تھا اور انہوں نے صرف نیک نیتی کے تحت بات کی تھی۔ تاہم پنجاب و ہریانہ ہائی کورٹ نے ان کا مؤقف مسترد کرتے ہوئے قرار دیا کہ ان کی پوسٹ نیک نیتی پر مبنی نہیں تھی اور سپریم کورٹ نے بھی ان کی درخواست واپس لینے کے بعد معاملہ ختم کر دیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عدالت کسان تحریک کنگنا رناوت.ذریعہ: WE News
کلیدی لفظ: عدالت کسان تحریک کنگنا رناوت کسان تحریک مہندر کور انہوں نے
پڑھیں:
کسانوں‘ مزدوروں‘ نوجوانوں کے حقوق ’’بدل دو نظام کو’’تحریک کا سرفہرست ایجنڈا ہوگا‘ حافظ نعیم
data-id="863a0a8" data-element_type="widget" data-widget_type="theme-post-content.default">
251028-01-16
نوشہرہ ورکاں/گوجرانوالہ/لاہور(نمائندگان جسارت) امیر جماعت اسلامی پاکستان حافظ نعیم الرحمن نے کہا ہے کہ کسانوں، مزدوروں اور نوجوانوں کے حقوق مینار پاکستان سے شروع ہونے والی عظیم الشان ’’بدل دو نظام کو’’تحریک کا سرفہرست ایجنڈا ہوگا۔ کسان ساتھ دیں، انگریزوں کی وفاداری سے حاصل کی گئی جاگیروں کو چھوٹے کاشتکاروں میں تقسیم کرنے کے مطالبہ کو پوری قوم کی آواز بنا دیں گے۔ پنجاب حکومت کی جانب سے 35 سو روپے من گندم کی امدادی قیمت کو مسترد کرتے ہیں، فی من 45 سو روپے میں خریدی جائے۔ ان خیالات کا اظہار انہوں نے نوشہرہ ورکاں، گوجرانوالہ میں ’’کسان بچاؤ پاکستان بچاؤ‘‘روڈ کارواں سے خطاب کرتے ہوئے کیا۔ امیر جماعت اسلامی پنجاب وسطی جاوید قصوری، نائب امیر لاہور ذکراللہ مجاہد، امیر گوجرانوالہ مظہر اقبال رندھاوا اور صدر کسان بورڈ پاکستان سردار ظفر حسین نے بھی کارواں سے خطاب کیا۔کسان بورڈ کے زیراہتمام چھوٹے کاشتکاروں کے حقوق کے تحفظ اور زراعت کی بحالی کے لیے مختلف کسان تنظیموں نے پنجاب میں روڈ کارواں نکالے ہیں۔ امیر جماعت اسلامی نے شرکا کو مظلوموں کے حق میں آواز بلند کرنے پر مبارکباد دی اور کسانوں کو نومبر میں جماعت اسلامی کے 3 روزہ اجتماع عام میں شرکت کی دعوت دی۔ حافظ نعیم الرحمن نے کہا کہ 60 فیصد آبادی زراعت سے منسلک لیکن حکمرانوں کی نالائقیوں کی وجہ سے شعبہ تیزی سے زوال کا شکار ہے، زراعت کی شرح نمو ایک سال میں 6 اعشاریہ 5 فیصد سے اعشاریہ 5 تک آگئی، حکمران بتائیں یہ کس ترقی کے دعوے کررہے ہیں جب 60 فیصد عوام کی آمدنی کئی گنا کم ہوگئی۔ حکومت پنجاب نے گزشتہ برس امدادی قیمت مقرر کرکے اور کسانوں سے وعدہ کرکے گندم نہیں خریدی،چھوٹے کسان رُل گئے۔امیر جماعت اسلامی نے کہا کہ کسان سے 2 ہزار روپے من گندم خریدی گئی اور مارکیٹ میں 5 ہزار تک فروخت ہوئی، درمیان کی رقم مافیا کھا گیا، یہ مافیا ہر حکمران پارٹی کا حصہ ہے، سیاسی پارٹیاں خاندانوں اور افراد کے نرغے میں ہیں، بڑے جاگیردار ہر حکومت کا حصہ ہوتے ہیں، کھاد بیج کی قیمتیں آسمان پر ہیں اور گندم اور دیگر اجناس مقررہ نرخ پر فروخت نہیں ہوتیں، اس سے جاگیردار کو کوئی فرق نہیں پڑتا، حکومت ان سے ٹیکس بھی نہیں لیتی، انگریز کے دور سے لے کر آج تک پاکستان میں جاگیردارانہ سماج قائم ہے، جس سے عام انسان کا استحصال ہورہا ہے، جو مراعات حکمرانوں کو حاصل ہیں کسان، مزدور کو بھی دی جائیں۔حافظ نعیم الرحمن نے مزید کہا کہ عوام جان لیں انہیں مسلط طبقات سے اپنا حق چھین کر لینا پڑے گا، جماعت اسلامی سے مل کر گلیوں کوچوں میں آواز اٹھائیں، ایوانوں کا گھیراؤ کریں، ظلم کے اس راج کو بدلنا ہوگا، ملک پر عوامی راج چاہیے، اصل حکمران اللہ کی ذات ہے، جماعت اسلامی نومبر میں اللہ کی مددو نصرت اور عوام کی تائید سے استحصالی نظام کے خلاف پرامن تحریک چلا ئے گی۔اقتدار میں آکر جماعت اسلامی عدالتی اصلاحات لائے گی۔ زراعت، تعلیم اور صحت سمیت دیگر شعبوں میں بنیادی تبدیلیاں متعارف کرائیں گے۔ عوام سمجھ لیں آزمودہ پارٹیاں ان کے مسائل کا حل نہیں، فارم 47 کی پیداور کو عوام، کسان مزدور سے کوئی غرض نہیں، چہرے نہیں نظام بدلنا ہوگا۔ پاکستان میں امریکی غلاموں، جاگیرداروں کا نہیں، کسان اور عوام راج ہونا چاہیے۔ زراعت اور کسان بچے گا تو ملک آگے بڑھے گا۔دریں اثنا حافظ نعیم الرحمن نے اقوام متحدہ اور عالمی برادری سے مطالبہ کیا ہے کہ مقبوضہ کشمیر کے عوام کو حق خود ارادیت دلانے کے لیے بھارت پر دباؤ ڈالا جائے۔ کشمیریوں کی تیسری نسل کو بھارتی مظالم کا سامنا ہے۔ مقبوضہ کشمیر میں یوم سیاہ کے موقع پر منصورہ سے جاری بیان میں انہوں نے اہل کشمیر سے اظہار یکجہتی کیا اور انہیں تحریک آزادی میں جماعت اسلامی اور پاکستان کے عوام کی جانب سے مکمل اخلاقی و سیاسی تعاون کی یقین دہانی کرائی۔ حافظ نعیم الرحمن نے حکومت پاکستان پر زور دیا کہ کشمیر پر سفارت کاری تیز کی جائے اور عالمی سطح پر یہ مقدمہ بھرپور طریقے سے لڑا جائے۔ انہوں نے کہا کہ گزشتہ چند برس سے قوم تشویش میں مبتلا ہے اور پاکستان اور بھارت کے درمیان کشمیر پر سودے بازی کی افواہوں کو تقویت مل رہی ہے، حکومت اس پر واضح موقف دے۔ یاد رہے کہ آج سے 78 برس قبل 27اکتوبر کو بھارتی افواج نے کشمیر پر قبضہ کرلیا تھا۔ کشمیری عوام اس جارحیت کے خلاف ہر سال اس دن کو یوم سیاہ کے طور پر مناتے ہیں۔ حافظ نعیم الرحمن نے کہا کہ بھارت کا مقبوضہ کشمیر پر قبضہ غیر قانونی ہے۔ قائداعظم محمد علی جناح کا فرمان ہے کشمیر پاکستان کی شہ رگ ہے۔ کشمیری عوام کی حق خود ارادیت کی جہدوجہد رنگ لائے گی۔ حافظ نعیم الرحمن نے کہا کہ مقبوضہ کشمیر سید علی گیلانی کی جدوجہد اور خوابوں کی تعبیر بنتے ہوئے بھارت کے قبضے سے آزاد ہوکر ان شاء اللہ پاکستان کا حصہ بنے گا۔ پاکستان کشمیر لازم و ملزوم ہیں۔
گوجرانوالہ: امیر جماعت اسلامی پاکستان حافظ نعیم الرحمن نوشہرہ ورکاں میں ’’ کسان بچائو، پاکستان بچائو‘‘ روڈ کارواں سے خطاب کررہے ہیں
سعودی عرب، کرپشن ، اختیارات کا ناجائز استعمال، 17 سرکاری اہلکار گرفتار