دھند سے فلائٹ آپریشن متاثر، متعدد پروازیں منسوخ و تاخیر کا شکار
اشاعت کی تاریخ: 30th, October 2025 GMT
فائل فوٹو
ملک کے مختلف ایئرپورٹس پر دھند کے باعث فلائٹ شیڈول متاثر ہوا ہے، متعدد پروازیں منسوخ جبکہ کئی تاخیر کا شکار ہوگئیں۔
اسلام آباد، لاہور، سیالکوٹ، فیصل آباد اور ملتان ایئرپورٹس پر دھند کے باوجود فلائٹ آپریشن معمول کے مطابق ہے تاہم آپریشنل وجوہات کے باعث مختلف ایئر لائنز کی چار پروازیں منسوخ اور 32 پروازیں تاخیر کا شکار ہوئیں۔
فلائٹ شیڈول کے مطابق دبئی تا کراچی، جدہ تا لاہور اور لندن تا اسلام آباد کی چار پروازیں منسوخ کر دی گئیں۔
کراچی تا اسلام آباد کی سات پروازوں میں ایک سے ساڑھے تین گھنٹے تک تاخیر کی گئی۔
قومی ایئر لائن کی کراچی اسلام آباد کی پروازیں PK-300 اور PK-301 میں دو گھنٹے تاخیر ہوئی۔
نجی ایئر لائن کی اسلام آباد سے جدہ اور ریاض کی پروازوں میں تین دن سے 19 گھنٹے تک تاخیر ہے۔
نجی ایئر کی لاہور سے جدہ اور ریاض کی دو پروازیں بھی 19 گھنٹے تاخیر کا شکار ہیں۔
غیرملکی ایئر لائن کی لاہور سے جدہ کی پروازوں میں 13 گھنٹے تاخیر ریکارڈ کی گئی۔
نجی ایئر کی لاہور سے کراچی کی دو پروازوں میں پانچ گھنٹے کی تاخیر ہے۔ نجی ایئر لائن کی اسلام آباد سے ابوظبی کی پروازوں میں آٹھ گھنٹے تاخیر ہے۔
قومی ایئر لائن کی لاہور سے کوئٹہ کی دو پروازوں میں دو گھنٹے تاخیر ہوئی۔
.ذریعہ: Jang News
کلیدی لفظ: پروازیں منسوخ تاخیر کا شکار ایئر لائن کی پروازوں میں گھنٹے تاخیر کی لاہور سے اسلام آباد نجی ایئر
پڑھیں:
ٹریفک قوانین میں تضاد: ایک جرم، تین سزائیں
ویب ڈیسک :کراچی میں ٹریفک قوانین کی خلاف ورزی اب جیب پر بھاری پڑنے لگی ہے، پولیس نے ای چالان سسٹم کے بعد بھاری جرمانے عائد کرنا شروع کیے ہیں، لیکن دلچسپ بات یہ ہے کہ ملک کے دیگر بڑے شہروں میں یہی جرم کہیں زیادہ ”سستا“ پڑتا ہے۔
اگر رفتار کی حد سے تجاوز کریں تو کراچی میں موٹر سائیکل سوار کو پانچ ہزار روپے کا جرمانہ ہوگا، اسلام آباد میں صرف ایک ہزار، جبکہ لاہور میں صرف دو سو روپے ہے۔
لیسکو کا سموگ کے دوران بجلی بریک ڈاؤن سے بچاؤ کیلئے اقدامات کا آغاز
کار اور جیپ والوں کے لیے بھی حساب کچھ کم نہیں، کراچی میں اوور اسپیڈنگ پر دس ہزار روپے، اسلام آباد میں پندرہ سو، اور لاہور میں محض 750 روپے کا چالان ہے۔
بھاری گاڑیوں جیسے بس، ٹریلر یا ڈمپر پر اگر حد سے زیادہ رفتار ہو تو کراچی میں بیس ہزار روپے جرمانہ ہے، جب کہ لاہور اور اسلام آباد میں صرف ڈھائی ہزار روپے جرمانہ ہوتا ہے۔
رانگ سائیڈ ڈرائیونگ پر کراچی میں جرمانہ پچیس ہزار سے لے کر ایک لاکھ روپے تک، جبکہ اسلام آباد میں یہی جرم صرف ایک ہزار اور لاہور میں 200 سے 750 روپے میں ”نمٹ“ جاتا ہے۔
ماضی کی معروف اداکارہ سیمی زیدی کس حال میں اور کہاں؟
بغیر ڈرائیونگ لائسنس کے گاڑی چلانے والوں پر کراچی میں بیس سے تیس ہزار روپے تک چالان ہے، جبکہ اسلام آباد میں ایک ہزار سے آٹھ ہزار اور لاہور میں محض 200 سے ایک ہزار روپے ہے۔
نابالغ ڈرائیور پکڑا گیا تو کراچی میں کم از کم پچیس ہزار اور زیادہ سے زیادہ ایک لاکھ روپے کا چالان ہوگا، اسلام آباد میں 2500 روپے جرمانہ، جبکہ لاہور میں اکثر معاملہ وارننگ پر ختم ہوجاتا ہے۔
شہریوں کا کہنا ہے کہ ”ایک ہی ملک ہے مگر قانون الگ الگ کیوں؟“ ان کا شکوہ یہ بھی ہے کہ ”کراچی کی سڑکیں تو ویسے ہی کھڈوں سے بھری ہیں، اوپر سے چالان بھی سب سے زیادہ!“
تجارتی معاہدہ: امریکی خام تیل کا پہلا بحری جہاز پاکستان پہنچ گیا
یوں لگتا ہے جیسے ٹریفک قوانین کے نفاذ میں کراچی والوں کے لیے خصوصی ”مہنگائی ایڈیشن“ جاری کیا گیا ہو۔
گلگت، سوشل میڈیا پر نفرت انگیز مواد اپلوڈ کرنے والوں کیخلاف فوری کارروائی کی ہدایت