مکالمہ ہمارا پل، تعاون ہمارا راستہ ہونا چاہیے، چیئرمین سینیٹ کا بین الاپارلیمانی کانفرنس سے خطاب
اشاعت کی تاریخ: 11th, November 2025 GMT
چیئرمین سینیٹ سید یوسف رضا گیلانی نے آج بین الاقوامی اسپیکرز کانفرنس کے افتتاحی اجلاس سے خطاب کرتے ہوئے دنیا بھر کے پارلیمانی رہنماؤں کی یکجہتی، عزم اور تعاون کی اہمیت اجاگر کی۔
چیئرمین سینیٹ نے کہا کہ یہ تاریخی اجتماع عالمی سطح پر پارلیمانی تعاون اور مکالمے کی علامت ہے۔ وزیراعظم میاں محمد شہباز شریف کی بطورِ مہمانِ خصوصی شرکت پارلیمان کے احترام اور مکالمے کے فروغ کی عکاس ہے۔
یہ بھی پڑھیے: افغانستان دہشتگردوں کیخلاف کارروائی کرے تو پاکستان تعاون کے لیے تیار ہے، وزیراعظم شہباز شریف
انہوں نے کہا کہ دنیا کے شمالی و جنوبی حصوں کے پارلیمانی رہنماؤں کا ایک چھت تلے جمع ہونا نئے عہد کی پارلیمانی یکجہتی کی بنیاد ہے۔ کانفرنس کا موضوع ‘امن، سلامتی اور ترقی’ پوری انسانیت کے لیے رہنمائی کا پیغام ہے۔
چیئرمین سینیٹ نے موجودہ عالمی دور میں غیر یقینی صورتحال، تنازعات، ماحولیاتی تبدیلیوں اور معاشی چیلنجز کی جانب توجہ دلاتے ہوئے کہا کہ امن ہمارے سامنے بکھرتا جا رہا ہے، جیسا کہ غزہ، سوڈان اور مقبوضہ کشمیر میں دیکھا جا رہا ہے، پارلیمان کو دنیا کے بٹے ہوئے نظام کو جوڑنے والی روشنی بننا ہوگا اور مکالمہ ہمارا پل، تعاون ہمارا راستہ ہونا چاہیے۔
یہ بھی پڑھیے: سہ فریقی اسپیکرز اجلاس سے عوام کو کیا فوائد حاصل ہو سکتے ہیں؟
انہوں نے مزید کہا کہ امن، سلامتی اور ترقی ایک دوسرے کے بغیر نامکمل ہیں، اور سلامتی کا مفہوم اب صرف سرحدوں کے دفاع تک محدود نہیں رہا۔ ماحولیاتی استحکام، خوراک، پانی اور ڈیجیٹل تحفظ اب سلامتی کے نئے عناصر ہیں۔
چیئرمین سینیٹ نے پارلیمانی تعاون کی اہمیت پر زور دیتے ہوئے کہا کہ شمالی و جنوبی دنیا کے درمیان اشتراک وقت کی ضرورت ہے اور پائیدار ترقی باہمی و مربوط کوششوں سے ہی حاصل کی جا سکتی ہے۔ پارلیمان دنیا میں امن و ترقی کے ناظر نہیں بلکہ اعتماد کے معمار ہیں۔
آخر میں انہوں نے تمام مندوبین کے لیے کامیاب قیام و کانفرنس کی نیک خواہشات کا اظہار کرتے ہوئے کہا کہ یہ اجتماع امید، اتحاد اور قیادت کے نئے باب کے طور پر یادگار ہونا چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپیکر پارلیمنٹ سینیٹ یوسف رضا گیلانی.
ذریعہ
ذریعہ: WE News
کلیدی لفظ: اسپیکر پارلیمنٹ سینیٹ یوسف رضا گیلانی چیئرمین سینیٹ کے لیے کہا کہ
پڑھیں:
25 جولائی کو گریٹر اقبال پارک میں پیپلز پارٹی کے جلسہ ؛ بلاول بھٹو ویڈیو لنک سے خطاب کریں گے ؛فیصل میر
سٹی 42: 25 جولائی کو گریٹر اقبال پارک میں پیپلز پارٹی کے جلسے کی تیاریاں آخری مراحل میں داخل ہوگیا ۔
صدر پیپلز پارٹی لاہور فیصل میر دیگر مقامی قائدین اور کارکنان کے ہمراہ گریٹر اقبال پارک پہنچ گئے ۔ مینار پاکستان، صدر پیپلز پارٹی لاہور فیصل میر نے میڈیا سے گفتگو کرتے ہوئے کہا جلسے کی اجازت دینے پر وزیراعلی مریم نواز کے مشکور ہیں۔پرنسپل سیکرٹری نے ہمیں بتایا کہ اجازت دے دی گئی ہے۔جلسے کی تاحال زبانی اجازت دی گئی ہے تحریری اجازت ابھی نہیں دی گئی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
جلسے کی اجازت دے کر مریم نواز نے جمہوری روایات کو پروان چڑھایا ہے۔آج 23 جولائی کو آئے ہیں ساری رات یہیں ہیں۔جلسے کے دوران صدر آصف علی زرداری کی سالگرہ کا کیک کاٹیں گے۔
25 جولائی کو جلسہ 8 بجے شروع ہو گا۔بلاول بھٹو وڈیو لنک سے خطاب کریں گے۔راجہ پرویز اشرف، حسن مرتضی قمر زمان کائرہ و دیگر قائدین خطاب کریں گے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا