پارلیمانی رہنماؤں کو ایک پلیٹ فارم پر لانا باعث فخر ہے، وزیراعظم کا بین الاپارلیمانی کانفرنس سے خطاب
اشاعت کی تاریخ: 11th, November 2025 GMT
وزیراعظم شہباز شریف نے کہا ہے کہ پاکستان شروع سے سفارتکاری اور امن پر یقین رکھتا ہے، پارلیمانی رہنماؤں کو ایک پلیٹ فارم پر لانا باعث فخر ہے۔
اسلام آباد میں منعقدہ بین الاپارلیمانی اسپیکرز کانفرنس سے خطاب کرتے ہوئے انہوں نے کہا کہ پاکستان نے مئی میں بھارت سے ہونے والی جارحیت کا بھرپور جواب دیا اور افواج پاکستان نے عسکری تیاریوں اور پیشہ ورانہ مہارتوں کا ثبوت دیا، جنگ جیتنے کے بعد اب ہمیں امن جیتنا چاہیے، امن ہی پائیدار ترقی کی بنیاد ہے۔
یہ بھی پڑھیے: بین الاقوامی اسپیکرز کانفرنس میں شرکت کے لیے سعودی پارلیمانی وفد اسلام آباد پہنچ گیا
وزیراعظم نے کہا کہ گزشتہ دنوں افغانستان کی طرف سے پاکستانی چیک پوسٹوں پر حملہ کیا گیا، میں قطر اور ترکیہ کے دوستوں کا شکرگزار ہوں جنہوں نے مذاکرات کا انتظام کیا، امن اسی وقت قائم ہوگا جب افغانستان سے کارروائیاں کرنے والے ٹی ٹی پی اور دیگر گروپوں کو لگام دیا جائے۔
Two-day Inter-Parliamentary Speakers' Conference is underway in Islamabad.
— Radio Pakistan (@RadioPakistan) November 11, 2025
انہوں نے کہا کہ اقوام متحدہ، او آئی سی، ایس سی او اور دیگر بین الاقوامی پلیٹ فارمز میں ہمارا کردار ہماری امن پسندی کا ثبوت ہیں، میری حکومت میں پاکستان اصلاحات، شراکت داری اور نوجوانوں اور خواتین کی ترقی کے سفر پر گامزن ہے۔ چھوٹی صنعتوں کی حوصلہ افزائی ہورہی ہے اور خواتین اور نوجوانوں کو جدید مہارتوں سے لیس کیا جارہا ہے۔
یہ بھی پڑھیے: عالمی سفارتی محاذ پر 2 وفود پاکستان کے حق میں رائے سازی کے لیے متحرک ہوچکے، دفتر خارجہ
وزیراعظم نے کہا کہ پارلیمنٹ عوام کی امنگوں کے ترجمان ہوتے ہیں، ہم عوام کی طرف سے ہونے والے تقاضوں کو مکمل کرنے کے پابند ہیں، مجھے امید ہے کہ اس کانفرنس میں ہونے والا مکالمہ مستقبل میں ہمارے مشترکہ سفر میں رہنمائی فراہم کرے گا۔
وزیراعظم نے کانفرنس میں شرکت کرنے پر عالمی وفود کا شکریہ ادا کیا اور سینیٹ کے چیئرمین یوسف رضا گیلانی کو کانفرنس کے انعقاد پر خراج تحسین پیش کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بین الاپرلیمانی کانفرنس خطاب وزیراعظمذریعہ: WE News
کلیدی لفظ: بین الاپرلیمانی کانفرنس نے کہا کہ
پڑھیں:
بین الاقوامی اسپیکرز کانفرنس میں شرکت کے لیے سعودی پارلیمانی وفد اسلام آباد پہنچ گیا
سعودی عرب سے تعلق رکھنے والا پارلیمانی وفد بین الاقوامی اسپیکرز کانفرنس میں شرکت کے لیے آج اسلام آباد پہنچ گیا۔
وفد کا پُرتپاک استقبال سینیٹر ندیم احمد بھٹو نے کیا، جبکہ سینیٹ سیکرٹریٹ کے سینیئر افسران بھی موجود تھے۔ وفد کی قیادت سعودی شوریٰ کونسل کے نائب چیئرمین عبداللہ بن عدم فلاتعہ کر رہے ہیں۔
یہ بھی پڑھیے: قائم مقام صدر یوسف رضا گیلانی کی روسی اسپیکر کو انٹرنیشنل اسپیکرز کانفرنس میں شرکت کی دعوت
سعودی وفد میں شوریٰ کونسل کے رکن ڈاکٹر عثمان ہاکامانی، رکن عبداللہ اطلاس اور ڈاکٹر معین المدنی بھی شامل ہیں۔
کانفرنس 11 تا 12 نومبر 2025ء تک اسلام آباد میں جاری رہے گی اور توقع ہے کہ یہ عالمی امن اور تعاون کے فروغ میں اہم کردار ادا کرے گی۔
اس کے علاوہ مختلف ممالک کے پارلیمانی وفود کے درمیان تعلقات کو مضبوط بنانے میں بھی معاون ثابت ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپیکرز کانفرنس پارلیمنٹ سعودی وفد
عرصہ دراز سے بدامنی اور پسماندگی کے شکار تحصیل حلیمزئی اپر مہمند میں پہلی بار لڑکیوں کے لیے اعلیٰ تعلیم کا آغاز