اپوزیشن 27ویں آئینی ترمیم میں جو بہتری چاہتی تھی وہ کر دی گئی ہے: یوسف رضا گیلانی
اشاعت کی تاریخ: 13th, November 2025 GMT
---فائل فوٹو
چیئرمین سینیٹ یوسف رضا گیلانی نے کہا ہے کہ 27ویں آئینی ترمیم پہلے سینیٹ سے منظور ہو چکی ہے، اپوزیشن 27ویں آئینی ترمیم میں جو بہتری چاہتی تھی وہ کر دی گئی ہے۔
سید یوسف رضا گیلانی کی زیرِصدارت سینیٹ کا اجلاس منعقد ہوا۔
ایوان میں اظہارِ خیال کرتے ہوئے یوسف رضا گیلانی نے کہا کہ سیف اللّٰہ ابڑو کا تحریری استعفیٰ منظور نہیں ہوا ہے، فلور آف دی ہاؤس پر شاہ محمود قریشی نے استعفے کا اعلان کیا تھا۔
یوسف رضا گیلانی نے کہا کہ جب سیف اللّٰہ ابڑو کا استعفیٰ باضابطہ طور پر میرے پاس آئے گا تو میں اِنہیں بلاؤں گا، ممکن ہے میں اِنہیں منالوں کہ وہ استعفیٰ واپس لے لیں۔
.ذریعہ: Jang News
کلیدی لفظ: یوسف رضا گیلانی
پڑھیں:
سینیٹ میں 27ویں آئینی ترمیم پر ووٹنگ کے دوران اپوزیشن کا احتجاج،چیئرمین کی کرسی کا گھیراؤ
data-id="863a0a8" data-element_type="widget" data-widget_type="theme-post-content.default">
اسلام آباد: سینیٹ میں 27ویں ترمیم کی منظوری کے لئے ووٹنگ کے دوران اپوزیشن نے بھرپوراحتجاج کیا۔
اجلاس کے دوران اپوزیشن نے بل کی کاپیاں پھاڑ کر چیئرمین سینیٹ پر پھینک دیں اور نامنظور نامنظور کے نعرے لگائے، اپوزیشن ارکان نے چیئرمین سینیٹ کی کرسی کا گیھراؤ کرلیا۔اپوزیشن اراکین احتجاج کے بعد سینیٹ اجلاس سے واک آؤٹ کرگئے اور ایوان سے باہر چلے گئے۔
اپوزیشن ارکان نے مؤقف اختیار کیا کہ گنتی کے بغیر اجلاس کی کارروائی کیسے جاری رہ سکتی ہے۔اپوزیشن کے ہنگامے کے باوجود 27ویں ترمیم کے لیے حکومت کو درکار نمبر 64 پورے ہوگئے، جے یو آئی کے احمد خان ترمیم کے حق میں کھڑے ہوگئے جب کہ پی ٹی آئی کے سیف اللہ ابڑو بھی ترمیم کے حق میں کھڑے ہوئے۔
قومی اسمبلی کا اجلاس اسپیکر ایاز صادق کی صدارت میں جاری تھا کہ پی ٹی آئی اور دیگر اپوزیشن ارکان نے شدید احتجاج شروع کردیا۔ اپوزیشن ارکان نے اسپیکر کے ڈائس کے سامنے دھرنا دے دیا اور بانی پی ٹی آئی کی تصاویر والے پلے کارڈز اٹھا کر نعرے بازی کی۔
ایوان میں ”آمریت مردہ باد، جمہوریت زندہ باد“, ”آئین کا قتل بند کرو“, ”جعلی اسمبلی نامنظور“ اور ”جعلی حکومت نامنظور“ کے نعرے گونجتے رہے۔ بانی پی ٹی آئی کے حق میں بھی بلند آواز میں نعرے بازی کی جاتی رہی۔
صورت حال اس وقت مزید کشیدہ ہوگئی جب پی ٹی آئی کے رکن اقبال آفریدی نے اسپیکر کے ڈائس کے سامنے اذان دینا شروع کر دی، جب کہ اسپیکر ایاز صادق نے احتجاج کے دوران ہیڈ فون لگا کر کارروائی جاری رکھی۔
اسی دوران مسلم لیگ ن کے نو منتخب رکن قومی اسمبلی بلال فاروق تارڑ نے حلف اٹھا لیا۔ بلال تارڑ وفاقی وزیر اطلاعات عطاء اللہ تارڑ کے بھائی ہیں۔
استنبول ، پاک-افغان مذاکرات میں ڈیڈلاک،پاکستان اصولی مؤقف پر قائم