دشمن قوتیں حملہ آور ہیں، ترقی کا معرکہ امن سے ہی جیتا جاسکتا ہے،احسن اقبال
اشاعت کی تاریخ: 25th, November 2025 GMT
data-id="863a0a8" data-element_type="widget" data-widget_type="theme-post-content.default">
نارووال : وفاقی وزیر منصوبہ بندی و ترقی احسن اقبال نے کہا ہے کہ پاکستان مخالف قوتیں خیبرپختونخوا اور بلوچستان کے راستے ملک کے خلاف سرگرم ہیں۔
یونیورسٹی آف نارووال میں بلوچ طلبہ سے گفتگو کرتے ہوئے انہوں نے کہا کہ بلوچستان کی اصل طاقت اس کی قیمتی معدنیات ہیں، اور جب حکومت نے ان وسائل کی ترقی کے لیے اقدامات شروع کیے تو شدت پسندی میں اضافہ ہوا کیونکہ شدت پسندوں کی نظریں انہی معدنیات پر ہیں۔
انہوں نے کہا کہ پاکستان کو ’’معرکہ حق‘‘ کے بعد اب ’’معرکہ ترقی‘‘ جیتنا ہے، اور ترقی اسی وقت ممکن ہے جب ملک میں امن و استحکام برقرار رہے۔ پاکستان کی ترقی بلوچستان کے ساتھ جڑی ہے، اسی لیے ترقیاتی منصوبوں کے آغاز پر دشمن عناصر نے حالات خراب کرنے کی کوشش کی۔
احسن اقبال نے کہا کہ آج کی جنگ سب سے پہلے بیانیے کی ہوتی ہے جس کے ذریعے انتشار اور بداعتمادی پیدا کی جاتی ہے، جبکہ گولی چلنے کا مرحلہ بعد میں آتا ہے۔ انہوں نے طلبہ پر زور دیا کہ وہ معاشرے میں عدم استحکام پھیلانے والی ان کوششوں سے باخبر رہیں تاکہ ملک اندر سے کمزور نہ ہو۔
ذریعہ: Jasarat News
کلیدی لفظ: نے کہا
پڑھیں:
بھارتی طیارہ تباہ: دشمن کی موت پر خوشی نہ منائی جائے، شاہد آفریدی
data-id="863a0a8" data-element_type="widget" data-widget_type="theme-post-content.default">
پاکستان کے مایہ ناز کرکٹر اور قومی کرکٹ ٹیم کے سابق کپتان شاہد خان آفریدی نے دبئی ائیر شو میں پیش آنے والے بھارتی جنگی طیارے کے حادثے پر اپنا ردعمل ظاہر کیا ہے۔
میڈیا سے گفتگو کے دوران صحافی نے ان سے بھارتی طیارے تیجس کے گرنے کے بارے میں سوال کیا تو آفریدی نے مختصر مگر معنی خیز جواب دیا۔ انہوں نے کہا کہ دشمن کے مرنے پر خوشی نہیں منانی چاہیے، ہو سکتا ہے کسی دن اپنے بھی چلے جائیں۔ ان کے اس جملے نے فوری طور پر سوشل میڈیا پر توجہ حاصل کرلی اور صارفین نے ان کے اس بیان کو پھیلایا۔
شاہد آفریدی نے مزید کہا کہ حادثہ کسی بھی ملک میں ہو، اس پر خوشی کا اظہار کسی بھی طور مناسب نہیں۔ انہوں نے کہا کہ طیارہ گرنے کا واقعہ افسوسناک ہے اور اس میں جان کا نقصان ہوا، یہ انسانی زندگی کا معاملہ ہے، چاہے کسی بھی ملک کا شہری ہو، کسی کی موت خوشی کی بات نہیں ہوسکتی۔
انہوں نے کہا کہ کھیل کی دنیا نے ہمیشہ انسانیت، اخلاقیات اور احترام کا درس دیا ہے اور یہ اصول زندگی کے ہر شعبے میں قائم رہنے چاہییں۔
کرکٹ کے موضوع پر بات کرتے ہوئے انہوں نے کہا کہ پاکستان میں ٹیلنٹ کی کوئی کمی نہیں، ہماری ٹیم میں مسلسل بہتری آرہی ہے اور انہیں یقین ہے کہ آنے والے ورلڈکپ میں بھی کھلاڑی بہترین کارکردگی دکھائیں گے۔ اگر کھلاڑیوں کو درست مواقع اور بہتر ماحول فراہم کیا جائے تو پاکستان کی کرکٹ دنیا میں دوبارہ اپنی مضبوط جگہ بنا سکتی ہے۔
انہوں نے پاکستان سپر لیگ میں دو نئی ٹیموں کی شمولیت کے امکان کو خوش آئند قرار دیا۔ ان کا کہنا تھا کہ جب ٹیموں کی تعداد بڑھے گی تو ان نوجوان کھلاڑیوں کو بھی پلیٹ فارم ملے گا جو مسلسل محنت کے باوجود جگہ نہیں بنا پاتے۔ یہ قدم پاکستان میں کرکٹ کے اسٹرکچر کو مزید مضبوط کرے گا اور نئی صلاحیتوں کو سامنے لانے میں مدد دے گا۔
کراچی والے ہو جائے تیار ، بھاری ای چلان سے مل جائے گا آرام