سندھ لا قانونیت و قبضہ مافیا کی لپیٹ میں ہے، عوامی تحریک
اشاعت کی تاریخ: 25th, November 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد (اسٹاف رپورٹر ) قومی عوامی تحریک کے سینئر ڈپٹی جنرل سیکرٹری زاہد بھنبھورو نذیر بلیدی بابو میمن اور معشوق چانڈیو نے حیدرآباد پریس کلب میں پریس کانفرنس کرتے ہوئے مطالبہ کیا ہے کہ لطیف آباد میں آتش بازی کی فیکٹری میں دھماکوں کے ذمہ داروں کے خلاف کارروائی عمل میں لائی جائے اور ہلاک وزخمی ہونے والوں کو معاضہ دیا جائے حیدرآباد بھر میں منشیات کی کھلے عام فروخت پر چشم پوشی کا مظاہرہ کرنے والی ضلعی انتظامیہ اور میئر بلدیہ تجاوزات کی آڑ میں عام شہریوں کو پریشان کررہے ہیں عملہ بھتا خوری میں ملوث ہے۔ انہوں نے کہاکہ گزشتہ 18 سالوں سے پیپلز پارٹی سندھ پر مسلط ہے پورا سندھ لاقانونیت کرپشن قبضہ مافیا کی لپیٹ میں ہے محکمہ پولیس ریونیو بلدیات صحت تعلیم اریگیشن زراعت سمیت دیگر محکموں کو کمائی کا ذریعہ بنایا ہوا ہے لطیف اباد پٹاخہ فیکٹری سانحہ کے ذمے دار ڈپٹی کمشنر مقامی پولیس اور فائربریگیڈ کے افسران ہیں جنہوں نے فرائض میں غفلت برتی جس کی وجہ سے قیمتی جانیں ضائع ہوئی ہیں۔جس کی عدالتی تحقیقات کرائی جانی چاہیے۔انہوں نے کہاکہ ڈپٹی کمشنر اور حیدرآباد پولیس اپنی نااہلیت اور کرپشن چھپانے اور قانونی کارروائی سے بچنے کے لیے تجاوزات کے نام پر عام شہریوں کو پریشان کررہی ہے چھوٹے دکانداروں ٹھیلے پر پھل فروٹ فروخت کرکے اپنے اہل خانہ کا بہ مشکل گزر بسر کرنے والوں کے خلاف کارروائیاں جبکہ بااثر اور حکومتی شخصیات کے ہوٹلز منشیات فروشوں اور جوئے کے اڈے چلانے والوں کے خلاف کسی قسم کی کارروائی کا نہ کرنا افسوسناک عمل ہے انتظامی نشے میں دھت افسران غریب لوگوں کاسامان غیر قانونی قبضہ میں لیکر فخر محسوس کرتے ہیں عملہ فرعونیت کا مظاہرہ کرتے ہوئے عام آدمی سے جارحانہ رویہ سے پیش آتا ہے۔ انہوں نے کہاکہ حیدرآباد سٹی لطیف آباد قاسم آباد سمیت شہر بھر کی شاہراہوں پر کھلے عام منشیات فروشی انتظامیہ کو دکھائی نہیں دیتی۔ انہوں نے کہاکہ اس قسم کا رویہ ناقابل برداشت ہے قومی عوامی تحریک لوگوں کو بے جا پریشان کرنے پر احتجاجی دھرنے دے گی پہلا دھرنا شہیدوں کے ورثا کے ساتھ لطیف آباد میں دیا جائے گا۔
ذریعہ
ذریعہ: Jasarat News
کلیدی لفظ: انہوں نے کہاکہ
پڑھیں:
اسمبلی کارروائی پیپر لیس کرنے کیلئے پنجاب اسمبلی میں جدید ٹیبلٹس کی تنصیب
پنجاب اسمبلی (فائل فوٹو)۔اسمبلی کارروائی پیپر لیس کرنے کے لیے پنجاب اسمبلی میں ارکان کے لیے جدید ٹیبلٹس انسٹال کر دییے گئے۔
لاہور سے ترجمان پنجاب اسمبلی کےمطابق صوبائی اسمبلی کا اگلا اجلاس پیپر لیس ہو گا، 380 ٹیبلٹس یورپین یونین کے آئی پی 5 پروگرام کے تحت پنجاب اسمبلی کو فراہم کیے گئے۔
ترجمان کے مطابق ایپلیکیشن پی آئی ٹی بی نے محکمہ قانون اور اسمبلی آئی ٹی ٹیم کی مشاورت سے تیار کیا، جو صرف اسمبلی کارروائی کے لیے ہے۔
چوہدری عامر حبیب کے مطابق اس فیصلہ سے گرین انرجی کے تحت توانائی کی بچت بھی ہو گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ