پنجاب میں بسنت سخت قوانین کے تحت منائی جائے گی، عظمیٰ بخاری
اشاعت کی تاریخ: 5th, December 2025 GMT
data-id="863a0a8" data-element_type="widget" data-widget_type="theme-post-content.default">
لاہور(آن لائن) وزیر اطلاعات و ثقافت پنجاب عظمیٰ زاہد بخاری نے بسنت اور نئے ٹریفک قوانین کے حوالے سے اہم بیان جاری کیا ہے۔ انہوں نے کہا کہ پنجاب میں 25 سال بعد بسنت کی خوشیاں بحال کی گئی ہیں تاہم یہ خوشی اب سخت اور محفوظ قوانین کے تحت منائی جائے گی۔ ان کا کہنا تھا کہ پنجاب میں بسنت اب صرف ایک تہوار ہے، خطرہ نہیں، اور قانون کی
خلاف ورزی کسی صورت برداشت نہیں کی جائے گی۔عظمیٰ بخاری نے واضح کیا کہ خونی ڈور کا دھندا صوبے میں ہمیشہ کے لیے ختم کر دیا گیا ہے، جبکہ 18 سال سے کم عمر بچے پتنگ بازی نہیں کر سکیں گے۔ انہوں نے بتایا کہ دھات یا کیمیکل کوٹڈ ڈور کے استعمال یا فروخت پر 3 سے 5 سال تک قید اور 20 لاکھ روپے جرمانہ ہو گا۔انہوں نے مزید کہا کہ بچوں کی جانب سے پتنگ بازی ایکٹ کی پہلی خلاف ورزی پر 50 ہزار اور دوسری بار ایک لاکھ روپے جرمانہ لاگو ہو گا۔ ڈور بنانے اور بیچنے والوں کے لیے رجسٹریشن لازم قرار دی گئی ہے اور ڈور پر QR کوڈ کے ذریعے شناخت کی جائے گی۔وزیر اطلاعات نے بتایا کہ موٹر سائیکل سواروں کے لیے خصوصی حفاظتی اقدامات لازمی قرار دے دیے گئے ہیں تاکہ کسی قسم کے حادثات سے بچا جا سکے۔ انہوں نے کہا کہ ٹریفک قوانین صرف سزا دینے کیلئے نہیں بلکہ ہر شہری اور اس کے خاندان کی حفاظت کےلیے ہیں۔ خلاف ورزی پر جرمانہ ہوگا جبکہ مسلسل خلاف ورزی کی صورت میں گاڑی نیلام بھی کی جا سکتی ہے۔
ذریعہ: Jasarat News
کلیدی لفظ: خلاف ورزی انہوں نے جائے گی
پڑھیں:
مریم نواز نے ٹریفک قوانین خلاف ورزی پر کم عمر بچوں کو گرفتار کرنے سے روک دیا
وزیر اعلیٰ پنجاب مریم نواز شریف نے ٹریفک قوانین کی خلاف ورزی پر بچوں کو ہتھکڑیاں لگانے پر سخت برہمی کا اظہار کرتے ہوئے گرفتاریوں سے روک دیا۔
پنجاب حکومت نے 16سال کے بچوں کو اسمارٹ کارڈ اور موٹر سائیکل ڈرائیونگ لائسنس کے اجرا کا اصولی فیصلہ کرلیا۔
صوبے بھر میں ٹریفک پولیس کو عوام بالخصوص طلبہ کے لیے ہفتہ آگاہی منایا جائے گا، ہیلمٹ نہ پہننے پر پہلی خلاف ورزی کی صورت میں وارننگ چالان ہوگا۔ ٹریفک کے لیے پہلی مرتبہ ڈرون اور باڈی کیم کا استعمال شروع کردیا گیا۔
اس موقع پر اجلاس سے خطاب کرتے ہوئے وزیراعلیٰ مریم نواز نے کہاکہ کم عمر طلبہ یا بچوں سے زیادہ والدین کو ٹریفک قوانین سے متعلق بھرپور کردار ادا کرنا چاہیے۔
انہوں نے کہاکہ ٹریفک قوانین عوام کی جان کی حفاظت کے لیے بنائے جاتے ہیں، عوام کو اپنی حفاظت کے لیے عادتوں کو بدلنا ہوگا۔
وزیر اعلیٰ نے کہاکہ ٹریفک قوانین پر عملدرآمد یقینی بنانے کے لیے ہر شہری اپنا کردار ادا کرے، معصوم بچوں کو نہیں پکڑنا چاہتے مگرقانون کی پاسداری ضروری ہے۔
انہوں نے کہاکہ بچوں کا قصور نہیں ہم نے انہیں ہیلمٹ پہننے کی عادت ہی نہیں ڈالی، والدین بچوں کو روڈسیفٹی کے لیے ہیلمٹ کی اہمیت اور ضرورت سے آگاہ کریں۔
مریم نواز نے کہاکہ ٹریفک پولیس عوام کی عزت نفس کا خصوصی خیال رکھے، بداخلاقی اور بدتمیزی نہ کی جائے۔
اجلاس میں مریم نواز کو حکام نے بتایا کہ ٹریفک قوانین کی خلاف ورزی پر 2445 پولیس گاڑ یاں قانون کی زد میں آئی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پنجاب ٹریفک قوانین خلاف ورزی گرفتاری سے روک دیا مریم نواز وزیراعلٰی پنجاب وی نیوز
دسمبر کی تنخواہوں میں اضافہ ! ملازمین کیلئےخوشی کی خبر