فارم 47 کے حکمران شہریوں کے نام فورتھ شیڈول میں شامل کرتی جا رہی ہے، پشتونخوا میپ
اشاعت کی تاریخ: 13th, December 2025 GMT
اپنے بیان میں پشتونخوا میپ کے نے متعدد افراد کے نام فورتھ شیڈول میں شامل کرنے کے اقدامات کو نہ صرف سیاسی انتقام بلکہ آئینی، جمہوری، اسلامی، انسانی حقوق کی سنگین خلاف ورزی کے مترادف قرار دیا۔ اسلام ٹائمز۔ پشتونخوا ملی عوامی پارٹی نے انسداد دہشتگردی کے تحت فورتھ شیڈول کے متعدد افراد کا نام شامل کرنے کو قومی، سیاسی، جمہوری کارکنوں اور غیور عوام کو حقیقی رہنماﺅں کی جدوجہد سے روکنے اور اپنے وطن، اس کے وسائل کے دفاع سے دستبردار کرنے کا ناروا، غیر آئینی و غیر قانونی عمل قرار دیتے ہوئے اس کی شدید الفاظ میں مذمت کی ہے۔ پشتونخوا میپ کے صوبائی پریس ریلیز میں حکومت کے اس اقدامات کو نہ صرف سیاسی انتقام بلکہ آئینی، جمہوری، اسلامی، انسانی حقوق کی سنگین خلاف ورزی کے مترادف قرار دیتے ہوئے کہا گیا کہ پشتونخوا ملی عوامی پارٹی ملک کی اہم سیاسی و جمہوری پارٹی کی حیثیت سے ملک میں آئین و قانون کی بالادستی، جمہور کی حکمرانی، قوموں کی برابری پر مبنی حقیقی فیڈریشن، جمہور کی حکمرانی کی سیاست پر یقین رکھتی ہے۔
بیان میں کہا گیا کہ اس میں پارٹی کا فعال اور مثبت کردار رہا ہے، لیکن ملک کی مقتدر قوتیں پارٹی کی جمہوری و سیاسی جدوجہد سے خائف ہوکر پارٹی کارکنوں کے خلاف بے جا اور بے بنیاد مقدمات درج کرکے جمہوری جدوجہد سے دستبردار کرانا چاہتی ہے۔ چمن میں گزشتہ سال پارٹی کے مرکزی، صوبائی و ضلعی عہدیداروں عبدالعلیم پہلوان، کریم خان ناظم، شیر علی خان کے نام فوتھ شیڈول میں ڈال کر غیر قانونی عمل کیا گیا اور اسی طرح گزشتہ دنوں خانوزئی میں 35 افراد کے نام کو فورتھ شیڈول میں شامل کیا گیا ہے، جبکہ صوبہ بھر میں فارم 47 کی حکومت سیاسی جمہوری، سماجی رہنماﺅں، کارکنوں، وکلاء و دیگر شہریوں کو ماورائے آئین و قانون فورتھ شیڈول میں شامل کرتی جا رہی ہے۔ بیان میں مطالبہ کیا گیا ہے کہ قومی، سیاسی، سماجی، جمہوری رہنماﺅں، کارکنوں کے خلاف اس سلسلے کو فوری ترک کیا جائے اور فورتھ شیڈول سے ان ناموں کو نکالا جائے۔
ذریعہ
ذریعہ: Islam Times
کلیدی لفظ: فورتھ شیڈول میں کے نام
پڑھیں:
آزادکشمیرکے ضلع میرپور میں انٹرنیٹ سروسز مرحلہ وار بحال ہونا شروع
سٹی 42:فری لانسرز اور آئی ٹی سے وابستہ افراد کے لیے بڑی خوشخبری آگئی آزادکشمیرکے ضلع میرپور میں انٹرنیٹ سروسز مرحلہ وار بحال ہونا شروع ہوگئی ۔طویل بندش کے بعد شہریوں نے سکھ کا سانس لے لیا، خوشی کی لہر دوڑ گئی۔
مختلف علاقوں میں سوشل میڈیا اور آن لائن سروسز جزوی طور پر بحال ہوگئی ۔۔چیئرمین پیپلزپارٹی بلاول بھٹو نے انٹرنیٹ سروس بحال کرنے کا مطالبہ کیا تھا شہریوں نے حکومت سے مستقبل میں بلا تعطل سروس کی فراہمی کا مطالبہ کیا تھا ۔
میرپور اور گردونواح میں انٹرنیٹ سروسز مرحلہ وار بحال ہونا شروع ہوگئی ۔طویل بندش کے بعد شہریوں نے سکھ کا سانس لے لیا، خوشی کی لہر دوڑ گئی۔مختلف علاقوں میں سوشل میڈیا اور آن لائن سروسز جزوی طور پر بحال ہو رہی ہیں ۔ کاروباری طبقے نے انٹرنیٹ بحالی کے فیصلے کا خیرمقدم کیا ۔ طلبہ کو آن لائن تعلیم اور اسائنمنٹس میں دوبارہ سہولت میسر مل گئی ۔
فری لانسرز اور آئی ٹی سے وابستہ افراد کے لیے بڑی خوشخبری آگئی ۔شہریوں کا کہنا ہے کہ انٹرنیٹ بندش سے معمولات زندگی شدید متاثر ہوئے،بینکنگ، ای کامرس اور آن لائن ٹرانزیکشنز بھی متاثر رہی تھیں۔بحالی کے بعد کاروباری سرگرمیوں میں تیزی آنے کا امکان ہے ۔ بعض علاقوں میں انٹرنیٹ کی رفتار تاحال سست، مکمل بحالی کا انتظار کیا جارہاہے ۔ انتظامیہ کے مطابق جلد تمام علاقوں میں مکمل سروس بحال کر دی جائے گی۔
شہریوں نے حکومت سے مستقبل میں بلا تعطل سروس کی فراہمی کا مطالبہ کردیا ۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار