جان ابراہم کا نشہ کرنے سے متعلق اہم انکشاف
اشاعت کی تاریخ: 10th, January 2025 GMT
بالی ووڈ کے فٹنس فریک اداکار جان ابراہم نے انکشاف کیا ہے کہ انہوں نے اپنی زندگی میں کبھی منشیات کا استعمال نہیں کیا۔
بھارتی میڈیا رپورٹس کے مطابق جان ابراہم نے ممبئی میں بھارتی حکومت کی جانب سے منعقدہ ایک ’انسدادِ منشیات مہم‘ میں یہ بات کہی۔
تقریب کے دوران طلبہ سے گفتگو کرتے ہوئے انہوں نے بتایا کہ انہوں نے اپنی پوری زندگی میں نہ کبھی سگریٹ نوشی کی، نہ شراب پی، اور نہ ہی منشیات کا استعمال کیا۔
طلبہ کو نصیحت کرتے ہوئے جان نے کہا، ’میں چاہتا ہوں کہ آپ منشیات سے دور رہیں اور اپنے دوستوں، ساتھیوں، اور اردگرد کے لوگوں کے لیے ایک مثالی شخصیت بنیں۔ میں طویل تقریر نہیں کروں گا، لیکن اتنا کہوں گا کہ اپنی زندگی میں نظم و ضبط اپنائیں۔‘
یہ بات قابل ذکر ہے کہ جان ابراہم نے پہلے بھی بالی ووڈ اداکار اکشے کمار اور اجے دیوگن پر پان مصالحہ کے اشتہار کا حصہ بننے پر تنقید کی تھی۔
انہوں نے کہا تھا کہ کچھ لوگ فٹنس پر بات کرتے ہیں اور پھر وہی لوگ پان مصالحہ کی حمایت کرتے ہیں۔ انہوں نے مزید کہا کہ وہ اپنے دوستوں کی بے عزتی نہیں کر رہے لیکن ان کے لیے اصولوں کا پاس رکھنا ضروری ہے، اور انہیں ’موت‘ فروخت کرنے کا حصہ نہیں بننا چاہیے‘۔
واضح رہے کہ جان ابراہم اپنی فٹنس کی وجہ سے بالی ووڈ میں بےحد مشہور ہیں وہ انتہائی نظم و ضبط کے ساتھ زندگی گزارتے ہیں یہاں تک کہ وہ یہ بھی انکشاف کر چکے ہیں کہ ان کے پاس اسمارٹ فون بھی نہیں ہے اور وہ کوئی اسمارٹ فون نہیں بلکہ پرانے زمانے کا نارمل فون استعمال کرتے ہیں جس میں صرف میسج یا کال کی جاسکے۔
.ذریعہ: Daily Mumtaz
کلیدی لفظ: جان ابراہم انہوں نے
پڑھیں:
ارشد ندیم میڈل حاصل کرنے میں ناکام، ’کوشش کرکے ہار جانے پر ہم دکھی نہیں‘
ورلڈ ایتھلیٹکس چیمپئن شپ میں جیولین تھرو کا فائنل جاری ہے، مگر پاکستان کے ارشد ندیم میڈل کی دوڑ سے باہر ہو گئے ہیں۔
فائنل مرحلے میں ارشد ندیم نے اپنی پہلی تھرو 82.73 میٹر کی، جب کہ دوسری باری میں ان کا تھرو فاؤل قرار پایا۔ تیسری کوشش میں انہوں نے معمولی بہتری کے ساتھ 82.75 میٹر کی تھرو کی، تاہم چوتھی باری میں بھی وہ فاؤل کا شکار ہو گئے۔
یہ بھی پڑھیں: ورلڈ ایتھلیٹکس چیمپیئن شپ 2025: ارشد ندیم میڈل کی دوڑ سے باہر ہوگئے
ارشد ندیم کے فائنل کی دوڑ سے باہر ہونے پر سوشل میڈیا پر صارفین نے مختلف ردعمل کا اظہار کیا۔ کوئی یہ کہتا نظر آیا کہ وہ اپنی شہرت نہیں سنبھال سکے تو کسی نے کہا کہ آج کا دن آپ کے لیے اچھا نہیں تھا، آپ ابھی بھی ہمارے ہیرو ہیں۔
میاں عمر نے لکھا اس نے اپنی پوری کوشش کی، مگر قسمت نے ساتھ نہیں دیا۔ انہوں نے مزید کہا کہ آپ پاکستان کا فخر ہیں۔
He tried his best, but luck ???? was not on his side. #ArshadNadeem, you are still the pride of Pakistan ????????♥️ pic.twitter.com/vrmfhrFjst
— Adv. Mian Omer???????? (@Iam_Mian) September 18, 2025
رضوان حیدر نے کہا کہ آج کا دن ارشد ندیم کے لیے اچھا نہیں رہا، امید ہے اگلی بار وہ بہتر کارکردگی دکھائیں گے۔ ان کا مزید کہنا تھا کہ انڈیا کے نیرج چوپڑا بھی اپنی بہترین فارم میں نظر نہیں آئے۔
Not a good day for Arshad Nadeem. Better luck next time. Neeraj also failed to do his best, but another Indian Yadav and SL Rumesh did well so far. #WorldAthleticsChampionshipsTokyo2025 pic.twitter.com/gmwcAFc60Q
— Rizwan Haider (@razi_haider) September 18, 2025
ایک ایکس صارف نے کہا کہ نیرج چوپڑا اور ارشد ندیم مقبولیت حاصل کرنے کے بعد اپنی کارکردگی میں تسلسل برقرار نہیں رکھ پا رہے۔ ارشد کا چوتھے راؤنڈ سے باہر ہونا اور نیرج کا پانچویں راؤنڈ سے باہر ہونا ظاہر کرتا ہے کہ ان میں کچھ کمی ہے۔
Neeraj chopra aur arshad nadeem popularity paane ke baad apne performance me consistency nhi rakh paa rhe… Arshad ka 4th round se bahar hona aur neeraj ka 5th round se bahar hona batata hai ki they lack something… #neerajchopra #Javelin
— Ashutosh (@ashu_minds) September 18, 2025
عشرت فاطمہ لکھتی ہیں کہ ارشد ندیم ورلڈ ایتھلیٹکس جیولین تھرو کے فائنل سے باہر ہو گئے ہیں۔ وہ حال ہی میں ایک بڑی سرجری سے گزرے مگر پھر بھی قوم کو ان سے بڑی امیدیں تھیں۔ ان کا کہنا تھا کہ کوشش کر کے ہار جانے پر ہم دکھی نہیں۔ آپ کے ساتھ ہیں۔ارشد ندیم ابھی بھی ہمارے ہیرو ہیں۔ پھر ابھریں گے ،ہماری دعائیں آپ کے ساتھ ہیں۔
https://Twitter.com/OfficialIshrat/status/1968641887348109710
یاد رہے کہ ارشد ندیم، جو اولمپکس میں گولڈ میڈل بھی جیت چکے ہیں، انجری کے باعث پہلے ورلڈ ایتھلیٹکس سلور ٹور اور پھر ڈائمنڈ لیگ سے دستبردار ہو گئے تھے۔ اس کے بعد ان کی تمام تر توجہ ورلڈ ایتھلیٹکس چیمپئن شپ پر مرکوز تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ارشد ندیم
پاک بھارت کشیدہ تعلقات کے دوران 67 پاکستانی قیدی رہا، برسوں بعد وطن واپسی