بگ اکیڈمی ریاض:مصنوعی ذہانت کے موضوع پرمذاکرہ
اشاعت کی تاریخ: 13th, January 2025 GMT
ڈاکٹر مورے بلیک اور ڈاکٹرمحمد کریم الدین کی ٹیم کے دیگراراکین
سعودی عرب میں بگ اکیڈمی ریاض کی جانب سے مصنوعی ذہانت اور ڈیٹا سائنسز کے موضوع پر ایک شاندار مذاکرے کا انعقاد کیا گیا۔ وسیم خان سعودی عرب کے مطابق یہ نہایت منظم اورعلمی طور پر متاثر کن رہا۔ اس پروگرام کی قیادت ڈاکٹر مورے بلیک، ڈین یورکلیا بزنس اسکول، فرانس اور ڈاکٹرمحمد کریم الدین، سی ای او بگ اکیڈمی نے کی۔ ان کے ہمراہ ان کی ٹیم کے دیگراراکین بھی شریک ہوئے۔ تقریب کا انتظام مسز وردہ، اکیڈمک انچارج بوائزسیکشن نے کی۔ مسٹرجاوید مرزا نے بگ اکیڈمی کی ٹیم کو خوش آمدید کہا اور ان کے علمی مباحثے پرشکریہ ادا کیا۔ شرکاء نے مصنوعی ذہانت اورڈیٹا سائنسزکے میدان میں گہری دلچسپی اور جوش و خروش کا مظاہرہ کیا۔ یہ مباحثہ ان جدید ٹیکنالوجیز اور ان کے اثرات پرطلبہ اورماہرین کے درمیان تبادلہ خیال کا ذریعہ بنا۔ یہ تقریب اس بات کو اجاگر کرتی ہے کہ مصنوعی ذہانت اور ڈیٹا سائنسز مستقبل کی صنعتوں کو ازسرنو تشکیل دینے میں کتنی اہمیت رکھتے ہیں۔-
.ذریعہ: Jasarat News
کلیدی لفظ: مصنوعی ذہانت
پڑھیں:
خیبرپختونخوا: محکمہ تعلیم کے ملازمین کی تعلیمی چھٹی کا غلط استعمال بے نقاب
محکمہ تعلیم خیبرپختونخوا کے ملازمین کی جانب سے تعلیمی چھٹی کا بڑے پیمانے پر غلط استعمال سامنے آ گیا۔دستاویزات کے مطابق تعلیمی چھٹی لینے والے بیشتر ملازمین مقررہ وقت میں ڈگری مکمل نہ کر سکے جبکہ کئی ملازمین نے ڈگری حاصل کرنے کے بعد بھی محکمے میں واپسی نہیں کی۔رپورٹ میں انکشاف ہوا ہے کہ اکثر ملازمین نے بغیر اجازت ہی تعلیمی چھٹی لی جبکہ کچھ نے چھٹی کے دوران آدھی کے بجائے پوری تنخواہیں وصول کیں۔محکمہ تعلیم کے مطابق ابتدائی مرحلے میں ملازمین کا ڈیٹا مرتب کر لیا گیا ہے، 182 ملازمین گریڈ 12 سے گریڈ 19 تک کے مختلف عہدوں پر تعلیمی چھٹی پر گئے اور سالوں بعد بھی واپس نہیں آئے۔
حکام کا کہنا ہے کہ تعلیمی چھٹی کا غلط استعمال کرنے والے ملازمین کے خلاف کارروائی عمل میں لائی جائے گی اور ڈیٹا کی تکمیل کے بعد کارروائیوں کا باضابطہ آغاز ہو گا۔
دنیا بھر میں اسکولوں پر حملوں میں 44 فیصد اضافہ تشویشناک ہے، وزیراعلیٰ سندھ