بانی پی ٹی آئی اور بشریٰ بی بی کے خلاف 190 ملین پاؤنڈز کیس کا فیصلہ آج ہوگا
اشاعت کی تاریخ: 13th, January 2025 GMT
راولپنڈی : پاکستان تحریک انصاف کے بانی عمران خان اور ان کی اہلیہ بشریٰ بی بی کے خلاف 190 ملین پاؤنڈز کے ریفرنس کا فیصلہ آج سنایا جائے گا۔ احتساب عدالت کے جج ناصر جاوید رانا آج صبح 11 بجے اڈیالہ جیل میں اس کیس کا فیصلہ سنائیں گے۔ عدالتی عملے نے فریقین کو فیصلے کی اطلاع دے دی ہے۔
ْ
عمران خان کے وکیل خالد یوسف چودھری نے بھی اس بات کی تصدیق کی ہے کہ فیصلہ آج سنایا جائے گا۔ اس کے ساتھ ہی نیب کی پراسیکیوشن ٹیم کو بھی فیصلے کے بارے میں آگاہ کر دیا گیا ہے۔
اس کیس کی حساسیت کے پیش نظر، اڈیالہ جیل کے اندر اور باہر سکیورٹی کے سخت انتظامات کیے گئے ہیں، اور اڈیالہ روڈ پر پولیس کی موجودگی بڑھا دی گئی ہے۔
یاد رہے کہ اس کیس کا فیصلہ 18 دسمبر 2024 کو محفوظ کیا گیا تھا، اور کئی بار تاریخوں میں تبدیلی کے بعد آج 13 جنوری کو فیصلہ سنایا جائے گا۔ اس مقدمے میں نیب نے 35 گواہان کے بیانات ریکارڈ کرائے ہیں، جن میں اہم شخصیات جیسے سابق پرنسپل سیکرٹری اعظم خان، سابق وزیراعلیٰ پرویز خٹک اور سابق وزیر زبیدہ جلال شامل ہیں۔
.ذریعہ: Nai Baat
کلیدی لفظ: کا فیصلہ
پڑھیں:
190ملین پاؤنڈ کیس میں بانی پی ٹی آئی اور بشریٰ بی بی کی درخواست سماعت کیلئے مقرر
اسلام آباد(ڈیلی پاکستان آن لائن)190ملین پاؤنڈ کیس میں بانی پی ٹی آئی عمران خان اور بشریٰ بی بی کی درخواست سماعت کیلئے مقررکر دی گئی۔
نجی ٹی وی چینل جیو نیوز کے مطابق بانی پی ٹی آئی اور بشریٰ بی بی کی 190ملین پاؤنڈ کیس میں بری کرنے کی استدعا ہے،بری کرنے کی درخواست 25ستمبر کوسماعت کیلئے مقرر کی گئی ،چیف جسٹس سرفراز ڈوگر اور جسٹس اعظم خان پر مشتمل ڈویژن بنچ سماعت کرے گا۔
مزید :
مون سون کا خطرناک اسپیل کراچی پر برسنے کو تیار، مختلف علاقوں میں بارش شروع