بنو قابل: نوجوان آئی ٹی کی تعلیم حاصل کر کے والدین کا سہارا بنیں گے، منعم ظفر
اشاعت کی تاریخ: 13th, January 2025 GMT
کراچی:امیر جماعت اسلامی کراچی منعم ظفر خان کاکہناہےکہ کورنگی اور لانڈھی کے نو جوان کسی سے پیچھے نہیں۔ کراچی میں الخدمت بنو قابل کا یہ بارہواں پروگرام ہے، نوجوان آئی ٹی کی تعلیم حاصل کر کے والدین کا سہارا بنیں گے۔
الخدمت بنو قابل پروگرام 4.0کا 12واں ایپٹی ٹیوٹ ٹیسٹ راشد لطیف اسٹیڈیم اور نسیم حمید گراؤنڈ کورنگی میں منعقد ہوا،جس میں لانڈھی اور کورنگی کے ہزاروں نوجوانوں نے شرکت کی، دونوں گراؤنڈ ٹیسٹ شرکاء سے بھر گئے،طلبہ و طالبات کی غیر معمولی شرکت کے باعث منتظمین کی جانب سے کیے گئے انتظاماے کم پڑ گئے،12ہزار طلبہ و طالبات نے رجسٹریشن کروائی تھی لیکن کئی ہزار اضافی آمد کے باعث ہنگامی طور پر انتظامات کرنے پڑے۔
امیر جماعت اسلامی کراچی نے ٹیسٹ کے شرکا سے خطاب کرتے ہوئے کہا کہ اب تک 50 ہزار نوجوانوں کو فری آئی ٹی کورسز کروا چکے ہیں، الخدمت بنو قابل 4.
انہوں نے مزید کہاکہ نوجوانوں کو مایوس نہیں ہونے دیں گے، اس شہر کی تعمیر کریں گے،ہم نے نوجوانوں کا ہاتھ تھاما ہے، الخدمت بنو قابل پروگرام کراچی کے نوجوانوں کے روشن مستقبل کی نوید اور آگے بڑھنے کا سہارا اور ذریعہ ہے۔
منعم ظفر خان نے کہا کہ میٹرک اور انٹر کے طلبہ کے نتائج اور ایم ڈی کیٹ کے ٹیسٹ کا حال سب کے سامنے ہے،نوجوانوں کو مایوس کیا جا رہا ہے، کراچی کے نوجوانوں کی تعلیمی نسل کشی کی جا رہی ہے، مایوسی کی کیفیت میں لوگ ملک سے باہر چلے جاتے ہیں، ہم نوجوانوں سے کہتے ہیں مایوس ہونے کی ضرورت نہیں۔
انہوں نے مزید کہاکہ بنو قابل سے آئی ٹی کورسز کرکے آگے بڑھیں، کراچی اور پورے ملک کی تعمیر و ترقی میں اپنا کردار ادا کریں، نوجوان اسلام سے محبت کرنے والے بنیں،اچھے اخلاق اور کردار سے مزین ہوں۔علم کے ہتھیار سے لیس ہوں تو دنیا کی کوئی طاقت آپ کو کامیابی سے نہیں روک سکتی۔
ذریعہ: Jasarat News
کلیدی لفظ: الخدمت بنو قابل آئی ٹی
پڑھیں:
صارفین کی حقیقی عمر کی تصدیق کیلئے میٹا نے اے آئی کا سہارا لے لیا
لاس اینجلس (نیوز ڈیسک)معروف ٹیکنالوجی کمپنی میٹا کی جانب سے صارفین کی اصل عمر کی تصدیق کرنے کے لیے اے آئی کا سہارا لیا جائے گا۔
رپورٹ کے مطابق مذکورہ اے آئی ٹول صارف کی حقیقی عمر کا تعین کرے گا، چاہے وہ اسے غلط ہی کیوں نہ بتائے۔
انسٹاگرام ایپلیکیشن اپنے صارفین کی درست عمر کا پتہ لگانے کے لیے AI کا استعمال کرے گا، اگر صارف اپنی غلط عمر ڈالے گا تو اے آئی ٹیکنالوجی حقیقی عمر کا تعین کرکے 18 سال سے کم عمر افراد کو خودکار طور پر ٹین (teen) اکاؤنٹس میں منتقل کردے گا۔
انسٹاگرام نے عمر کا تعین معلوم کرنے کے حوالے سے اعلان 2024 میں کیا تھا۔
یہ اکاؤنٹس 13 سے 17 سال کے صارفین کے لیے ہیں میٹا کی جانب سے کم عمر نوجوانوں کے تحفظ کے لیے ایسے اکاؤنٹس میں مختلف پابندیاں عائد کی گئی ہیں۔
کمپنی نے ایک بلاگ پوسٹ میں بتایا کہ اگر شک ہوا کہ کوئی اکاؤنٹ کم عمر صارف کا ہے تو عمر کی فوری تصدیق کی جائے گی اور اکاؤنٹ کو پابندیوں والی سیٹنگز میں منتقل کر دیا جائے گا۔
میٹا نے تسلیم کیا کہ سسٹم غلطیاں کرسکتا ہے اور صارفین ضرورت پڑنے پر سیٹنگز کو پھر ایڈجسٹ کرسکتے ہیں۔
کمپنی کے مطابق ہم چند عرصے سے عمر کی تصدیق کے لیے اے آئی ٹیکنالوجی کو استعمال کر رہے ہیں مگر اب اس پر مکمل طور پر عمل کیا جائے گا۔
مزیدپڑھیں:نئی نہروں پر احتجاج: 800 ٹینکرز پھنسنے سے صوبے میں پیٹرولیم مصنوعات کی قلت کا خدشہ
افغانستان کے وفد کی وزیر مملکت برائے داخلہ سے ملاقات، افغان مہاجرین کی واپسی پر گفتگو