کراچی: لانڈھی میں شادی کی خوشی میں فائرنگ سے ایک شخص جاں بحق
اشاعت کی تاریخ: 14th, January 2025 GMT
لانڈھی میں شادی کی خوشی میں فائرنگ سے ایک شخص جاں بحق ہوگیا جبکہ دیگر علاقوں میں فائرنگ سے 4 افراد زخمی ہوگئے جس میں 3 افراد ڈاکوؤں کی فائرنگ سے زخمی بتائے جاتے ہیں۔
تفصیلات کے مطابق لانڈھی 6 نمبر فاروق مسجد کے قریب فائرنگ کے واقعہ میں ایک شخص جاں بحق ہوگیا جس کی لاش رات گئے جناح اسپتال لیجائی گئی۔
ایس ایچ او عوامی کالونی وکیل احمد نے بتایا کہ واقعہ عمیر نامی شخص کی شادی کی خوش میں کی گئی ہوائی فائرنگ سے پیش آیا ہے جبکہ مقتول کی شناخت 45 سالہ حمید کے نام سے کی گئی جسے سینے پر گولی لگی تھی واقعہ کی اطلاع پر پولیس موقع پر پہنچ تو سب گھروں کو تالے لگا کر غائب ہوگئے تھے تاہم پولیس نے اس حوالے سے رات گئے چھاپے مار کارروائیوں کے دوران متعدد افراد کو پوچھ گچھ کے لیے حراست میں لے لیا ہے جبکہ مقتول دولہے کا رشتے دار اور ایک ہی محلے میں رہتے ہیں۔
دریں اثنا اورنگی ٹاؤن چشتی نگر سوغات بیکری کے فائرنگ سے 20 سالہ حسیب زخمی ہوگیا جسے عباسی شہید اسپتال لیجایا گیا۔
ریسکیو حکام کا کہنا تھا کہ واقعہ ڈکیتی کے دوران بازو پر گولی لگنے سے پیش آیا ہے جبکہ اقبال مارکیٹ پولیس واقعہ کو نامعلوم سمت سے آنے والی گولی کا شاخسانہ قرار دے رہی ہے ۔ بلدیہ حب ریور روڈ بوٹ مارکیٹ کے قریب فائرنگ 16 سالہ محب زخمی ہوگیا جسے ایدھی کے رضا کاروں نے طبی امداد کے لیے قریب ہی قائم مرشد اسپتال پہنچایا۔
ریسکیو حکام کا کہنا ہے کہ واقعہ ڈکیتی کے دوران ٹانگ پر گولی لگنے کا بتایا جا رہا ہے۔
سرجانی کے علاقے لیاری 36 حسینی مسجد کے قریب فائرنگ سے 19 سالہ رحیم زخمی ہوگیا جسے ریسکیو اہلکاروں نے عباسی شہید اسپتال پہنچایا۔
ریسکیو حکام کا کہنا ہے کہ واقعہ ڈکیتی کے دوران مزاحمت پر پیش آنے کا بتایا جا رہا ہے۔
دریں اثنا منظور کالونی کشمیر کالونی بلال مسجد کے قریب فائرنگ کے واقعہ میں 17 سالہ عاقب شدید زخمی ہوگیا جسے تشویشناک حالت میں جناح اسپتال لیجایا گیا۔
ریسکیو حکام کا کہنا ہے کہ واقعہ نامعلوم سمت سے آنے والی گولی لگنے کا بتایا جا رہا ہے جبکہ نوجوان کو گولی سر پر لگی تھی ۔
.ذریعہ: Express News
کلیدی لفظ: زخمی ہوگیا جسے کے قریب فائرنگ فائرنگ سے ا ہے جبکہ کہ واقعہ کے دوران
پڑھیں:
لیبیا میں ساحل کے قریب کشتی الٹ گئی، 61 افراد لاپتہ
طرابلس (اُردو پوائنٹ اخبارتازہ ترین - این این آئی۔ 18 ستمبر2025ء)لیبیا کے ساحل کے قریب کشتی الٹ گئی، 61 افراد لاپتہ جبکہ 13 افراد کو بچالیا گیا۔غیرملکی خبر ایجنسی کے مطابق کشتی میں 74 افراد سوار تھے جن میں سے زیادہ تر سوڈانی پناہ گزین تھے۔(جاری ہے)
یو این ایچ سی آر نے کہا کہ شمال مشرقی لیبیا میں توبروک کے ساحل پر کشتی ڈوبنے کے بعد صرف 13 افراد زندہ بچ گئے جبکہ 61 دیگر لاپتہ ہوگئے۔
منیشا کوئرالہ نے نیپال میں مظاہرین کیخلاف جاری پرتشدد کریک ڈاؤن پر آواز بلند کردی