ہماری پوزیشن کلیئر، ڈیل کا تاثر پی ٹی آئی کے لوگ دیتے ہیں، طلال
اشاعت کی تاریخ: 14th, January 2025 GMT
کراچی (نیوز ڈیسک) نجی ٹی وی کے پروگرام میں گفتگو کرتے ہوئے ن لیگ کے رہنما طلال چوہدری نے کہا ہے کہ ڈیل کا تاثر تحریک انصاف کے لوگ ہی دیتے ہیں،ہماری پوزیشن کلیئر ہے۔
سابق اسپیشل پراسکیوٹر نیب عمران شفیق نے کہاکہ میں سمجھتا ہوں اس وقت عمران خان کے ٹرائل کے بجائے عدلیہ کا ہو رہا ہے یعنی کٹہرے میں عمران خان کے بجائے عدلیہ آچکی ہے کہ کسی ایک مقدمہ میں اتنی اُجلت دکھائی جاتی ہے دوسرے مقدمات میں اتنی ڈھیل دی جاتی ہے۔
نمائندہ جیو نیوز شبیر ڈار نے کہا کہ میرا ذاتی خیال ہے کہ عمران خان اس جج پر دو مرتبہ اعتماد کرچکے ہیں اور ان کے وکلاء نے حتمی دلائل میں بتایا کہ ہم کوئی سوال نہیں اٹھا رہے ہیں ۔
ن لیگ کے رہنما طلال چوہدری نے کہا کہ ہمیں کوئی وسوسہ نہیں یہ اوپن اینڈ شٹ کیس ہے ۔
ڈیل کا تاثر تحریک انصاف کے لوگ ہی دیتے ہیں۔ ہماری پوزیشن کلیئر ہے نو مئی ہو چھبیس نومبر ہو ڈکیتی ہو ریاست کے کیسز ہیں کسی کی ذات کا معاملہ نہیں اس پر این آر او نہیں ہوگا اور کچھ دنوں میں سب پر واضح ہوجائے گا ۔
مذاکرات ہوسکتے ہیں ڈیل یا ڈھیل نہیں ہوگی۔ملاقات جیل والے کسی وقت بھی کراسکتے ہیں یہ بھی مینول کا حصہ ہے۔
کمیشن کے ٹی او آر میٹر کرتے ہیں اگر اس پر اتفاق ہوگا تو پھر سوچا جاسکتا ہے ہم سمجھتے ہیں دونوں پر کمیشن کی ضرورت نہیں کیوں کہ یہ بالکل واضح ہے کہ نو مئی اور چھبیس نومبر کس نے کیا ہے اور کس نے کرایا ہے۔
پی ٹی آئی کی حکومت نے خط لکھا تھا حسین نواز اور شہباز شریف کے خلاف اس کے بعد این سی اے نے شریف فیملی کو شہباز شریف سمیت کلین چٹ دی اسی میں سے 190 ملین نکلا اور انہوں نے پیسے کھائے جو ان کے گلے پڑے ہیں۔
.ذریعہ: Daily Mumtaz
پڑھیں:
پاکستان عالمی سطح پر دہشت گردی کیخلاف مضبوط مورچہ ہے، طلال چوہدری
تصویر، جیو نیوز اسکرین گریبوزیر مملکت برائے داخلہ طلال چوہدری نے کہا ہے کہ پاکستان عالمی سطح پر دہشت گردی کیخلاف مضبوط مورچہ ہے۔
اسلام آباد میں وزیر مملکت قانون و انصاف بیرسٹر عقیل ملک اور وزیر مملکت برائے داخلہ طلال چوہدری نے پریس کانفرنس کی۔
اس موقع پر طلال چوہدری نے کہا کہ ہم دہشت گردوں کے اکاؤنٹس بلاک کرنا چاہتے ہیں، ہم چاہتے ہیں کہ ہمارے ساتھ ان اکاؤنٹس سے متعلق معلومات شیئر کی جائیں۔
طلال چوہدری نے کہا کہ ہم سوشل میڈیا آپریٹرز سے درخواست کر رہے ہیں کہ وہ ہم سب سے تعاون کریں، جو اکاؤنٹس بتائے ہیں وہ تمام دہشت گرد گروپوں کے ہیں، ہمیں نہیں معلوم کہ یہ اکاؤنٹس افغانستان سے یا کہاں سے آپریٹ ہو رہے ہیں۔
انہوں نے کہا کہ یہ اکاؤنٹس گمنام ناموں اور گمنام آئی ڈیز کے ذریعے چلائے جارہے ہیں۔
پاکستان دہشتگردی کیخلاف عالمی جنگ میں مضبوطی سے کھڑا ہےاس موقع پر بیرسٹر عقیل ملک نے کہا کہ پاکستان دہشت گردی سے بہت زیادہ متاثر ہوا ہے، پاکستان کو دہشت گردی میں نا صرف جانی بلکہ بھاری مالی نقصان بھی ہوا، ہم پاکستان میں سوشل میڈیا پلیٹ فارمز کے دفاتر قائم ہونے کا خیر مقدم کریں گے۔
بیرسٹر عقیل ملک نے کہا کہ بہت سے دہشت گرد گروپ نا صرف پاکستان بلکہ اقوام متحدہ کی فہرست میں بھی کالعدم ہیں، طلال چوہدری نے نشاندہی کی تھی کہ یہ دہشت گرد گروپس واٹس ایپ چلا رہے ہیں۔
انہوں نے کہا کہ یہ دہشت گرد گروپ ہمارے ملک، معاشرے اور پوری دنیا کے لیے خطرہ ہیں، پاکستان میں 180اکاؤنٹس کی نشاندہی کی گئی ہے جو ان دہشت گرد گروپوں کے ہیں۔
بیرسٹر عقیل ملک نے کہا کہ ہم زور دیتے ہیں کہ سوشل میڈیا پلیٹ فارم نا صرف ان اکاؤنٹس کی نشاندہی کرے بلکہ ان کو بلاک کرے، ہم دہشت گردوں کے مزید سوشل میڈیا اکاؤنٹس کی نشاندہی کر رہے ہیں، پاکستان دہشت گردی کے خلاف عالمی جنگ میں مضبوطی سے کھڑا ہے۔
پی ٹی آئی نے سینیٹ کی نشستوں کے لیے امیدواروں کو ٹکٹ جاری کردیئے