وزیراعظم شہبازشریف نے پاکستان کی سفارتی تنہائی ختم کردی ہے، میاں زاہدحسین
اشاعت کی تاریخ: 14th, January 2025 GMT
کراچی(اُردو پوائنٹ اخبارتازہ ترین - این این آئی۔ 14 جنوری2025ء)نیشنل بزنس گروپ پاکستان کے چیئرمین، پاکستان بزنس مین اینڈ انٹلیکچولزفورم وآل کراچی انڈسٹریل الائنس کے صدر، ایف پی سی سی ائی پالیسی ایڈوائزری بورڈ کے چیئرمین اورسابق صوبائی وزیرمیاں زاہد حسین نے کہا ہے کہ وزیراعظم شہبازشریف نے پاکستان کی سفارتی تنہائی ختم کردی ہے۔ سابقہ حکومت کی غلط پالیسیوں اورسستی شہرت کی خواہش نے نہ صرف معیشت کوبرباد بلکہ پاکستان کواقوام عالم میں تنہا کردیا تھا، مگروزیراعظم اور ان کی ٹیم اس چیلنج سے بخوبی عہدہ براہ ہوئے ہیں جولائق تحسین ہے۔
میاں زاہد حسین نے کاروباری برادری سے بات چیت کرتے ہوئے کہا کہ موجودہ حکومت نے ایک سال سے کم عرصہ میں معاشی، سیاسی اورسفارتی محاز پرزبردست کامیابیاں حاصل کی ہیں جس نے عوام میں ملکی مستقبل پر اعتماد پیدا کر دیا ہے اوراب اقوام عالم میں پاکستان کوایک ناکام ملک کے بجائے ترقی پذیر ملک کے طور پر دیکھا جا رہا ہے جس کی زراعت، صنعت، برامدات ترسیلات زر اور زر مبادلہ کے ذخائر میں اضافہ ہو رہا ہے۔(جاری ہے)
میاں زاہد حسین نے کہا کہ ایس ائی ایف سی بہترین کام کر رہی ہے اور اس سال کاٹن کی فصل مارچ کی بجائے فروری میں کاشت کرنے کی کوشش کی جا رہی ہے جس سے پاکستان کو پانچ ارب ڈالر کی اضافی آمدن کا امکان ہے موجودہ حکومت نے مختلف ترقیاتی منصوبوں کے علاوہ زبردست اصلاحات بھی کی ہیں اورملک کواسکی تاریخ کے سب سے بڑے بحران سے نکالنے کا سہرا بھی انہی کے سرہے۔ ملک کوڈیفالٹ سے نکال کرترقی کے راستے پرڈالنا کوئی معمولی کارنامہ نہیں ہے۔ وزیراعظم اب بھی مطمئن نہیں ہیں اوروہ اڑان پاکستان اور دیگر منصوبوں کی مدد سے ملک کی معاشی تاریخ بدلنے کی کوشش کر رہے ہیں جس سے عوام کو سکھ کا سانس مل سکے گا۔ ماضی کی غلط پالیسیوں اورسفارتی آداب سے نا واقفیت کی وجہ سے پاکستان نہ صرف اسلامی ممالک میں تنہا ہوگیا تھا بلکہ چین امریکہ اور یورپی یونین سے بھی معاملات بگڑگئے تھے۔ اگر یہی صورتحال کچھ عرصہ اورجاری رہتی اتوملک دیوالیہ ہوچکا ہوتا اورخانہ جنگی کا شکاربھی ہوچکا ہوتا۔ حکومت کی سرتوڑکوششوں سے ملکی حالات تیزی سے بہترہورہے ہیں، عوام اورکاروباری برادری پرامید ہوچکے ہیں، ملکی تاریخ میں پہلی بارمتوازن افغان پالیسی اختیارکی جا چکی ہے، پی آئی اے کوتباہ وبرباد کرنے کی سازش ناکام بنائی جا چکی ہے جس سے ملک کواربوں ڈالرکا نقصان پہنچا اوراب پی آئی اے کی پروازیں یورپ جا رہی ہیں۔ میاں زاہد حسین نے مزید کہا کہ شرح سود مسلسل کم ہورہی ہے، کرنٹ اکانٹ خسارہ ختم ہو گیا ہے، جی ڈی پی پیداوار، برآمدات اورترسیلات کی صورتحال بتدریج بہترہورہی ہے اورزرمبادلہ کے ذخائربڑھ رہے ہیں۔ پاکستان میں ملکی و غیر ملکی سرمایہ کاری میں اضافہ کے قوی امکانات ہیں جبکہ ایران سے نہ صرف تعلقات بہترہورہے ہیں بلکہ نئی بارڈرکراسنگ بھی کھول دی گئی ہے جس سے اسمگلنگ میں کمی ہوگی اورقانونی تجارت بڑھے گی جس سے حکومت کی آمدن اورعوام کے روزگار میں اضافہ ہوگا۔.ذریعہ: UrduPoint
کلیدی لفظ: تلاش کیجئے میاں زاہد حسین نے
پڑھیں:
پاکستان اور بنگلادیش کا سفارتی و سرکاری پاسپورٹس پر ویزا فری انٹری دینےکا فیصلہ
پاکستان اور بنگلا دیش نے سفارتی و سرکاری پاسپورٹس کے حامل افراد کو ویزا فری انٹری کی سہولت دینےکا اصولی فیصلہ کرلیا۔ڈھاکا میں وفاقی وزیر داخلہ محسن نقوی کی بنگلادیشی ہم منصب لیفٹیننٹ جنرل(ر) جہانگیر عالم چوہدری سے ملاقات ہوئی۔ملاقات میں انٹرنل سکیورٹی اور پولیس ٹریننگ کے شعبوں میں تعاون بڑھانے پر اتفاق ہوا، پاک بنگلادیش دوطرفہ تعاون کو فروغ دینےکے لیے مشترکہ کمیٹی بھی تشکیل دی گئی۔ملاقات میں سفارتی و سرکاری پاسپورٹس پر ویزا فری انٹری پر بڑی پیش رفت ہوئی، پاکستان اوربنگلا دیش نے سفارتی وسرکاری پاسپورٹس کو ویزا فری انٹری کی سہولت دینےکا فیصلہ کرلیا۔
ملاقات میں انسداد منشیات و انسداد انسانی اسمگلنگ کے لیے اشتراک کار بڑھانے پر بات چیت ہوئی۔
جسٹس محسن کا اسلام آباد ہائی کورٹ کے ججز کی سنیارٹی کو چیلنج کرنے کا فیصلہ