قومی اسمبلی میں لاس اینجلس میں لگی آگ، متاثرین کیساتھ اظہار یکجہتی کی قرارداد منظور
اشاعت کی تاریخ: 14th, January 2025 GMT
اسلام آباد (ڈیلی پاکستان آن لائن )قومی اسمبلی نے امریکا کے شہر لاس اینجلس میں لگنے والی ہولناک آگ اور اس واقعے کے متاثرین کے ساتھ اظہار یکجہتی کی مشترکہ قرارداد منظور کرلی۔
نجی ٹی وی جیو نیوز کے مطابق قومی اسمبلی کے اجلاس میں قرارداد پیپلز پارٹی کے نوید انور جیوا نے پیش کی جس پر 13سے زائد ارکان نے دستخط کئے۔
قرارداد میں کہا گیا ہے کہ یہ ایوان متاثرین کے ساتھ یکجہتی کا اظہار کرتا ہے۔ قرارداد میں مطالبہ کیا گیا ہے کہ عالمی ادارے امداد کیلئے آگے آئیں اور متاثرہ لوگوں کی مدد کریں۔
بعد ازاں قومی اسمبلی نے لاس اینجلس میں لگنے والی خوفناک آگ، درجنوں افراد کے جاں بحق ہونے اور ہزاروں افراد کے متاثر ہونے پر ان سے اظہار ہمدردی کے لئے قراداد منظور کرلی۔
خیال رہے کہ امریکی ریاست کیلیفورنیا میں لگی آگ پر تقریباً ایک ہفتہ گزرجانے کے بعد بھی قابو نہیں پایا جاسکا۔ مختلف مقامات پر لگی یہ آگ اب تک تقریباً 40 ہزار ایکڑ رقبے کو جلا کر خاکستر کرچکی ہے۔
اس آگ کے نتیجے میں اب تک 24 افراد ہلاک ہوچکے ہیں جبکہ متعدد لاپتا ہیں، آگ کے باعث 12 ہزار سے زائد مکان اور عمارتیں راکھ کا ڈھیر بن گئی ہیں جبکہ 2 لاکھ سے زائد افراد نقل مکانی پر مجبور ہوگئے۔
امریکی میڈیا کے مطابق 12 ہزار سے زائد فائر فائٹرز، ساڑھے 1100 فائر انجن، 60 طیارے اور 143 واٹر ٹینکر آگ بجھانے کی کوششوں میں مصروف ہیں جو اب تک آگ پر قابو پانے میں ناکام رہے ہیں۔
تھر میں بچوں کی شرح اموات کی خبروں کو زیادہ اچھالا جاتا ہے: بلاول بھٹو
مزید :.ذریعہ: Daily Pakistan
کلیدی لفظ: قومی اسمبلی
پڑھیں:
وزیراعلیٰ مریم نواز کی ہدایت پر عیدالاضحیٰ کے صفائی انتظامات کی سخت مانیٹرنگ جاری
سٹی42: وزیراعلیٰ پنجاب مریم نواز کی خصوصی ہدایت پر عیدالاضحیٰ کے موقع پر صوبہ بھر میں صفائی کے مثالی انتظامات کو یقینی بنانے کے لیے مانیٹرنگ کا عمل سختی سے جاری ہے۔ اس مقصد کے تحت صوبہ بھر میں کنٹرول رومز قائم کیے گئے ہیں جہاں 24 گھنٹے آپریشن جاری ہے۔
سول سیکرٹریٹ لاہور میں قائم مرکزی کنٹرول روم میں 100 سے زائد افسران و ملازمین تین مختلف شفٹوں میں خدمات سرانجام دے رہے ہیں تاکہ عید کے تینوں دن صفائی آپریشن کی براہ راست نگرانی کی جا سکے۔
عباسی شہید ہسپتال کی ایمرجنسی میں بیل گھس آیا، مریضوں میں بھگدڑ مچ گئی
سیکرٹری بلدیات کے مطابق ہیلپ لائنز 1198 اور 1139 پر بھی فوری عوامی شکایات کے ازالے کے لیے نمائندے تعینات کیے گئے ہیں، جبکہ تمام اضلاع میں صفائی عملہ اور مشینری مکمل طور پر متحرک ہے۔
عیدالاضحیٰ کے موقع پر صفائی مہم کے لیے 1 لاکھ 39 ہزار صفائی ورکرز فیلڈ میں موجود ہیں, 36 ہزار سے زائد گاڑیاں اور 4 ہزار کیمپس قائم کیے گئے ہیں, 3 ہزار سے زائد عارضی کلیکشن پوائنٹس آلائشیں اکٹھی کرنے کیلئے فعال ہیں اور 1 کروڑ ماحول دوست ویسٹ بیگز شہریوں میں مفت تقسیم کیے جا رہے ہیں۔
سیکرٹری بلدیات کے مطابق عید کے پہلے روز اب تک 9 ہزار ٹن سے زائد جانوروں کی آلائشیں اکٹھی کی جا چکی ہیں جبکہ دن کے اختتام تک اندازاً 1 لاکھ 43 ہزار 895 ٹن ویسٹ اکٹھا ہونے کا تخمینہ ہے۔ عید کے دوسرے روز 1 لاکھ 30 ہزار سے زائد جانوروں کی باقیات اکٹھی کیے جانے کی توقع ہے۔
آئندہ بجٹ میں 3 اور 5 مرلہ گھروں کیلئےشرح سود کی سبسڈی پر کام جاری
حکام کے مطابق تمام تر صفائی آپریشن کو شفاف، مؤثر اور بروقت بنانے کے لیے جدید ٹیکنالوجی، GPS مانیٹرنگ اور فیلڈ رپورٹس کے نظام کو بھی فعال رکھا گیا ہے تاکہ شہریوں کو صاف ستھرا ماحول فراہم کیا جا سکے۔
کسی کو پاکستان کی جانب میلی آنکھ سے نہیں دیکھنے دیں گے، صدر کی وزیراعظم سے گفتگو