آئی سی سی نے چیمپئنز ٹرافی 2025 کا نیا پرومو جاری کردیا،وسیم اکرم بھی سکرین کا حصہ
اشاعت کی تاریخ: 14th, January 2025 GMT
آئی سی سی نے چیمپئنز ٹرافی 2025 کا نیا پرومو جاری کردیا،وسیم اکرم بھی سکرین کا حصہ WhatsAppFacebookTwitter 0 14 January, 2025 سب نیوز
دبئی (آئی پی ایس )انٹرنیشنل کرکٹ کونسل (آئی سی سی) نے پاکستان میں ہونے والے چیمپئنز ٹرافی 2025 کا نیا پرومو جاری کردیا، پرومو میں لیجنڈری سابق فاسٹ بالر وسیم اکرم بھی جلوہ گر ہیں۔چیمپیئنزٹرافی سے قبل چیمپئن ٹیم کی سفید جیکٹ کی رونمائی کی گئی، آئی سی سی کی جانب سے جاری کردہ پروموشنل ویڈیو میں قومی ٹیم کے سابق کپتان اور لیجنڈری فاسٹ بولر وسیم اکرم کو دکھایا گیا ہے۔ویڈیو میں سوئنگ کے سلطان وسیم اکرم چیمئنز ٹرافی کے فاتح کھلاڑیوں کو ملنے والی سفید جیکٹ کی تعریف کرتے دکھائی دے رہے ہیں۔
پرومو میں وسیم اکرم نے سفید جیکٹ کو قابل فخر قرار دیتے ہوئے دنیا بھر کے شائقین کرکٹ کو چیمپیئنز کے سفر کا حصہ بننے کی دعوت دی ہے۔وسیم اکرم نے مزید کہا اب عالمی کرکٹ کمیونٹی میں ایونٹ کا جوش و خروش پیدا ہوگا،چیمپئنز ٹرافی میں سب سے مضبوط ٹیم ٹورنامنٹ جیتتی نظر آئے گی۔ منی ورلڈ کپ کے نام سے مشہور آئی سی سی مینز چیمپئنز ٹرافی 8 سال بعد ہوگی، 2017 میں ہونے والے آخری ایڈیشن میں پاکستان نے سرفراز احمد کی قیادت میں ٹرافی اپنے نام کی تھی۔
اس سے قبل چیمپئنز ٹرافی کے براڈکاسٹرز کی جانب سے بھی ایک پرومو جاری کیا گیا تھا، اسٹار اسپورٹس کی جانب سے یوٹیوب چینل پر جاری پرومو میں بھارت کے موجودہ اور سابق کپتان (روہت شرما اور ویرات کوہلی) سے ویڈیو کا آغاز کیا گیا۔چیمپئنز ٹرافی کے پرومو میں جنوبی افریقہ کے ڈی کاک اور ریزا ہینٹرکس، آسٹریلیا کے کپتان پیٹ کمنز، ڈیوڈ وارنر، انگلینڈ کے جوفرا آرچر، پاکستان کے فاسٹ بالر شاہین آفریدی اور بھارت بالر جسپریت بمرا کے علاوہ دیگر کھلاڑیوں کو شامل کیا گیا تھا۔
یاد رہے کہ آئی سی سی چیمپئینز ٹرافی کا آغاز 19 فروری سے پاکستان میں ہوگا جس میں 8 ٹیمیں مدمقابل ہوں گی، ٹورنامنٹ کا افتتاحی میچ دفاعی چیمپئین پاکستان اور نیوزی لینڈ کے درمیان 19 فروری کو کھیلا جائے گا۔ابتدائی مرحلے کے لئے ٹیموں کو 2 گروپوں میں تقسیم کیا گیا ہے، ہر ٹیم گروپ مرحلے کے 3 میچ کھیلے گی اور ہر گروپ کی ٹاپ 2 ٹیمیں سیمی فائنل میں پہنچیں گی جب کہ ایونٹ کا فائنل 9 مارچ کو کھیلا جائے گا۔
پاکستان نے انٹرنیشنل کرکٹ کونسل کے ساتھ ایک معاہدے کے تحت ہائبرڈ ماڈل پر رضامندی ظاہر کی تھی، جس کے تحت پاکستان اور بھارت کے درمیان 2027 تک تمام انٹرنیشنل ایونٹ نیوٹرل وینیو پر ہوں گے، لہذا چیمپئنز ٹرافی 2025 کے لیے بھارت کے تمام میچز متحدہ عرب امارات میں کھیلے جائیں گے۔ واضح رہے کہ بھارت نے ایشیا کپ 2008 کے بعد سے پاکستان میں کوئی میچ نہیں کھیلا، جب کہ 13-2012 میں پاکستان کے دورہ بھارت کے بعد سے دونوں ممالک کے درمیان کوئی دو طرفہ سیریز بھی نہیں کھیلی گئی ہے۔
گزشتہ سال بھی ایشیا کپ کی میزبانی پاکستان کو ملی تھی لیکن بھارت نے پاکستان آنے سے صاف انکار کردیا تھا جس کے بعد ہائبرڈ ماڈل کے تحت بھارت کے تمام میچز سری لنکا میں شیڈول کیے گئے تھے، جہاں کولمبو میں کھیلے گئے فائنل میں بھارت نے آسانی سے سری لنکا کو شکست دے کر ٹائٹل اپنے نام کرلیا تھا۔ پاکستان اس چیمپئنز ٹرافی میں دفاعی چیمپئن کے طور پر شریک ہوگا، آخری بار چیمپئنز ٹرافی 2017 میں ہوئی تھی جو پاکستان نے سرفراز احمد کی قیادت میں جیتی تھی۔
.ذریعہ: Daily Sub News
کلیدی لفظ: چیمپئنز ٹرافی 2025 وسیم اکرم
پڑھیں:
پورا پاکستان اس وقت پی ٹی آئی کی طرف دیکھ رہا ہے: سلمان اکرم راجہ
سلمان اکرم راجہ---فائل فوٹوپاکستان تحریکِ انصاف کے رہنما و بانیٔ پی ٹی آئی کے وکیل سلمان اکرم راجہ نے کہا ہے کہ پورا پاکستان اس وقت پی ٹی آئی کی طرف دیکھ رہا ہے۔
پاکستان تحریکِ انصاف کے 29 ویں یومِ تاسیس کے موقع پر اسلام آباد میں تقریب کا انعقاد کیا گیا جسسے پی ٹی آئی کے مختلف رہنماؤں نے خطاب کیا۔
سلمان اکرم راجہ نے تقریب سے خطاب کے دوران کہا کہ بانیٔ پی ٹی آئی عمران خان نے کہا ہے کہ پاکستان میں سب کو برابری کی حیثیت دینی ہے، بانیٔ پی ٹی آئی نے ہمیشہ عدلیہ کی آزادی کی بات کی ہے، پاکستان تحریکِ انصاف پاکستان میں مساوات کا نظام لائے گی۔
عمران خان پاکستان کیلئے مذاکرات کرنا چاہتے ہیں: بیرسٹر گوہراس موقع پر چیئرمین پی ٹی آئی بیرسٹر گوہر علی خان نے کہا ہے کہ بانیٔ پی ٹی آئی عمران خان پاکستان کے لیے مذاکرات کرنا چاہتے ہیں، وہ کسی قسم کی ڈیل نہیں چاہتے۔
بیرسٹر گوہر علی خان نے کہا کہ آج پاکستان تحریکِ انصاف ملک کی سب سے بڑی سیاسی جماعت بن چکی ہے، 8 فروری کو اس نے 3 کروڑ ووٹ حاصل کیے، کے پی کے میں پاکستان تحریکِ انصاف کی دو تہائی اکثریت ہے۔
ان کا کہنا ہے کہ بانیٔ پی ٹی آئی بہت جَلد جیل سے باہر ہوں گے، بانیٔ پی ٹی آئی نے ہمیشہ خواتین اور اقلیتوں کے حقوق کی بات کی ہے۔
انہوں نے مزید کہا کہ پی ٹی آئی کے دور میں عدلیہ آزاد تھی، پاکستان تحریکِ انصاف کے دورِ حکومت میں لوڈشیڈنگ کم تھی۔
علی امین گنڈا پور نے کیا کہا؟سربراہ جے یو آئی ف مولانا فضل الرحمٰن نے کہا ہے کہ بھارت کے اس جارحانہ طرزِ عمل کا پوری قوم منہ توڑ جواب دے گی۔
وزیرِ اعلیٰ کے پی علی امین گنڈاپور نے کہا ہے کہ پاکستان تحریکِ انصاف ایک نظریہ ہے جسے ختم نہ کیا جا سکتا، بانیٔ پی ٹی آئی جیل میں ہیں لیکن جیتے ہوئے ہیں، اگر بانی کا پیغام مل جاتا ہے تو ہمیں کسی کے بیانیے پر چلنے کی ضرورت نہیں۔
رہنماؤں کو انصاف نہیں مل رہا: عمر ایوبپی ٹی آئی رہنما و اپوزیشن لیڈر عمر ایوب کا کہنا ہے کہ پی ٹی آئی رہنماؤں کے کیسز عدالتوں میں چل رہے ہیں، انصاف نہیں مل رہا، بانیٔ پی ٹی آئی کی بہنوں کو ملاقات نہیں کرنے دی جارہی، بانیٔ پی ٹی آئی نے بھارت کو کہا تھا کہ ہم سوچیں گے بعد میں پہلے عمل کریں گے۔
آج ہمیں متحد ہونے کی ضرورت ہے: زرتاج گلخطاب کے دوران زرتاج گل نے کہا کہ 29 یوم تاسیس پر یہی کہوں گی کہ آج ہمیں متحد ہونے کی ضرورت ہے، بانیٔ پی ٹی آئی پاکستانی عوام کے لیے جیل میں ہیں۔
وزیراعظم محمد شہباز شریف کا مالی سال 2025 کے پہلے 9 ماہ میں آئی ٹی برآمدات میں 2.828 بلین ڈالر (گزشتہ سال کے مقابلے 23 فیصد) اضافے کا خیر مقدم