پاک بنگلادیش عسکری قیادت کا دفاعی تعلقات مضبوط بنانے کا عزم
اشاعت کی تاریخ: 14th, January 2025 GMT
پاک بنگلادیش عسکری قیادت نے دفاعی تعلقات کو مضبوط کرنے اور شراکت داری کو کسی بھی بیرونی مداخلت سے محفوظ رکھنے کے عزم کا اعادہ کیا ہے۔
پاک فوج کے شعبہ تعلقات عامہ (آئی ایس پی آر)کے مطابق بنگلا دیشی مسلح افواج ڈویژن کے پرنسپل اسٹاف آفیسر لیفٹیننٹ جنرل ایس ایم قمرالحسن وفد کے ہمراہ پاکستان کے دورے پر ہیں۔ اس دوران انہوں نے جی ایچ کیو میں آرمی چیف جنرل عاصم منیر سے ملاقات کی، جہاں خطے کی صورت حال و دوطرفہ تعاون بڑھانے پر تفصیلی بات چیت ہوئی۔
ملاقات میں دونوں ممالک نے دفاعی تعلقات کو فروغ دینے اور خطے میں امن و استحکام کو برقرار رکھنے کے لیے مشترکہ حکمت عملی اپنانے پر اتفاق کیا۔
لیفٹیننٹ جنرل قمرالحسن نے پاک فوج کی پیشہ ورانہ مہارت اور دہشت گردی کے خلاف جنگ میں اس کی بے پناہ قربانیوں کو سراہا۔ انہوں نے کہا کہ پاکستان کی مسلح افواج کا عزم اور استقلال قابلِ ستائش ہے۔
اس سے قبل بنگلا دیشی وفد نے جوائنٹ اسٹاف ہیڈکوارٹرز میں چیئرمین جوائنٹ چیفس آف اسٹاف کمیٹی جنرل ساحر شمشاد مرزا سے بھی ملاقات کی۔ اس ملاقات میں دونوں ممالک کے درمیان دفاعی تعاون کو فروغ دینے اور علاقائی امن کے قیام کے لیے تعاون کی اہمیت پر زور دیا گیا۔
دونوں جانب سے اس بات پر اتفاق کیا گیا کہ محفوظ اور خوشحال مستقبل کے لیے دفاعی تعلقات کو مزید مستحکم کرنا ضروری ہے، جو مشترکہ وژن اور پائیدار شراکت داری پر مبنی ہو۔ جنرل ساحر شمشاد مرزا نے کہا کہ دونوں ممالک خطے میں امن و استحکام کے فروغ کے لیے ایک جیسے مقاصد رکھتے ہیں۔
لیفٹیننٹ جنرل قمرالحسن نے پاک فوج کی مہارت کو سراہتے ہوئے کہا کہ پاکستان کی مسلح افواج نے دہشت گردی کے خلاف جنگ میں بے مثال قربانیاں دی ہیں، جو عالمی سطح پر قابلِ تعریف ہیں۔
.ذریعہ: Jasarat News
کلیدی لفظ: دفاعی تعلقات کے لیے
پڑھیں:
لاہور، سپیکر پنجاب اسمبلی سے نئے ترک قونصل جنرل کی ملاقات
سپیکر ملک محمد احمد خان نے مزید کہا کہ پنجاب میں ترک سرمایہ کاروں کیلئے وسیع مواقع موجود ہیں، جبکہ پارلیمانی اور سفارتی روابط سے پاک ترک دوستی مزید مستحکم ہوئی ہے۔ سپیکر ملک محمد احمد خان نے اس بات پر زور دیا کہ پاکستان ترک دوستی کی اہمیت نئی نسلوں تک منتقل کرنا وقت کی ضرورت ہے اسلام ٹائمز۔ سپیکر پنجاب اسمبلی ملک محمد احمد خان سے ترکیہ کے قونصل جنرل لاہور محمت ایمان شِمشیک نے سپیکر چیمبر میں ملاقات کی۔ اس موقع پر دو طرفہ تعلقات، تجارتی تعاون، دفاع، تعلیم اور توانائی سمیت مختلف شعبوں میں اسٹریٹیجک شراکت داری کے فروغ پر تفصیلی تبادلہ خیال کیا گیا۔ سپیکر ملک محمد احمد خان نے ترکیہ کے قونصل جنرل کی لاہور میں تعیناتی پر انہیں خوش آمدید کہتے ہوئے کہا کہ پاکستان اور ترکیہ کی دوستی اخلاص اور اعتماد پر استوار ہے۔ انہوں نے سیلاب متاثرین کی امداد پر ترک حکومت کا شکریہ ادا کیا اور کہا کہ دونوں ممالک نے ہمیشہ ایک دوسرے کا ہر مشکل وقت میں بھرپور ساتھ دیا ہے۔
سپیکر ملک محمد احمد خان نے مزید کہا کہ پنجاب میں ترک سرمایہ کاروں کیلئے وسیع مواقع موجود ہیں، جبکہ پارلیمانی اور سفارتی روابط سے پاک ترک دوستی مزید مستحکم ہوئی ہے۔ سپیکر ملک محمد احمد خان نے اس بات پر زور دیا کہ پاکستان ترک دوستی کی اہمیت نئی نسلوں تک منتقل کرنا وقت کی ضرورت ہے۔ ترکیہ کے قونصل جنرل محمت ایمان شِمشیک نے کہا کہ پاک ترک عوام اخوت اور محبت کی گہری بنیاد رکھتے ہیں اور انہوں نے یقین دہانی کرائی کہ پاکستان کے ساتھ ہر سطح پر تعاون مستقبل میں بھی جاری رکھا جائے گا۔ ملاقات میں اراکین صوبائی اسمبلی ملک احمد سعید خاں، ملک اعجاز، ملک تیمور خاں، پرنسپل سیکرٹری برائے سپیکر عماد حسین بھلی اور ایڈوائزر برائے سپیکر اسامہ خاور بھی موجود تھے۔
سوشل میڈیا پر پابندی مہنگی پڑ گئی، نیپالی وزیراعظم پرتشدد مظاہروں کے بعد مستعٰفی