’بیٹ مین‘ کے گھر پر ایف بی آئی کا چھاپہ
اشاعت کی تاریخ: 15th, January 2025 GMT
امریکی ریاست کیلیفورنیا کے شہر لاس اینجلس میں آتشزدگی کے دوران ’بیٹ مین‘ کے گھر پر ایف بی آئی نے چھاپہ مار دیا۔
لاس اینجلس کے شعلوں میں جلنے کے درمیان ایف بی آئی کی لاس اینجلس کے برینٹ ووڈ علاقے میں واقع ’گون گرل‘ اداکار بین ایفلیک کی رہائشگاہ پر جانے کی تصاویرمنظر عام پر آئی ہیں۔ایف بی آئی حکام نے گذشتہ روز ’بیٹ مین‘ کے گھر کے باہر تصاویر بنائیں، اہلکار کئی منٹ تک وہاں موجود رہے، ان کی جیکٹوں کی پشت پر ایف بی آئی لکھا تھا، اور انہوں نے دروازے پر دستک دی۔
میڈیا رپورٹس کے مطابق اداکار’بیٹ مین’ کے گھر آنیوالے ایف بی آئی ایجنٹوں کے پاس نجی ڈرون کی سی سی ٹی وی فوٹیج موجود تھی، جس نے فائر فائٹنگ طیارے میں سے سپر اسکوپر کو نقصان پہنچانے کا ثبوت موجود تھا۔سرکاری رپورٹس میں کہا گیا کہ “ایف بی آئی کی گراؤنڈ انٹرسیپٹ ٹاسک فورس کے ارکان غیر قانونی ڈرون سرگرمی کے سلسلے میں آگ سے متاثرہ علاقے میں اپنی تحقیقات کررہے ہیں۔
واضح رہے کہ ’سپر اسکوپر‘ وہ طیارہ ہے جو جنگل کی آگ بجھانے میں مدد کر رہا تھا۔ سرکاری اہلکار ڈرون کی سرگرمی کے حوالے سے مقامی علاقے میں جانچ کر رہے تھے، جس سے طیارے کو نقصان پہنچا، تاہم یہ واضح نہیں ہے کہ اداکار نے حکام سے ملاقات کی؟
اداکارکے گھر کے مرکزی گیٹ کے قریب کال باکس لگا ہوا تھا، ایسا لگتا ہے اسے کبھی استعمال نہیں کیا گیا۔ اطلاعات کے مطابق دورے کے دوران ڈرائیو وے گیٹ بند کر دیا گیا۔ ایف بی آئی کے چھاپے کے دوران دو سرکاری افسران بھی تھے۔
52 سالہ اداکار چند بلاکس کے فاصلے پر اپنی سابقہ بیوی کے گھر چلے گئے۔ تاہم یہ غیر یقینی ہے کہ آیا اس نے حکام کی ہدایت پر چلے گئے یا صرف اپنی مرضی سے ایسا کیا۔ہاد رہے کہ امریکی اداکار کی اپنے پڑوسیوں اور جاننے والوں کے ساتھ گاڑی چلاتے ہوئے تصاویر انٹرنیٹ پر چند روز قبل منظر عام پر آئی تھیں۔
.ذریعہ: Daily Ausaf
کلیدی لفظ: ایف بی ا ئی بیٹ مین کے گھر
پڑھیں:
یوکرین کا روسی آئل پورٹ پر ڈرون حملہ، غیرملکی جہازوں کو نقصان
ماسکو:(ویب ڈیسک)یوکرین نے روس کی بحیرہ اسود میں مرکزی بندرگار تاؤپسے پر ڈرون حملہ کیا، جس کے نتیجے میں آئل ٹرمینل اور دو غیرملکی جہازون کو نقصان پہنچا۔غیرملکی خبرایجنسی کی رپورٹ کے مطابق روسی حکام نے بتایا کہ تاؤپسے میں ہونے والے حملے میں دو غیرملکی جہازوں کو نقصان پہنچا ہے جہاں بحیرہ اسود میں روس کے بڑے آئل ٹرمینلز میں سے ایک ہے اور حملے میں اس ٹرمینل پر آگ بھڑک اٹھی۔روس کے کراسنڈور ریجن کے ایمرجنسی آپریشنل ہیڈکوارٹرز سے جاری بیان میں کہا گیا کہ تاؤپسے بندرگاہ پر ڈرون حملہ رات کو ہوا جہاں موجود دو غیرملکی جہاز نشانہ بنے۔
بیان میں کہا گیا کہ اس حملے میں کوئی جانی نقصان نہیں ہوا ہے، جہاز کا عملہ سمیت وہاں کام کرنے والے دیگر افراد محفوظ ہیں لیکن بندرگاہ کی عمارت اور ٹرمینل کا انفرااسٹرکچر کو نقصان پہنچا ہے۔رپورٹ میں بتایا گیا کہ روسی اور یوکرینی ٹیلی گرام چینلوں میں مختلف ویڈیوز میں دیکھایا گیا ہے، جس میں ٹرمینل میں تیل کے ٹینکر میں آگ لگی ہوئی ہے۔ادھر یوکوین کی اندرونی سیکیورٹی سروس ایس بی یو کے عہدیدار نے بتایا کہ یوکرین کی فورسز نے تاؤپسے آئل ٹرمینل پر ڈورن حملہ کیا، 5 ڈرونز نے ایک آئل ٹینکر، لوڈنگ انفرا اسٹرکچر اور پورٹ کی عمارت کو نشانہ بنایا۔
رپورٹ کے مطابق تاؤپسے بحیرہ اسود میں آئل ٹرمینل اور روزنیفٹ آئل ریفائنری کا مرکز ہے، جس کو یوکرین نے رواں برس کئی مرتبہ ڈرون سے نشانہ بنایا ہے۔
پاکستان اور افغانستان کے مذاکرات ناکام ہوگئے، طالبان حکومت افغان عوام کو غیر ضروری جنگ میں دھکیلنا چاہتی ہے، عطاء تارڑ