چمپئنز ٹرافی ، مہنگا ترین ٹکٹ 25ہزار روپے تک ہوسکتا ہے
اشاعت کی تاریخ: 16th, January 2025 GMT
لاہور(اسپورٹس ڈیسک)پاکستان میں شیڈول آئی سی سی چمپئینز ٹرافی کے میچز کیلئے ٹکٹوں قیمت سامنے آگئی۔ میڈیا رپورٹ کے مطابق آئی سی سی چیمپئینز ٹرافی کیلئے ویزا پالیسی پر بورڈ کے اعلی حکام کی مشاورت جاری ہے جبکہ ٹکٹوں کی فروخت اگلے ہفتے شروع ہونے کا امکان ہے۔پاکستان میں ہونے والے چمپئینز ٹرافی کے میچز کیلئے کم از کم ٹکٹ کی قیمت 1ہزار روپے جبکہ مہنگا ترین وی وی آئی پی ٹکٹ 25 ہزار روپے ہوسکتا ہے۔اسی طرح پی سی بی حکام اور انٹرنیشنل کرکٹ کونسل وفد دبئی میں شیڈول بھارت کے میچز پر ٹکٹس ڈالرز میں فروخت کرنے پر اتفاق ہوا ہے جبکہ پاکستان میں ٹکٹوں کی قیمت پاکستانی روپے میں رکھی جائیں گی۔دوسری جانب چیمپئینز ٹرافی کیلئے ٹیموں کے کپتانوں کی مشترکہ پریس کانفرنس16یا 17فروری کو پاکستان میں شیڈول رکھنے پر بھی مشاورت جاری ہے۔واضح رہے کہ ٹورنامنٹ کا آغاز 19فروری سے پاکستان اور نیوزی لینڈ کے درمیان میچ سے ہوگا ۔
.ذریعہ: Jasarat News
کلیدی لفظ: پاکستان میں
پڑھیں:
سیریز بچانے کا آخری موقع، پاکستان دوسرے ٹی20 میں آج بنگلہ دیش کے خلاف کھیلے گا
پاکستان اور بنگلہ دیش کی کرکٹ ٹیمیں آج شیرِ بنگلہ نیشنل اسٹیڈیم ڈھاکا میں 3 ٹی20 میچز کی سیریز کے دوسرے میچ میں آمنے سامنے ہوں گی۔ بنگلہ دیش کو سیریز میں ایک صفر کی برتری حاصل ہے، سیریز کا آخری میچ 24 جولائی کو اسی میدان پر کھیلا جائے گا، جو شام 5 بجے شروع ہوگا۔
پہلے ٹی20 میچ میں بنگلہ دیش نے پاکستان کو 7 وکٹوں سے شکست دی تھی۔ بنگلہ دیش نے ٹاس جیت کر پہلے فیلڈنگ کا فیصلہ کیا تاہم پاکستانی بلے بازوں کی کارکردگی متاثرکن نہیں رہی اور 19 اوورز میں 110 رنز بناکر آل آؤٹ ہوگئے۔
مزید پڑھیں: پاکستان، بنگلہ دیش ٹیسٹ کرکٹ سیریز کے لیے کمنٹری پینل کا اعلان
بنگلہ دیش نے ہدف کا تعاقب کرتے ہوئے 15.3 اوورز میں مطلوبہ ہدف 3 وکٹوں کے نقصان پر پورا کرکے 3 میچز کی سیریز کا پہلا میچ اپنے نام کرلیا تھا۔
پہلے ٹی20 میچ میں پاکستان نے کونسے 2 منفی ریکارڈ حاصل کیے؟پاکستان نے بنگلہ دیش کے خلاف کم ترین ہدف کا منفی ریکارڈ حاصل کیا۔ دونوں ٹیموں نے اب تک 23 ٹی20 میچز کھیلے ہیں تاہم پاکستان کا موجودہ اسکور یعنی 110 رنز بنگلہ دیش کے خلاف آج تک سب سے کم ہدف تھا۔
دوسری طرف پاکستانی ٹیم ان 23 میچز میں پہلی بار 20 اوورز مکمل کیے بغیر آل آؤٹ ہوگئی تھی۔
Highlights | 1st T20I | Dutch-Bangla Bank Bangladesh ???? Pakistan T20I Series 2025#BCB #Cricket #BANvPAK #BDCricket #Bangladesh #HomeSeries pic.twitter.com/hDpKi8XXLt
— Bangladesh Cricket (@BCBtigers) July 21, 2025
پاکستان اسکواڈسلمان علی آغا (کپتان)، فخر زمان، صائم ایوب، صاحبزادہ فرحان، محمد حارث (وکٹ کیپر)، حسن نواز، حسین طلعت، خوشدل شاہ، محمد نواز، عباس آفریدی، فہیم اشرف، سفیان مقیم، ابرار احمد، احمد دانیال اور سلمان مرزا۔ (احمد دانیال اور سلمان مرزا کو پہلی بار قومی ٹیم میں شامل کیا گیا ہے)
مزید پڑھیں: بھارتی کرکٹ ٹیم کا دورۂ بنگلہ دیش غیر معینہ مدت تک ملتوی، دونوں بورڈز کی خاموشی برقرار
????️ #OnThisDay in 2018, @FakharZamanLive became the fastest batter to 1️⃣0️⃣0️⃣0️⃣ ODI runs, reaching the milestone in 18 innings during his knock of 85 against Zimbabwe in Bulawayo. pic.twitter.com/2joEQNcFpx
— Pakistan Cricket (@TheRealPCB) July 22, 2025
بنگلہ دیش اسکواڈلٹن داس (کپتان و وکٹ کیپر بیٹر)، جاکر علی، مہدی حسن، مہدی حسن مرزا، محمد نعیم، محمد سیف الدین، مستفیض الرحمان، نسوم احمد، پرویز حسین ایمون، رشاد حسین، شمیم حسین، شرف الاسلام، تنزید حسن، تنزیم حسن سقیب، تسکین احمد اور توہید ہردوئے شامل ہیں۔
سلمان آغا کی قیادت میں یہ پاکستان کی چوتھی ٹی20 سیریز ہے۔ ان کی قیادت میں پاکستان نے زمبابوے کو 1-2 سے اور بنگلہ دیش کو 0-3 سے شکست دی، جبکہ نیوزی لینڈ کے خلاف 4-1 سے ناکامی ہوئی۔ ہیڈ کوچ مائیک ہیسن کے لیے یہ بطور وائٹ بال کوچ دوسری سیریز ہے۔
مزید پڑھیں: آسٹریلیا کے شان ٹیٹ بنگلہ دیشی کرکٹ ٹیم کے فاسٹ بولنگ کوچ مقرر
اب تک پاکستان اور بنگلہ دیش کے درمیان 23 ٹی20 میچز کھیلے جا چکے ہیں جن میں پاکستان نے 19 میں فتح حاصل کی ہے۔ بنگلہ دیش میں پاکستان کا ریکارڈ بھی شاندار ہے، جہاں کھیلے گئے تمام 5 دوطرفہ میچز میں پاکستان نے کامیابی حاصل کی۔
At half-mast, our flag speaks the sorrow of a nation.
In remembrance, in honour, we stand together.
The 2nd T20I match is dedicated to the victims of the Milestone air crash tragedy.
Dutch-Bangla Bank Bangladesh ???? Pakistan T20I Series 2025
2nd T20I | 22 July 2025 | 6:00 PM |… pic.twitter.com/9vK5XjNQSR
— Bangladesh Cricket (@BCBtigers) July 22, 2025
بنگلہ دیش کی قیادت تجربہ کار بلے باز لٹن داس کر رہے ہیں۔ حالیہ کارکردگی میں بنگلہ دیش نے سری لنکا کو اس کی سرزمین پر ٹی20 سیریز میں 1-2 سے شکست دی ہے، جس سے ان کا اعتماد بلند ہوا ہے۔
یاد رہے کہ دونوں ٹیموں کے درمیان آخری سیریز رواں سال مئی جون میں پاکستان میں کھیلی گئی تھی جس میں پاکستان نے 0-3 سے کلین سوئپ کیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
3 ٹی20 میچز بنگلہ دیش بنگلہ نیشنل اسٹیڈیم پاکستان ڈھاکا
جسٹس محسن کا اسلام آباد ہائی کورٹ کے ججز کی سنیارٹی کو چیلنج کرنے کا فیصلہ