یٰسین ملک کی خوشدامن مشعال ملک کی والدہ انتقال کر گئیں
اشاعت کی تاریخ: 17th, January 2025 GMT
اسلام آباد (اپنے سٹاف رپورٹر سے) کشمیری حریت رہنما یٰسین ملک کی خوشدامن، سابق وفاقی وزیر مشعال حسین ملک، سبین حسین ملک کی والدہ اور رضیہ سلطان یٰسین ملک کی نانی محترمہ ریحانہ حسین ملک جو گزشتہ شب انتقال کر گئی تھیں، مرحومہ کی نماز جنازہ جمعرات کو ایچ الیون قبرستان میں ادا کی گئی۔ نماز جنازہ کنوینر غلام محمد صیفی نے پڑھائی۔ نماز جنازہ میں سینیٹر ڈاکٹر مشاہد حسین سید، معروف بزنس مین ظفر بختاوری، حریت رہنما پرویز شاہ، رفیق ڈار، سیلم ہارون، الطاف بٹ، شیخ متعین، سابق صوبائی وزیر ڈاکٹر جمال ناصر، سماجی رہنما چوہدری شفیق، سابق صدر راولپنڈی اسلام آباد یونین آف جرنلسٹس عابد عباسی، بلال ڈار، مظہر برلاس، معروف قانون دان رضوان عباسی، ڈاکٹر اویس ملک، غفران چشتی، ممبر ضلع کونسل شاہنواز یاسین، آغا شیراز ملک و مختلف مکاتب فکر و شعبہ ہائے زندگی سے تعلق رکھنے والی شخصیات کی بڑی تعداد نے شرکت کی۔ مرحومہ کو اسلام آباد میں سپردخاک کر دیا گیا۔
.ذریعہ: Nawaiwaqt
کلیدی لفظ: ملک کی
پڑھیں:
سینئر سیاستدان اور سابق گورنر پنجاب میاں اظہر کی نماز جنازہ ادا
ویب ڈیسک:سینئر سیاستدان اور سابق گورنر پنجاب میاں اظہر کی نماز جنازہ ادا کر دی گئی۔
مرحوم کی نماز جنازہ قذافی سٹیڈیم لاہور کے باہر ادا کی گئی، نماز جنازہ شیخ الحدیث جامعہ اشرفیہ پروفیسر مولانا محمد یوسف نے پڑھائی جس میں میاں حماد اظہر، چیئرمین دنیا میڈیا گروپ میاں عامر محمود سمیت سیاسی، سماجی، مذہبی شخصیات اور عزیز و اقارب نے بڑی تعداد میں شرکت کی۔
صدر پاکستان مسلم لیگ (ن) محمد نواز شریف اور وزیراعظم محمد شہباز شریف نے سینئر سیاستدان میاں محمد اظہر کے انتقال پر افسوس اور اہل خانہ سے ہمدردی کا اظہار کیا۔
مون سون بارشیں, پی ڈی ایم اے کا الرٹ جاری
میاں نوازشریف کا کہنا تھا کہ مرحوم میاں اظہر کے والد کا میاں محمد شریف مرحوم کے ساتھ دیرینہ تعلق تھا، دعاگو ہیں کہ اللہ رب العزت میاں محمد اظہر مرحوم کی مغفرت اور ان کے اہل خانہ کو صبر عطا کرے، آمین۔
سینئر صوبائی وزیر مریم اورنگزیب نے میاں اظہر کے گھر جا کر اہلخانہ سے تعزیت کی۔
وزیراعلیٰ پنجاب مریم نواز، وزیر دفاع خواجہ آصف اور گورنر پنجاب نے بھی میاں اظہر کے انتقال پر اظہار افسوس کیا اور اہل خانہ سے تعزیت کی۔
معروف برطانوی گلوکار انتقال کر گئے
یاد رہے کہ کارکن کی حیثیت سے اپنا سیاسی کیریئر شروع کرنے والے زیرک سیاستدان میاں محمد اظہر 1987ء سے 1991ء تک لاہور کے میئر رہے جبکہ 1990 ءسے 1992ء تک گورنر پنجاب کے عہدے پر فائز رہے۔
اُن کی عملی سیاسی زندگی کی ابتدائی وابستگی مسلم لیگ ن کے ساتھ تھی اور بعد میں نوازشریف کی جلا وطنی کے دوران پاکستان مسلم لیگ ق میں شامل ہوگئے۔
اے سی سی اجلاس ڈھاکا میں منعقد کرنے پر بھارت کا اعتراض، وجہ سامنے آگئی