مریم نواز کا اوکاڑہ میں میڈیکل کالج کے قیام کا اعلان
اشاعت کی تاریخ: 17th, January 2025 GMT
وزیراعلیٰ پنجاب مریم نواز شریف نے اوکاڑہ میں میڈیکل کالج کے قیام کا اعلان کیا ہے۔
یونیورسٹی آف اوکاڑہ میں ہونہار اسکالرشپ پروگرام سے خطاب کرتے ہوئے کہا وزیراعلیٰ پنجاب مریم نواز شریف نے کہا کہ وہ اسکالر شپ حاصل کرنے والے طلبا اور ان کے والدین کو مبارکباد پیش کرتی ہیں۔ ’اسکالرشپ حاصل کرنے پر جتنے طلبا اور ان کے والدین خوش ہیں، ان سے زیادہ دل کی گہرائیوں سے میں خوش ہوں۔‘
یہ بھی پڑھیں: حکومت پنجاب چھوٹی فیکٹریاں لگانے کے لیے لوگوں کو زمین رعایت پر دے گی، مریم نواز
مریم نواز نے کہا کہ مجھے پتا تھا کہ پنجاب میں ہونہار بچوں کی کمی نہیں ہے، اوکاڑہ میرے اور نواز شریف کے دل کے بہت قریب شہر ہے، کوئی چھوٹا بڑا نہیں ہوتا، سب برابر ہیں۔
انہوں نے کہا کہ میرے تین بچے ہیں، جتنا میں ان کے لیے سوچتی ہوں، جتنا ان کی ایچیومنٹ پہ خوش ہوتی ہیں، اس سے زیادہ ان طلبا کی ایچیومنٹ پر خوشی ہوتی ہوں، جو یہاں بیٹھے ہیں، میرا اور طلبا کے دلوں کے درمیان جو رشتہ بن گیا ہے، ایمانداری سے کہتی ہوں کہ یہ میری زندگی کا قیمتی ترین سرمایہ ہے۔
یہ بھی پڑھیں: ’حادثات میں اضافہ ہوگا‘ مریم نواز کی جانب سے بائیکرز کی الگ لین بنانے پر صارفین کے تبصرے
ان کا کہنا تھا کہ وہ بہت ساری جگہوں پر گئیں، ڈی جی خان میں اس سال اسکالرشپ کا پیرکو آخری تقریب ہوگی، میں پریشان ہوگئی تھی کہ اب میں طلبا سے کیسے ملاقات کروں گی، میں نے جنوری کا مہینہ طلبا کے لیے وقف کیا ہے۔
وزیراعلیٰ پنجاب نے کہا کہ اب وہ لیپ ٹاپ لے کے طلبا کے پاس آئیں گی، انہوں نے ذاتی طور پر طلبا کے لیے لیپ ٹاپ پسند کیے ہیں، لیپ ٹاپ کی پہلی کھیپ آگئی ہے، یہ لیپ ٹاپ بغیر کسی تفریق کے طلبا کو دیے جائیں گے، طلبا کو جدید ترین کور آئی سیون لیپ ٹاپ دیے جائیں گے۔
یہ بھی پڑھیں: حسان نیازی کا مستقبل تباہ ہوگیا، مریم نواز نے ایسا کیوں کہا؟
انہوں نے کہا کہ جہاں طلبا کو اسکلولز، کالجز جانے کے لے ای بائیکس کی ضرورت ہے تو وہاں طلبا کو ای بائیکس بالکل مفت دی جائیں گی۔
مریم نواز نے اوکاڑہ یونیورسٹی میں بورڈنگ فیسلٹی کا اعلان بھی کیا اور یونیورسٹی سے متصل انڈر پاس کی تعمیر کا وعدہ بھی کیا، انہوں نے اسی سال اوکاڑہ میں میڈیکل کالج کے قیام کا وعدہ بھی کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسکالرشپ اوکاڑہ لیپ ٹاپ مریم نواز میڈیکل کالج وزیراعلٰی پنجاب یونیورسٹی.
ذریعہ
ذریعہ: WE News
کلیدی لفظ: اسکالرشپ لیپ ٹاپ مریم نواز میڈیکل کالج یونیورسٹی میڈیکل کالج مریم نواز نے کہا کہ انہوں نے طلبا کے طلبا کو کے لیے
پڑھیں:
پنجاب حکومت کے اقدامات دھرے کے دھرے رہ گئے‘بارشوں نے تباہی مچادی
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) پنجاب حکومت کے اقدامات دھرے کے دھرے رہ گئے‘حکومتی دعوﺅں کے برعکس حالیہ بارشوں میں پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے‘کرنٹ لگنے سے 3 اور آسمانی بجلی گرنے سے 2 افرادجاں بحق ہوئے‘ بارش کے پانی میں ڈوبنے سے ایک شخص جاں بحق ہوا جبکہ 38 مکانات متاثر ہوئے.(جاری ہے)
پراونشل ڈیزاسٹر مینجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کی ہے ترجمان پی ڈی ایم اے پنجاب کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے. ادھرمحکمہ موسمیات نے ملک بھر میں موسلا دھار بارش کی پیش گوئی کر تے ہوئے نشیبی علاقے زیر آب اور لینڈ سلائیڈنگ کے خدشات ظاہر کیئے ہیں رپورٹ میں بتایا گیا ہے کہ پورے ملک میں تیز ہواﺅں اور گرج چمک کے ساتھ بیشتر مقامات پر وقفے وقفے سے بارش کا امکان ہے. صوبائی دارلحکومت لاہور میں آج ہونے والی بارش سے واپڈا ٹاﺅن‘ جوہر ٹاﺅن‘ گلبرگ اور ڈیفنس ‘ او پی ایف سوسائٹی‘ ایل ڈی اے ایونیو‘ فیصل ٹاﺅن‘ماڈل ٹاﺅن‘علامہ اقبال ٹاﺅن‘مسلم ٹاﺅن‘گارڈن ٹاﺅن‘سبزہ زار‘ملتان روڈسمیت شہر بھر میں تیزبارش سے شہر کی مرکزی شاہرائیں ندیوں کا منظرپیش کرتی رہیں جبکہ شہر کے نشیبی علاقوں میں پانی گھر میں داخل ہوگیا. شمالی لاہوراور اندرون شہر میں بھی بارش کی پانی کی وجہ سے معمولات زندگی شدید متاثرہوئے . محکمہ موسمیات کے مطابق آئندہ چند گھنٹوں کے دوران بھی مزید بارش کا امکان ہے محکمہ موسمیات کے مطابق شام کے وقت درجہ حرات 28ڈگری ریکارڈ کیا گیا جبکہ شہر میں 11 کلومیٹر فی گھنٹہ کی رفتار سے ہوائیں چل رہی ہیں تاہم ہوا میں نمی کا تناسب 95 فیصد تک پہنچ چکا ہے، جس کے باعث موسم مرطوب مگر خوشگوار محسوس کیا جا رہا ہے.
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا