کراچی میں وقفے وقفے سے تیز ہوائیں چلنے کا امکان
اشاعت کی تاریخ: 18th, January 2025 GMT
کراچی میں آئندہ 24 گھنٹوں کے دوران موسم خشک اور خنک رہنے کا امکان ہے۔
محکمۂ موسمیات کے مطابق شہرِ قائد میں وقفے وقفے سے تیز ہوائیں چلنے کا بھی امکان ہے۔
شہرِ قائد میں آج کم سے کم درجۂ حرارت 14.5 ڈگری سینٹی گریڈ ریکارڈ ہوا ہے۔
شہر میں چلنے والی ہوا کی رفتار 15 کلو میٹر فی گھنٹہ ہے جس میں نمی کا تناسب 54 فیصد ریکارڈ کیا گیا ہے۔
دوسری جانب ملک کے بیشتر علاقے بدستور سخت سردی کی لپیٹ میں ہیں۔
کوئٹہ سمیت بلوچستان کے شمالی علاقوں میں سرد ہواؤں کے چلنے کے باعث سردی کی شدت برقرار ہے۔
خیبر پختون خوا اور بلوچستان میں آج سے گرج چمک کے ساتھ بارش اور پہاڑوں پر برف باری ہو سکتی ہے۔
بابوسر ٹاپ، نانگا پربت، بٹو گاہ، داریل، تانگیر، گوہر آباد، نیاٹ ویلی کے پہاڑوں پر بھی برف باری ہونے کا امکان ہے۔
ادھر پنجاب میں دھند کے ڈیرے برقرار ہیں، حافظ آباد، چنیوٹ، وہاڑی میں حدِ نگاہ کم ہونے سے ہر قسم کے ٹریفک کی روانی متاثر ہے۔
.ذریعہ: Daily Mumtaz
پڑھیں:
چیٹ جی پی ٹی میں اشتہارات دکھائے جانے کا امکان
data-id="863a0a8" data-element_type="widget" data-widget_type="theme-post-content.default">
یہ بات سب جانتے ہیں کہ مصنوعی ذہانت (اے آئی) کے ذریعے ٹیکسٹ، تصاویر اور ویڈیوز تیار کرنا کم خرچ نہیں ہوتا، اور اسی وجہ سے اوپن اے آئی اب چیٹ جی پی ٹی میں اشتہارات شامل کرنے کی تیاری کر رہا ہے۔
ایک رپورٹ کے مطابق اوپن اے آئی چیٹ جی پی ٹی پر اشتہارات دکھانے کی آزمائش کر رہا ہے۔ بتایا گیا ہے کہ اینڈرائیڈ ایپ کے کوڈ میں اشتہارات سے متعلق فیچر کے شواہد موجود ہیں۔
فی الحال یہ واضح نہیں کہ اوپن اے آئی کب اور کس طریقے سے اشتہارات کو چیٹ جی پی ٹی کے چیٹس میں شامل کرے گا۔
کچھ عرصہ قبل کمپنی نے کہا تھا کہ اگر چیٹ جی پی ٹی میں اشتہارات لائے گئے تو وہ صارفین کی دلچسپی اور مزاج کے مطابق دکھائے جائیں گے۔
چیٹ جی پی ٹی میں اشتہارات کا امکان کوئی حیران کن بات نہیں، کیونکہ اس بارے میں کافی عرصے سے پیشگوئیاں کی جا رہی تھیں۔ اس سے قبل گوگل اور مائیکرو سافٹ بھی اپنے اے آئی چیٹ بوٹس میں اشتہارات کی آزمائش شروع کر چکے ہیں۔
پاکستان اور بحرین کا علاقائی سلامتی اور انسدادِ منشیات تعاون بڑھانے پر اتفاق