لاہور سے کراچی جانے والی ٹرین حادثے سے بال بال بچ گئی
اشاعت کی تاریخ: 30th, November 2025 GMT
ویب ڈیسک : لاہور سے کراچی جانے والی کراچی ایکسپریس حادثے سے بال بال بچ گئی۔
ترجمان ریلویز کےمطابق حیدر آباد کے قریب کراچی ایکسپریس کی پاور وین کی پن ٹوٹ گئی، رفتار کم ہونے کے باعث ٹرین حادثے کا شکار ہونے سے بچ گئی، کراچی ایکسپریس کو حیدر آباد اسٹیشن پر ہی روک لیا گیا۔
ترجمان ریلویز کا کہنا ہے کہ کراچی ایکسپریس کی پاور وین کی پن کو مرمت کر دیا گیا۔ ترجمان نے بتایا کہ واقعہ میں تمام مسافر محفوظ رہے، جبکہ ٹرین منزل کی جانب روانہ کردی گئی ہے۔
پیٹرولیم مصنوعات کی قیمتوں میں 6 روپے 35 پیسے تک کمی کا امکان
.
ذریعہ
ذریعہ: City 42
کلیدی لفظ: کراچی ایکسپریس
پڑھیں:
اسحاق ڈار ایس سی او وزرائے خارجہ اجلاس کیلئے کرغزستان پہنچ گئے
دفتر خارجہ کے ترجمان کے مطابق نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ اسلام ٹائمز۔ نائب وزیراعظم اور وزیر خارجہ سینیٹر محمد اسحاق ڈار شنگھائی تعاون تنظیم (ایس سی او) کے وزرائے خارجہ کونسل کے اجلاس میں شرکت کے لیے کرغزستان کے شہر چولپون آتا پہنچ گئے۔ ترجمان دفتر خارجہ کے مطابق چولپون آتا پہنچنے پر کرغزستان کے نائب وزیر خارجہ کیرات تورسنکولوف نے نائب وزیراعظم کا استقبال کیا۔ اس موقع پر کرغزستان میں پاکستان کے سفیر التمش وزیر اور ایس سی او کے لیے قومی رابطہ کار ڈاکٹر محمد فیصل بھی موجود تھے۔ ترجمان نے بتایا کہ نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ دفتر خارجہ کے ترجمان کے مطابق ملاقاتوں میں کل ہونے والے ایس سی او وزرائے خارجہ کونسل کے اجلاس کے ایجنڈے پر بھی بات چیت کی جائے گی۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم