میڈیا کو پابند سلاسل ہونے نہیں دیا جائے گا،لالہ اسد پٹھان
اشاعت کی تاریخ: 20th, January 2025 GMT
سکھر (نمائندہ جسارت) سکھر یونین آف جرنلسٹس کے ذیلی یونٹ شہید بینظیر آباد یونین آف جرنلسٹس کی جانب سے جرنلسٹس کنونشن منعقد ہوا جس میں سکھر یونین آف جرنلسٹس کے صدر سلیم سہتو جنرل سیکرٹری جاوید جتوئی، خازن کامران شیخ، سکھر پریس کلب کے صدر آصف ظہیر خان لودھی، جنرل سیکرٹری امداد بوزدار، و دیگر ممبران اور عہدیداران نے جبکہ میزبانی کے فرائض شہید بینظیر آباد یونین آف جرنلسٹس کے صدر منظور بگھیو ، جنرل سیکرٹری امتیاز کیریو ، فنانس سیکرٹری غلام نبی بھنبرو، غلام قادر چانڈیو اور کنونشن میں بطور مہمان خاص پاکستان فیڈرل یونین آف جرنلسٹس کے سیکرٹری فنانس لالا اسد پٹھان نے شرکت کی شہید بینظیر آباد میں منعقدہ کنونشن میں صحافیوں کی جانب سے لالا اسد پٹھان کا پرتپاک استقبال کیا گیا نوابشاہ پہنچتے ہی پھولوں کی پتیاں نچھاور کی گئیں بلاول چوک سے لیکر شاہی بگی کی سواری میں ایچ ایم خواجہ ہال تک لایا گیا جہاں ہال کے گیٹ سے فوجی بینڈ نے بینڈ باجوں کی تھاپ سے استقبال کیا۔کنونشن سے خطاب کرتے ہوئے لالا اسد پٹھان نے کہا کہ میڈیا کو پابند سلاسل ہونے نہیں دیا جائے گا پی ایف یو جے آزادی اظہار رائے پر قدغن لگانے والی قوتوں کے سامنے سیسہ پلائی ہوئی دیوار ثابت ہوگی۔ ان کا کہنا تھا کہ جب تک اس ملک کے حکمران آزادی صحافت کا سودا کرتے رہیں گے ،عام آدمی کے حقوق کا سودا کرتے رہی، گے تب تک یہ ملک ترقی نہیں کرسکتا ملک میں آزاد صحافت ہی مظلوم اور محکوم طبقوں کا آخری سہارا ہے میں اس صحافی کو صحافی نہیں مانتا جو صحافتی لبادے میں مظلوم کے مقابل طاقتور حلقوں کا حمایتی رہے تمام صحافی برادری کو اپیل کرتا ہوں مظلوم طبقات کی آواز بن جائیں ۔انہوں نے کہا کہ صحافت آزاد ہونی چاہیے تاکہ ہر گلی کوچے میں رہنے والے حقوق سے محروم ہر عام آدمی کی آواز اعلی ایوانوں تک پہنچ سکے آزاد صحافت کے لیے جتنی بھی قربانیاں دینا پڑی ہم دیں گے تاریخ گواہ ہے سندھ ہمیشہ سے مزاحمت پسندوں کا خطہ رہا ہے اور یہاں کے باضمیر لوگ کسی صورت بھی قلم کی حرمت پر کوئی آنچ برداشت نہیں کرینگے سندھ کی سرزمین سے ہمیشہ آمریت کو للکارا گیا ہے سندھ کے صحافیوں کو سچ لکھنے اور بولنے کی سزائیں دی جا رہی ہیں طاقتور قوتیں کان کھول کر سن لیں سندھ کا کوئی بھی قلم کا مزدور لاوارث نہیں ہے پی ایف یو جے کی پوری قیادت اپنے کارکنان کے ساتھ ہے، صحافی برادری سے درخواست کرتا ہوں کہ آپسی اختلاف ترک کرکے یکجہت ہوجائیں، سوشل میڈیا کا مثبت استعمال ہونا چاہیے لوگوں کی پگڑیاں اچھالنے الزام تارشی کرنے اور ایجنڈا جرنلزم سے مکمل گریز کرنا چاہیے، لالا اسد پٹھان نے مزید کہا کہ سندھ میں امن امان کی صورتحال انتہائی حد تک خراب ہوچکی ہے صحافیوں سمیت ہر شہری کو تحفظ فراہم کرنا حکومت کی اہم ذمے داری میں شامل ہے۔
.
ذریعہ
ذریعہ: Jasarat News
کلیدی لفظ: یونین ا ف جرنلسٹس کے
پڑھیں:
ایچ آئی وی غفلت پر کسی سے کوئی رعایت نہیں بلاتفریق ایکشن ہوگا، وزیر محنت سندھ
وزیر محنت، انسانی وسائل اور سماجی تحفظ و سندھ ایمپلائز سوشل سیکیورٹی سعید غنی نے واضح کیا ہے کہ ایچ آئی وی غفلت پر کوئی رعایت نہیں ہوگئی ذمہ دار ڈاکٹر، پیرا میڈیکس اور افسران کے خلاف سخت کارروائی ہوگی۔
سندھ کے وزیر محنت، انسانی وسائل و سماجی تحفظ اور سندھ ایمپلائز سوشل سیکیورٹی انسٹی ٹیوشن (سیسی) کے گورننگ باڈی کے چیئرمین سعید غنی نے کہا ہے کہ ایچ آئی وی کے پھیلاؤ میں کسی ڈاکٹر، پیرا میڈیکل اسٹاف یا افسر کے ملوث ہونے کا ثبوت ملا تو کسی قسم کی رعایت نہیں برتی جائے گی۔
انہوں نے واضح کیا کہ ایچ آئی وی پھیلاؤ کے ذمہ داروں کے خلاف محکماجاتی کارروائی کے ساتھ قانونی کارروائی بھی عمل میں لائی جائے گی۔
سیسی گورننگ باڈی کے بجٹ 2026-2027 کے اجلاس کی صدارت کرتے ہوئے سعید غنی نے کہا کہ حکومت کی ایچ آئی وی کے معاملے پر زیرو ٹالرنس پالیسی ہے، کسی بھی ذمہ دار شخص کو معاف نہیں کیا جائے گا۔
انہوں نے متعلقہ حکام کو ہدایت کی کہ ایچ آئی وی سے متاثرہ تمام بچوں کا جامع ڈیٹا فوری طور پر مرتب کیا جائے، جبکہ بیماری کے باعث جاں بحق ہونے والے بچوں کی تفصیلات بھی ریکارڈ میں شامل کی جائیں۔
صوبائی وزیر نے متاثرہ خاندانوں کا تفصیلی ڈیٹا تیار کرنے کی بھی ہدایت کی تاکہ ان کی فلاح و بہبود اور مناسب معاونت کے لیے مؤثر اقدامات کیے جا سکیں۔
مزید پڑھیںولیکا اسپتال میں ایک اور ایچ آئی وی کیس رپورٹ، 18 ماہ کا بچہ متاثر، تعداد 95 ہوگئی
کراچی؛ ایچ آئی وی متاثرہ بچوں کے والدین کا احتجاج، مطالبات نہ ماننے پر بچوں کو آگ لگانے کی دھمکی
اجلاس میں سندھ کے سیکریٹری محنت ساجد جمال ابڑو، سیسی کمشنر ہادی بخش کلہوڑو، گورننگ باڈی کے اراکین سمیت سیسی کے اعلیٰ افسران نے شرکت کی۔
گورننگ باڈی نے مالی سال 2026-2027 کے لیے سیسی کا 9 ارب 74 کروڑ روپے سے زائد کا سرپلس بجٹ متفقہ طور پر منظور کرلیا۔ منظور شدہ بجٹ کے مطابق آئندہ مالی سال کے دوران سیسی کی متوقع آمدن 18 ارب 56 کروڑ 90 لاکھ روپے ہے جبکہ گزشتہ بچت سمیت مجموعی دستیاب وسائل 42 ارب 30 کروڑ روپے سے تجاوز کرنے کا تخمینہ ہے۔
بجٹ میں مجموعی اخراجات کا تخمینہ 18 ارب 50 کروڑ 90 لاکھ روپے لگایا گیا ہے، جبکہ سہ ماہی سرمایہ کاری کے لیے 12 ارب 2 کروڑ روپے مختص کیے گئے ہیں۔
ایچ آئی وی سے متاثرہ بچوں کی معاونت کے لیے 2 ارب روپے کا ایچ آئی وی انڈومنٹ فنڈ بھی مختص کیا گیا ہے۔
سعید غنی نے ہدایت کی کہ سیسی کے زیر انتظام تمام اسپتالوں میں رجسٹرڈ محنت کشوں کو جامع اور معیاری طبی سہولیات کی فراہمی یقینی بنائی جائے۔ انہوں نے کہا کہ حکومت سیسی کے تمام اسپتالوں کو اپ گریڈ کرکے جدید طبی سہولیات سے آراستہ کرنے کے لیے اقدامات کر رہی ہے جبکہ کراچی کے علاوہ سندھ کے دیگر شہروں میں بھی محنت کشوں کے لیے مزید اسپتال قائم کرنے کی کوششیں جاری ہیں۔
انہوں نے مزید کہا کہ شفافیت بڑھانے اور زیادہ سے زیادہ محنت کشوں کو سوشل سیکیورٹی پروگرام میں رجسٹرڈ کرنے کے لیے سیسی کے کنٹری بیوشن وصولی کے نظام کو مکمل طور پر ڈیجیٹلائز کیا جا رہا ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم