سندھ کی زمینیں غریب کسانوں کو دی جائیں،عوامی تحریک
اشاعت کی تاریخ: 21st, January 2025 GMT
حیدرآباد (اسٹاف رپورٹر) ایشیا کے عظیم انقلابی رہنما اور عوامی تحریک کے سربراہ رسول بخش پلیجو کی 95 ویں سالگرہ کے موقع پر عوامی تحریک تعلقہ دادو کی جانب سے بھنڈ ہاؤس دادو میں سالگرہ کی تقریب منعقد کی گئی۔ تقریب کے دوران دریائے سندھ سے 6 نئی کینال نکالنے اور کارپوریٹ فارمنگ کے نام پر کاچھو کی زمینوں پر قبضے کے خلاف نعرے بازی کی گئی۔ زرعی انقلاب کے نام پر سندھ کی 13 لاکھ ایکڑ زمین گرین کارپوریٹ انیشییٹو پرائیویٹ لمیٹڈ کمپنی کو دینے کے بجائے مقامی بے زمین کسانوں کو دینے کا مطالبہ کیا گیا۔ تقریب سے خطاب کرتے ہوئے عوامی تحریک کے مرکزی میڈیا سیکرٹری کاشف ملاح، گلن بھنڈ، ممتاز بھنڈ، عاطف ملاح، ریاض پیچوہو، عابد بھنڈ، گلشیر رستمانی، یونس لاشاری، کاشف سولنگی، شمن دایو اور دیگر رہنماؤں نے کہا کہ رسول بخش پلیجو دریائے سندھ کے وکیل تھے، دریائے سندھ کے بہاؤ کو جاری رکھنے کے لیے انہوں نے سندھ کے دیہات اور شہروں میں شعور بیدار کیا، کالا باغ ڈیم اور دیگر اہم مسائل پر پلیجو کی قیادت میں عوامی تحریک اور سندھیانی تحریک نے لانگ مارچ کیے۔ رہنماؤں نے کہا کہ پلیجو سندھ کے محافظ تھے، انہوں نے دریائے سندھ کا زبردست کیس لڑا اور سندھ کے حقوق کے حصول کے لیے کثیرالجہتی جدوجہد کی، آج بھی ان کی تقاریر اور تحریریں سندھی عوام کو ہمت اور حوصلہ فراہم کرتی ہیں۔ رہنماؤں نے کہا کہ رسول بخش پلیجو کا نظریہ سندھی عوام کے لیے نجات کا نظریہ ہے، ان کی بنائی ہوئی عوامی تحریک اور سندھیانی تحریک سندھ کے اہم مسائل پر پلیجو کی طرح جدوجہد میں سب سے آگے ہیں، عوام کی جدوجہد کی صورت میں رسول بخش پلیجو آج بھی زندہ ہیں۔ رہنماؤں نے کہا کہ 6 نئے کینالز کے منصوبے سندھی عوام کسی صورت برداشت نہیں کریں گے، منصوبے دریائے سندھ خشک کرنے کی سازش ہیں، پیپلز پارٹی سازش میں وفاقی حکومت کے ساتھ کرائم پارٹنر ہے، صدر زرداری نے 6 نئے کینالز کی منظوری دے کر آئین توڑا ہے۔ رہنماؤں نے مطالبہ کیا کہ 6 نئے کینالز کے منصوبے فوراً ختم کیے جائیں، سندھ کو اس کے حصے کا پانی اور کارپوریٹ فارمنگ کے نام پر سندھ کی زمینوں پر قبضے کا سلسلہ بند کیا جائے۔ گرین کارپوریٹ انیشی ایٹو پرائیویٹ لمیٹڈ کمپنی کو دی گئی سندھ کی زمینیں واپس لے کر مقامی بے زمین کسانوں میں تقسیم کی جائیں۔
.
ذریعہ: Al Qamar Online
کلیدی لفظ: پاکستان کھیل رہنماؤں نے کہا کہ عوامی تحریک دریائے سندھ سندھ کے سندھ کی
پڑھیں:
وزیراعلی سندھ کا کراچی میں غیر قانونی ٹینکرز کے خاتمے اور کچے میں ڈاکوؤں کیخلاف آپریشن تیز کرنے کا حکم
سید مراد علی شاہ نے چیف سیکرٹری کو ہدایت کی کہ کچے کے علاقوں میں ترقیاتی کاموں کا منصوبہ بنائیں اور وہاں سڑکیں، اسکول، اسپتال، ڈسپینسری اور ٹرانسپورٹ کی سہولیات فراہم کی جائیں، سیلابی صورتحال کے بعد کچے میں ترقیاتی کام شروع کیے جائیں گے، گھوٹکی-کندھ کوٹ پل کی تعمیر کے بعد پورا علاقہ کھل جائے گا، سندھ حکومت کی ترجیح ہے کہ امن امان ہر صورت بحال ہو۔ متعلقہ فائیلیںاسلام ٹائمز۔ وزیراعلی سندھ سید مراد علی شاہ نے کچے کے علاقے میں ڈاکوں کے خلاف آپریشن تیز کرنے اور کراچی میں غیر قانونی ٹینکرز کے خاتمے کا حکم دیا ہے۔ کچے کے علاقوں میں آپریشن اور کراچی سمیت صوبے میں ترقیاتی کاموں کے حوالے سے اہم اجلاس وزیراعلی سندھ مراد علی شاہ کی زیرصدارت منعقد ہوا، جس میں انہوں نے ڈکیتوں کے خلاف آپریشن تیز کرنے کا حکم دیتے ہوئے کہا کہ کچا ڈوب گیا ہے اور قانون شکن باہر آئے ہوں گے، ڈاکوؤں کے خلاف انٹیلی جنس بیسڈ آپریشن مزید تیز کیے جائیں۔ اجلاس میں وزیراعلی سندھ کو وزیر داخلہ ضیا الحسن لنجار اور انسپکٹر جنرل پولیس غلام نبی میمن نے بریفنگ دی، جس میں بتایا گیا کہ اکتوبر 2024ء سے ٹیکنالوجی کے ذریعے کچے میں آپریشن تیز کیا گیا ہے، کچے میں انٹیلی جنس کی بنیاد پر 760 ٹارگٹڈ آپریشن اور 352 سرچ آپریشن کیے ہیں، جنوری 2024ء سے اب تک آپریشن کے ذریعے 159 ڈکیت مارے گئے ہیں، جن میں 10 سکھر، 14 گھوٹکی، 46 کشمور اور 89 شکارپور کے شامل ہیں، 823 ڈکیتوں کو گرفتار کیا اور 8 اشتہاری ڈکیت مارے گئے، آپریشن کے دوران 962 مختلف نوعیت کے ہتھیار بھی برآمد کیے گئے۔ وزیراعلی سندھ نے کہا کہ کچے کے ڈاکوؤں کا ہر صورت خاتمہ یقینی بنایا جائے۔
انہوں نے چیف سیکرٹری کو ہدایت کی کہ کچے کے علاقوں میں ترقیاتی کاموں کا منصوبہ بنائیں اور وہاں سڑکیں، اسکول، اسپتال، ڈسپینسری اور ٹرانسپورٹ کی سہولیات فراہم کی جائیں، سیلابی صورتحال کے بعد کچے میں ترقیاتی کام شروع کیے جائیں گے، گھوٹکی-کندھ کوٹ پل کی تعمیر کے بعد پورا علاقہ کھل جائے گا، سندھ حکومت کی ترجیح ہے کہ امن امان ہر صورت بحال ہو۔ مراد علی شاہ نے کراچی میں غیرقانونی ٹینکرز کے خاتمے کی ہدایت بھی کی۔ اس موقع پر میئر کراچی مرتضی وہاب نے بتایا کہ 243 غیرقانونی ہائیڈرنٹس مسمار کیے گئے ہیں، 212 ایف آئی آر درج کر کے 103 ملوث افراد کو گرفتار کیا گیا ہے، اس وقت 3200 کیو آر کوڈ کے ساتھ ٹینکرز رجسٹرڈ کیے ہیں، مختلف اقدامات سے 60 ملین روپے واٹر بورڈ کی آمدنی میں اضافہ ہوا ہے۔ اجلاس میں وزیر داخلہ ضیا الحسن لنجار، میئر کراچی مرتضی وہاب، چیف سیکریٹری آصف حیدر شاہ، آئی جی پولیس غلام نبی میمن، سیکریٹری داخلہ اقبال میمن، پرنسپل سیکریٹری آغا واصف، کمشنر کرچی حسن نقوی، سینئر ممبر بورڈ آف ریونیو خالد حیدر شاہ، سیکریٹری بلدیات وسیم شمشاد، ایڈیشنل آئی جی آزاد خان، سی او او واٹر بورڈ اسداللہ خان اور دیگر شریک تھے۔
میجر عدنان اسلم شہید کی نماز جنازہ چکلالہ راولپنڈی میں ادا کر دی گئی،وزیراعظم ، فیلڈ مارشل کی شرکت