پنجاب میں پتنگ بازی ناقابل ضمانت جرم قرار، تیاری اور نقل و حرکت پر مکمل پابندی لگا دی گئی
اشاعت کی تاریخ: 21st, January 2025 GMT
لاہور : پنجاب اسمبلی میں پتنگ بازی پر مکمل پابندی کا بل منظور کرلیا گیا۔ صوبے میں پتنگ بازی ناقابل ضمانت جرم قرار دیا گیا ہے، خلاف ورزی پر کم از کم 3 سال سے 7 سال تک قید کی سزا ہوگی۔
محکمہ داخلہ پنجاب کے مطابق پنجاب اسمبلی نے پتنگ بازی پر مکمل پابندی کا ترمیمی ایکٹ 2024 منظور کرلیا پتنگ بازی، پتنگ کی تیاری، فروخت و نقل و حرکت پر 5 لاکھ سے 50 لاکھ تک جرمانہ ہوگا۔
پابندی کا اطلاق پتنگوں، دھاتی تاروں، نائلون کی ڈوری، تندی، پتنگ بازی کے مقصد کے لیے استعمال ہونے والے تیز دھار مانجھے کے ساتھ تمام دھاگوں پر ہوگا۔
محکمہ داخلہ کے مطابق پتنگ بازی سے متعلقہ مواد کی تیاری اور نقل و حرکت پر مکمل پابندی ہوگی جبکہ پتنگ اڑانے والے کو 3 سے 5 سال قید یا 20 لاکھ جرمانہ یا دونوں ہوں گے۔پتنگ ساز اور ٹرانسپورٹر کو 5 سے 7 سال قید یا 50 لاکھ جرمانہ یا دونوں سزائیں ہوں گی۔
پتنگ بازی میں ملوث بچے کو پہلی بار 50 ہزار روپے اور دوسری بار ایک لاکھ روپے جرمانہ ہوگا۔ محکمہ داخلہ پنجاب کا کہنا ہے کہ پتنگ بازی کے دوران تیز دھار ڈور کے استعمال سے کئی قیمتی جانوں کا ضیاع ہوا، انسانی جانوں کے تحفظ کے لیے پتنگ بازی ہر مکمل پابندی کا قانون منظور کروایا گیا۔
.
ذریعہ: Al Qamar Online
کلیدی لفظ: پاکستان کھیل پر مکمل پابندی پتنگ بازی پابندی کا
پڑھیں:
ریلوے کا محکمہ ڈیجٹیل ہوا اسی طرح اس امتحان کا رزلٹ بھی آن لائن بنا دیا گیا ، وزیر ریلوے
وفاقی وزیر ریلوے حنیف عباسی نے کہا ہے کہ آج ہماری قوم کو گمراہ کیا جا رہا ہے، کوئی ڈوب رہا ہے تو لوگ مدد کی بجائے بے حس ہوکر ویڈیو بنا رہے ہوتے ہیں، جیسے پاک فوج ہمارے ملک کو بیرونی خطرات سے بچا رہی ہے ویسے ہی طلبہ و طالبات نے تعلیم حاصل کر کے اس ملک کو اندرونی خطرات سے بچانا ہے۔
فاطمہ جناح ویمن یونیورسٹی راولپنڈی میں منعقدہ بورڈ آف انٹرمیڈیٹ اینڈ سیکنڈری ایجوکیشن راولپنڈی کی جانب سے منعقد سالانہ امتحانات میں نمایاں پوزیشن حاصل کرنے والے طلبہ و طالبات میں ایوارڈز تقسیم کرنے کی تقریب سے بطور مہمان خصوصی خطاب کرتے ہوئے مزید کہا کہ بچوں نے ٹاپ پوزیشن حاصل کرکے اپنے والدین کا سر فخر سے اونچا کیا۔
ان کا کہنا تھا کہ پنجاب بورڈ نے تاریخی اقدام کیئے ہیں، بورڈ سسٹم کو بہتر بنانے میں حکومت پنجاب نے مثالی اقدام کیئے، وزیر اعلیٰ پنجاب کا اسکالر شپ پروگرام طلبہ و طالبات کیلئے بہت اِہم ہے، ایسے اقدامات کسی اور صوبے میں دیکھنے کو نہیں ملتے۔
انہوں نے کہا کہ آج ہماری قوم کو گمراہ کیا جا رہا ہے، کوئی ڈوب رہا ہے تو لوگ مدد کی بجائے بے حس ہوکر ویڈیو بنا رہے ہوتے ہیں، سنی سنائی باتوں پہ عمل نا کریں، عقل سے کام لینا بنیادی اصول ہے، شعور کے ساتھ، علم کے ساتھ، پاکستان کا نام روشن کرنا ہے۔
حنیف عباسی نے کہا کہ ہمارے اساتذہ اور یونیورسٹیز بہت بہتر ہیں، نجی تعلیمی اداروں سے، جس طرح ریلوے کا محکمہ ڈیجٹیل ہوا اسی طرح اس امتحان کا رزلٹ بھی آن لائن بنا دیا گیا ہے، جو ریفارم تعلیم پر ہوئی اس کا کریڈٹ وزیر اعلی پنجاب مریم نواز کو جاتا ہے۔
وفاقی وزیر نے کہا کہ میرے حلقے میں 14 کالجز ہیں دو اسکولوں کو مزید کالجز بنایا جائے گا،ان اسکولوں کو انٹرنیشنل لیول پر لے کے جایا جائے گا۔
آزاد کشمیر الیکشن، ن لیگ نے مشاورتی کمیٹی قائم کر دی