جنوبی کیلی فورنیا میں تیز ہواؤں سے آگ کے پھیلاؤ میں اضافے کا خطرہ
اشاعت کی تاریخ: 22nd, January 2025 GMT
ویب ڈیسک —
منگل کے روز جنوبی کیلی فورنیا میں تیز اور خطرناک ہوائیں دوبارہ چلنا شروع ہو گئیں جس سے وہاں مختلف علاقوں میں پہلے سے بھڑکتی ہوئی آگ کی شدت میں اضافہ ہوا اور کئی نئے علاقوں تک آگ کے شعلے پہنچ گئے۔
حکام نے بتایا ہے کہ اس ہفتے کے آخر میں بارش ہونے کا 60 سے 80 فی صد تک امکان ہے ۔ اگرچہ بارش کی پیش گوئی ایک انچ کے لگ بھگ ہے لیکن یہ مقدار پانی کے بہاؤ کے لیے کافی ہے۔
حکام کے مطابق آگ سے جلنے والی آبادیوں کی زہریلی راکھ کو بارش کے پانی کے بہاؤ میں شامل ہونے سے بچانے کے لیے اقدامات کیے جا رہے ہیں۔
حکام کا کہنا تھا کہ آگ سے پہلے ہی آبادیوں کو کافی نقصان پہنچ چکا ہے۔ جب کہ بارش کے پانی میں راکھ شامل ہو کر نئے مسائل پیدا کر سکتی ہے، کیونکہ راکھ میں زہریلے اجزا موجود ہو سکتے ہیں۔ اس لیے ہم لوگوں کو احتیاطی تدابیر کے بارے میں آگاہ کر رہے ہیں۔
سین ڈیاگو کے علاقے میں آگ پر قابو پانے کے لیے ہوائی مدد لی جا رہی ہے۔ 21 جنوری 2025
موسمیات کی پیش گوئی کے مطابق ساحلی علاقے میں ہواؤں کی رفتار 113 کلومیٹر فی گھنٹہ اور پہاڑوں اور ان کی وادیوں میں اس کی رفتار 160 کلو میٹر فی گھنٹہ تک ہو سکتی ہے۔ یہ امکان ظاہر کیا جا رہا ہے کہ ہوائیں منگل کی سہ پہر اپنی رفتار برقرار رکھیں گی۔
موسمیات کے ادارے نے خبردار کیا ہے کہ فضا میں نمی کی کمی اور ہواؤں کی تیز رفتار کے باعث لاس اینجلس، وینچور اور سین ڈیاگو کے علاقوں میں آگ کی صورت حال تشویش ناک شکل اختیار کر سکتی ہے۔ تیز ہوائیں جمعرات تک جاری رہ سکتی ہیں۔
کیلی فورنیا کے ڈیپارٹمنٹ آف فاریسٹری اینڈ فائر پروٹیکشن کے ترجمان ڈیوڈ ایکونیا نے بتایا کہ جنگل کی آگ سے متاثرہ علاقوں میں آگ پر قابو پانے کے لیے ہوائی جہازوں سے مدد فائدہ مند ثابت ہوئی ہے۔
الٹیڈینا کے علاقے میں آگ نے تمام گھر جلا کر راکھ کر دیے لیکن حیرت انگیز طور پر ایک گھر مکمل طور پر محفوظ رہا۔ 21 جنوری 2025
ان کا مزید کہنا تھا کہ ہوائیں چنگاریوں کو اڑا کر اپنے ساتھ لے جاتی ہیں جو آگ کے مزید پھیلاؤ کا سبب بن جاتی ہیں۔
حکام نے بتایا ہے کہ سین ڈیاگو کاؤنٹی کے بونسال علاقے میں آگ نے 85 ایکٹر کے لگ بھگ رقبے کو نقصان پہنچایا، تاہم فائر فائٹرز نے آگ کو آگے بڑھنے سے روک دیا ہے اور علاقے سے انخلا کی ہدایات اب واپس لے لی گئیں ہیں۔
لاس اینجلس کی آگ کا آغاز 7 جنوری کو ہوا تھا جو کئی آبادیوں کو خاکستر کرتی ہوئی مسلسل پھیل رہی ہے۔ آگ سے اب تک کم از کم 27 افراد ہلاک ہو چکے ہیں اور 14000 سے زیادہ مکانات اور عمارتیں تباہ ہو گئی ہیں۔
صدر ٹرمپ نے پیر کے روز اپنی پہلی صدارتی تقریر میں کیلی فورنیا میں آگ بجھانے کی کوششوں پر تنقید کی تھی۔ ان کا کہنا ہے کہ وہ جمعے کو کیلی فورنیا کا دورہ کریں گے۔
(اس رپورٹ کے لیے معلومات اے پی سے لی گئیں ہیں)
.ذریعہ: Al Qamar Online
کلیدی لفظ: پاکستان کھیل علاقے میں کے لیے
پڑھیں:
ایران کا امریکا کے دوبارہ ایٹمی تجربات کے فیصلے پر ردعمل، عالمی امن کیلیے سنگین خطرہ قرار
data-id="863a0a8" data-element_type="widget" data-widget_type="theme-post-content.default">
تہران: ایران نے امریکا کے دوبارہ ایٹمی تجربات شروع کرنے کے فیصلے کو دنیا کے امن کے لیے خطرہ قرار دیا ہے۔
خبر رساں اداروں کے مطابق ایرانی وزیرِ خارجہ عباس عراقچی نے کہا ہے کہ واشنگٹن کا یہ اقدام نہ صرف غیر ذمے دارانہ ہے بلکہ عالمی استحکام کے لیے براہِ راست خطرہ بھی پیدا کرتا ہے۔ انہوں نے کہا کہ ایک ایسا ملک جو پہلے ہی ہزاروں ایٹمی ہتھیار رکھتا ہے، جب دوبارہ تجربات کی راہ اختیار کرتا ہے تو اس کا مطلب یہ ہے کہ دنیا کو ایک نئے خطرناک دوڑ کی جانب دھکیلا جا رہا ہے۔
عباس عراقچی نے کہا کہ امریکا اپنے عسکری مفادات کے لیے عالمی قوانین اور عدمِ پھیلاؤ کے معاہدوں کو مسلسل پامال کر رہا ہے۔ انہوں نے امریکا کو شرپسند ریاست قرار دیتے ہوئے کہا کہ جو ملک ایٹمی ہتھیاروں سے لیس ہو کر طاقت کے زعم میں مبتلا ہے، وہ انسانیت اور عالمی امن دونوں کے لیے خطرہ بن چکا ہے۔
ایران نے عالمی برادری خصوصاً اقوامِ متحدہ اور جوہری توانائی ایجنسی سے مطالبہ کیا کہ وہ امریکا کے اس خطرناک فیصلے کا فوری نوٹس لیں اور ایسے اقدامات کو روکنے کے لیے عملی کردار ادا کریں۔
واضح رہے کہ امریکی صدر ڈونلڈ ٹرمپ نے 33 سال بعد ایٹمی ہتھیاروں کے تجربات دوبارہ شروع کرنے کا حکم دیا ہے۔ ان کا کہنا ہے کہ امریکا اپنے جوہری اثاثوں کی جانچ برابری کی بنیاد پر فوری طور پر شروع کرے گا تاکہ چین اور روس کے بڑھتے ہوئے ایٹمی پروگراموں کا مقابلہ کیا جا سکے۔
برطانوی ذرائع کے مطابق واشنگٹن نے اس فیصلے کو قومی سلامتی کی ضرورت کے طور پر پیش کیا ہے، تاہم عالمی سطح پر اس پر شدید تشویش پائی جاتی ہے۔ عالمی ماہرین کے مطابق اگر امریکا نے واقعی جوہری تجربات بحال کیے تو یہ سرد جنگ کے دور کی یاد تازہ کر دے گا اور دنیا ایک نئی ہتھیاروں کی دوڑ میں داخل ہو سکتی ہے۔
ماہرین نے خدشہ ظاہر کیا ہے کہ اس فیصلے کے بعد دیگر ایٹمی ریاستیں بھی اپنے تجربات تیز کر سکتی ہیں، جس سے عالمی امن، ماحول اور انسانی بقا پر سنگین اثرات مرتب ہوں گے۔
ڈی جی این سی سی اے وقارالدین سید کو ہٹا دیا گیا، سید خرم علی تعینات