کراچی: سرجانی میں شادی کی تقریب میں فائرنگ سے زخمی دوسرا بچہ بھی دم توڑ گیا
اشاعت کی تاریخ: 25th, January 2025 GMT
کراچی:
سرجانی تیسر ٹاؤن میں شادی کی تقریب کے دوران فائرنگ سے زخمی ہونے والا ایک اور بچہ 6 سالہ ایلن ولد شہزاد اسپتال میں دوران علاج چل بسا۔
اس واقعہ میں جاں بحق ہونے والے بچوں کی تعداد 2 ہوگئی، ایک زخمی تاحال زیرعلاج ہے، پولیس نے فائرنگ میں ملوث 3 افراد کو حراست میں لے لیا۔
واضح رہے کہ سرجانی ٹاؤن تھانے کےعلاقے سرجانی ٹاؤن تیسر ٹاؤن سیکٹر 35 سی میں گزشتہ روز گھر کے باہر فائرنگ سے ایک کمسن بچہ جاں بحق اور ایک بچے سمیت 2 افراد زخمی ہو گئے تھے جنہیں چھیپا ایمبولینس کے ذریعے عباسی شہید اسپتال منتقل کیا گیا تھا۔
فائرنگ سے جاں بحق ہونے والے کمسن بچے کی شناخت 6 سالہ بنجو ولد آئزک کے نام سے ہوئی تھی۔ زخمیوں میں 6 سالہ ایلن ولد شہزاد اور 30 سالہ روبن ولد بابر شامل تھے۔ دونوں زخمیوں کا اسپتال میں علاج جاری تھا تاہم زخمی ہونے والا بچہ 6 سالہ ایلن ولد شہزاد اسپتال میں دوران علاج دم توڑ گیا۔
ایس ایچ او سرجانی ٹاؤن انسپکٹر غلام حسین پیر زادہ نے بتایا کہ ابتدائی اطلاعات کے مطابق بارات لیکر جانے والے افراد شادی میں فائرنگ کررہے تھے، اسی دوران حادثاتی فائرنگ سے واقعہ پیش آیا۔
پولیس نے موقع پر پہنچ کر فائرنگ میں استعمال کیا ہونے والا پستول برآمد کرلیا ہے، پولیس کا کہنا ہے کہ فائرنگ کے واقعہ میں ملوث 3 افراد کو حراست میں لیا ہے جن سے تفتیش جاری ہے، اس حوالے سے مزید قانونی کارروائی کی جارہی ہے۔
.ذریعہ: Express News
کلیدی لفظ: فائرنگ سے
پڑھیں:
کراچی: ڈمپر کی ٹکر سے راہگیر جاں بحق، ڈمپر ایسوسی ایشن کے صدر کی مشتعل ہجوم پر مبینہ فائرنگ
کراچی کے علاقے نشتر روڈ پر تیز رفتار ڈمپر کی ٹکر سے راہگیر شاہ زیب جاں بحق جبکہ اس کی اہلیہ زخمی ہوگئیں۔
ریسکیو ذرائع کے مطابق حادثے میں شدید زخمی ہونے والے نوجوان کو اسپتال منتقل کیا گیا، جہاں وہ زخموں کی تاب نہ لاتے ہوئے چل بسا۔ پولیس کے مطابق متوفی شاہ زیب گارڈن کا رہائشی تھا۔
یہ بھی پڑھیے: ایبٹ آباد میں افسوسناک حادثہ، ڈمپر نے اسکول جانے والے بچوں کو روند ڈالا، 3 جاں بحق، 5 زخمی
حادثے کے بعد ڈمپر کا ڈرائیور موقع سے فرار ہوگیا، تاہم پولیس نے فوری کارروائی کرتے ہوئے ڈرائیور نیاز کو گرفتار کرلیا۔ مشتعل افراد نے حادثے کے بعد ڈمپر کو آگ لگادی، جسے فائر بریگیڈ نے موقع پر پہنچ کر بجھا دیا۔
اسی دوران ڈمپر ایسوسی ایشن کے صدر لیاقت محسود اپنے مسلح گارڈ کے ہمراہ جائے وقوعہ پر پہنچے، تو عوام مشتعل ہوگئے۔ عینی شاہدین کے مطابق لیاقت محسود کے گارڈ نے جاتے ہوئے ہوائی فائرنگ بھی کی۔
???? ????
لیاقت محسود ڈمپر مافیا کا صدر اپنے گن مین کے ہمراہ کراچی کی عوام پر پولیس کی موجودگی میں فائرنگ کروا رہا ہے۔
ابھی کچھ دیر قبل ایک ڈمپر نے ایک لڑکے کو کچل دیا تھا۔#کراچی#Karachi#ڈمپر_مافیا#DumperMafia pic.twitter.com/LtjqRfkeGD
— Mast malang (@mastmalang09) November 3, 2025
گورنر سندھ کامران ٹیسوری نے کراچی میں سرعام اسلحہ کی نمائش اور فائرنگ کے واقعے کا نوٹس لیتے ہوئے کہا کہ شہریوں پر بندوق تاننا کسی صورت قابلِ قبول نہیں۔ انہوں نے آئی جی سندھ کو ہدایت کی کہ واقعے کی مکمل تحقیقات کر کے ملوث افراد کے خلاف قانونی کارروائی کی جائے۔ گورنر نے جاں بحق شاہ زیب کے لواحقین سے تعزیت اور زخمی اہلیہ کو بہترین طبی امداد فراہم کرنے کی ہدایت بھی دی۔
یہ بھی پڑھیے: کراچی میں ڈمپر کی ٹکر سے بہن بھائی جاں بحق، 7 ڈمپر نذر آتش
کامران ٹیسوری نے مزید کہا کہ کراچی میں ڈرائیونگ قوانین کی خلاف ورزیوں پر بھاری چالان کیے جا رہے ہیں، اور ایسے واقعات میں ملوث افراد کو عبرتناک سزائیں دی جائیں گی تاکہ عوام کا اعتماد بحال ہو۔
بعد ازاں مشتعل افراد نے رام سوامی میں دوبارہ حادثے کا سبب بننے والے ڈمپر کو آگ لگا دی۔ پولیس کے مطابق جلتے ہوئے ڈمپر کو ہٹانے کے لیے ہیوی مشینری طلب کی گئی۔
دوسری جانب ڈمپر ایسوسی ایشن کے صدر لیاقت محسود نے دعویٰ کیا کہ جب وہ جائے وقوعہ پر پہنچے تو مشتعل افراد نے ان پر قاتلانہ حملہ کیا اور ان کی گاڑی کو جلانے کی کوشش کی۔ ان کا کہنا تھا کہ وہ جاں بحق نوجوان کے گھر اور اسپتال جائیں گے اور غمزدہ خاندان سے اظہار تعزیت کریں گے۔
یہ بھی پڑھیے: ڈمپر ایسوسی ایشن کے صدر لیاقت محسود کی پاکستان کے بائیکاٹ کی دھمکی، صارفین کا گرفتاری کا مطالبہ
پولیس نے واقعے کے دو مقدمات گارڈن تھانے میں درج کر لیے ہیں۔ پہلا مقدمہ جاں بحق نوجوان شاہ زیب کے والد کی مدعیت میں درج کیا گیا، جس میں ڈمپر ڈرائیور نیاز کو نامزد کیا گیا ہے۔ دوسرا مقدمہ عوام پر فائرنگ کے الزام میں ڈمپر ایسوسی ایشن کے صدر لیاقت محسود اور 25 سے 30 نامعلوم افراد کے خلاف درج کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹرک حادثہ ڈمپر ایسوسی ایشن کراچی
کراچی، نادرن بائی پاس پر پلاسٹک کے گودام میں آگ لگ گئی