ماسٹر آئل کرکٹ، محمد حسین کلب پری کوارٹر فائنل میں داخل
اشاعت کی تاریخ: 25th, January 2025 GMT
کراچی ( اسپورٹس رپورٹر)ریجنل کرکٹ ایسوسی ایشن کراچی کے زیر اہتمام ماسٹر آئل لبریکینٹ کے تعاون سے منعقد کردہ ماسٹر آئل انٹر کلب کرکٹ ٹورنامنٹ میں گزشتہ روز اصغر علی شاہ اسٹیڈیم پر کھیلے گئے میچ میں محمد حسین کرکٹ کلب اسپورٹس اینڈ سائنس کرکٹ کلب کو 8 وکٹوں سے شکست دے کر پری کوارٹر فائنل میں پہنچ گئی۔ اسپورٹس اینڈ سائنس پہلے بیٹنگ کرتے ہوئے 187 رنز بنا کر آئوٹ ہوگئی۔ محمد یحییٰ نے 7 چوکوں 2 چھکوں کی مدد سے 57 ، نعمان احمد نے 32 ، راحیل خان نے 25 اور ایم سجن نے 20 رنز بنائے۔ عارف خان 28 ، ٹیسٹ کرکٹر فاسٹ بولر سہیل خان نے 30 اور توحید خان نے 33 رنز دیکر 2-2 کھلاڑیوں کو آئوٹ کیا۔ جواب میں محمد حسین کرکٹ کلب نے 2 وکٹوں کے نقصان پر مطلوبہ 190 رنز بنا لئے۔ عاقب حسین رضوی نے شاندار بیٹنگ کرتے ہوئے 16 چوکوں 7 چھکوں کی مدد سے ناقابل شکست 124 اور انٹرنیشنل کرکٹر خالد لطیف نے 4 چوکوں اور 3 چھکوں کی مدد سے 40 رنز بنائے۔
.ذریعہ: Jasarat News
پڑھیں:
9 مئی کے ماسٹر مائنڈ نے قوم کے بچوں کو انتشار میں لگایا اور اپنے بچوں کو ملک سے باہر رکھا: شرجیل میمن
اسکرین گریب بشکریہ جیو ٹی ویصوبۂ سندھ کے وزیرِ اطلاعات شرجیل میمن نے کہا ہے کہ 9 مئی کے ماسٹر مائنڈ نے قوم کے بچوں کو انتشار میں لگایا اور اپنے بچوں کو ملک سے باہر رکھا، 9 مئی واقعات کا ماسٹر مائنڈ اڈیالہ جیل میں ہے، 9 مئی کے واقعے میں ملوث افراد کو معاف نہیں کیا جانا چاہیے۔
شرجیل انعام میمن نے کراچی میں پریس کانفرنس کرتے ہوئے کہا کہ کسی سیاسی رہنما کو سزا ملے تو ہم اس پر خوش نہیں ہوتے، جن لوگوں نے 9 مئی کو املاک کو جلایا ان کے خلاف کارروائی ہونی چاہیے۔
انہوں نے مزید کہا کہ بلوچستان میں افسوناک واقعے پر چیئرمین بلاول بھٹو نے مذمت کی، واقعے میں ملوث افراد کو کیفر کردار تک پہنچانا چاہیے، قاتلوں کو سخت سزا دی جائے تاکہ آئندہ کوئی ایسی حرکت نہ کرے۔
شرجیل انعام کا کہنا تھا کہ بارشوں سے مالی و جانی نقصان ہوا ہے غم کے وقت میں ساتھ ہیں، سندھ حکومت بھی ان مسائل کا سامنا کر چکی ہے، کسی صوبے کو ہماری مدد درکار ہو ہم رضاکارانہ طور پر تعاون کریں گے۔
ان کا یہ بھی کہنا تھا کہ جو کاروبار کرنا چاہتے ہیں انہیں ون ونڈو آپشن کے ذریعے سہولت فراہم کر رہے ہیں۔
شرجیل میمن نے کہا کہ لیاری میں بلڈنگ حادثے کے بعد مختلف عمارتوں کو خالی کروایا گیا ہے، غیر قانونی تعمیرات کے خلاف سندھ بلڈنگ کنٹرول اتھارٹی آپریشن کر رہی ہے، مخدوش عمارتوں میں رہائش پذیر افراد کو 6 ماہ کا کرایہ سندھ حکومت دے گی،61 انتہائی خطرناک عمارتوں میں سے 59 خالی کروائی گئی ہیں۔
انہوں نے کہا کہ شاہراہ بھٹو کے دو فیز مکمل ہو چکے ہیں، ریڈ لائن کے مسائل کو حل کر کے کوریڈور کو دسمبر تک کھول دیں گے۔
پی ٹی آئی نے سینیٹ کی نشستوں کے لیے امیدواروں کو ٹکٹ جاری کردیئے