مقامی حکومتیں کیوں ضروری ہیں؟
اشاعت کی تاریخ: 27th, January 2025 GMT
یہ ہمارا قومی المیہ ہے کہ ہر دور میں حکمران طبقہ نے ملک و قوم کو پس پشت ڈال کر ذاتی،سیاسی،گروہی مفادات کو اہمیت دی،اپنی ذات،پارٹی کو ملک و قوم پر مقدم جانا،ہر کوئی اخبارات میں شہ سرخی بننے اور اپنی ذات کو اجاگر کرنے کی تگ و دو میں مبتلا رہا،بتایا گیا ہے کہ حال ہی میں وزیر اعلیٰ پنجاب مریم نواز شریف نے اپنے اور مرحومہ والدہ بارے مضمون نصاب میں شامل کرایا ہے،یہ کام دراصل مورخین کا ہے کہ وہ کس حکمران کو مسیحا جان کر اس کے کارناموں سے قوم کو آگہی دیں،خود سے ایسی کوشش کو ’’اپنے منہ میاں مٹھو‘‘ بننے کے سوا کچھ نام نہیں دیا جا سکتا،اسی طرز فکر کا نتیجہ ہے کہ ملک کے کسی صوبہ میں بلدیاتی نظام کی بنیاد مضبوط نہیں ہو سکی،پنجاب جہاں کبھی پنچائتی نظام کے تحت مقامی سطح پر بہت سے معاملات کا تصفیہ کرا دیا جاتا تھا آج بلدیاتی نظام سے محروم ہے،جبکہ یہ بات روز روشن کی طرح عیاں ہے کہ نچلی سطح پر اختیارات کی تقسیم اور مقامی مسائل مقامی سطح پر حل کرنے کی کوشش ہی تیز رفتار ترقی اور کرپشن کی راہیں مسدود کرنے کی ضامن ہے۔
ایوب خان نے بی ڈی سسٹم کے تحت بلدیاتی نظام اپنایا مقصد خود کو اکثریت سے صدر مملکت منتخب کرانا تھا،ضیاالحق نے مئیر سسٹم اپنایا اور نچلی سطح تک عوام میں پذیرائی حاصل کرنے کی کوشش کی،مقصد تا عمر صدرمنتخب ہونا تھا،تاہم ضیاالحق کے بعد بلدیاتی نظام کچھ عرصہ کیلئے چلتا رہا ،مگر بعد ازاں آنے والی جمہوری حکومتوں نے اختیارات کی نچلی سطح تک منتقلی میں کوئی دلچسپی نہ لی،پرویز مشرف نے ضلعی حکومت کا نظام اپنایا مگر بعد میں آنے والی پیپلز پارٹی،مسلم لیگ ن اور تحریک انصاف کی حکومتوں نے اس نظام کو مسترد کر دیا مگر کوئی اور نیا نظام مرتب کرنے کیلئے بھی کوئی سنجیدہ کوشش نہیں کی،بلدیاتی ادارے محکوم بنا دئیے گئے ،نچلی سطح پر بلدیاتی نمائندوں کے انتخاب سے ارکان اسمبلی کی اپنے حلقوں میں ’’ظل الٰہی‘‘بننے کی خواہش کو گزند پہنچی جس کے بعد اول تو ان اداروں کو بے اختیار رکھا گیا اور بالاخر الیکشن ہی نہ کرائے گئے،بلدیاتی اداروں کے آخری الیکشن سپریم کورٹ کے حکم پر کرائے گئے مگر بلدیاتی نمائندوں کو فنڈز تو درکنار دفاتر بھی نہ دئیے گئے،نتیجے میں بلدیاتی ادارے بے وقعت ہو گئے اور عوامی مسائل و مشکلات کے حل میں معاون ثابت نہ ہو سکے۔
ہر حکومت نے بلدیاتی نظام میں اپنے مفاد کے تحت ترامیم کر کے نیا نظام متعارف کرانے کی کوشش کی،پنجاب کا پیش کردہ بلدیاتی نظام 2013ء مقامی حکومتوں کے نظام کو مضبوط بنانے ، لوگوں کی بنیادی ضرورتوں کو پورا کرنے اور حکمرانی کے نظام کو مؤثر بنانے کے عمل کی نفی کرتا ہے ،جبکہ دنیا میں موثر حکمرانی کا دارو مدار نچلی سطح تک زیادہ سے زیادہ اختیارات کی منتقلی اور مضبوط مقامی نظام حکومت پر ہے ،اسی تناظر میں دنیا کے بیشتر ممالک حکمرانی کے نظام کو مؤثر بنانے کی طرف گامزن ہیں ، جبکہ ہم ماضی کی غلطیوں اور تجربات سے سبق سیکھنے کی بجائے انہی غلطیوں کو دہراکرمسائل میں اضافہ کرتے جاتے ہیں ،مسلم لیگ( ن)کی حکومت نے پنجاب میں مقامی حکومتوں سے متعلق ’’ نیا بلدیاتی ایکٹ2013ئ‘‘کابینہ سے منظوری کے بعد صوبائی اسمبلی میں پیش کرکے منظوری حاصل کی مگر اس کے بعد چاروں جانب خاموشی ہے، اس نئے نظام کو2013ء کا نام دیا گیا ہے ، لیکن عملی طور پر یہ 1979ء کے بلدیاتی نظام سے مماثل ہے ،یہ نظام مقامی حکومتوں کی بجائے بلدیاتی اداروں کو فوقیت دیتا ہے، بلدیاتی اداروں میں مقامی حکومتوں کے مقابلے میں سیاسی، انتظامی ا و رمالی اختیارات ضلعی سطح کی بجائے صوبائی حکومتوں کے پاس ہوتے ہیں ، جس سے اس نظام کی خود مختاری متاثر ہوتی ہے ،پنجاب حکومت کی جانب سے پیش کیا جانے والا مجوزہ نظام 1973ء کے دستور کی شق 140-Aکے بھی خلاف اور متصادم ہے ،کیونکہ آئین کی شق 140-Aکے تحت ’’ تمام صوبے پابند ہیں کہ وہ مقامی حکومتوں کی تشکیل کو یقینی بنا تے ہوئے سیاسی، انتظامی او ر مالی اختیارات کو عوام کے منتخب مقامی نمائندوں کو منتقل کریں گے‘‘اسی طرح آئین کی شق 32کے تحت ریاست پابند ہے کہ مقامی حکومتوں کے اداروں کو منتخب نمائندوں کے ذریعے چلائیں اور ان میں بالخصوص کسانوں، مزدوروں، اقلیتوں اور عورتوں کی نمائندگی کو یقینی بنائیں، 15مئی 2006ء کومیثاق جمہوریت جیسے سیاسی معاہدے میں ملک کی دونوں بڑی جماعتوں مسلم لیگ(ن)اور پیپلز پارٹی نے مقامی حکومتوں کے نظام پر جو اتفاق کیا تھا ، وہ بھی اہمیت کا حامل ہے۔ میشاق جمہوریت کی شق 10میں یقین دہانی کرائی گئی تھی کہ اقتدار میں آنے کے بعد’’مقامی حکومتوں کو قانونی تحفظ فراہم کرکے اس امر کو یقینی بنایا جائے گا کہ ان اداروں کو مکمل طور پر خود مختاری دی جائیگی‘‘ اب پنجاب میں جو نظام سامنے لایا جارہا ہے وہ 1973ء کے آئین سمیت میثاق جمہوریت میں کی گئی سیاسی و قانونی کمٹمنٹ کے برعکس ہے۔
پنجاب حکومت نے اعلان کیا ہے کہ یونین اور وارڈ کی سطح پر کونسلرز کے انتخابات غیر جماعتی بنیادوں پر ہونگے ، جبکہ تحصیل، ٹائون، میونسپل کمیٹی، ضلع کونسل کا چیئرمین، لارڈ میئر،میئر اور ڈپٹی میئر کا انتخاب جماعتی بنیادوں پر ہوگا،جمہوری قوتوں کا جماعتی بنیادوں پر انتخابات سے گریز عملی طور پراپنے ہی طے کردہ اصولوں کے خلاف غیر جمہوری فیصلہ ہے ، غیر جماعتی انتخابات میں سیاسی جماعتوں کے مقابلے میں برادری یا دھڑے بندی کی سیاست کو تقویت حاصل ہوتی ہے ، میئر، لارڈ میئر صوبائی حکومت یا وزیر اعلیٰ کے دبائو میں رہیں گے،مقامی نظام حکومت کو مضبوط نہ کرنے کی ایک بڑی وجہ ترقیاتی بجٹ ہے، اصولی طورپر یہ بجٹ مقامی حکومتوں کے تحت خرچ ہونے چاہئیں، لیکن قومی اور صوبائی اسمبلی کے ارکان کی توجہ بھی ترقیاتی بجٹ اور وسائل پر ہوتی ہے ، چنانچہ صوبائی او رمقامی حکومتوں کے درمیان ٹکرائو ہوتا ہے یہی وجہ ہے کہ ارکان اسمبلی اس نظام کو اپنی سیاسی طاقت میں رکاوٹ سمجھتے ہیں۔
لوکل گورنمنٹ کا ادارہ جمہوریت کی پہلی سیڑھی ہے،بلدیاتی اداروں کی غیر موجودگی میں عوامی مسائل و مشکلات کا عوامی امنگوں کے مطابق حل ممکن ہے نہ ہی عوام کو ریلیف دینا ممکن ہے،ہمارے ہاں مگر مقامی حکومتوں کا تصور سیاسی خانوادوں کی سیاسی موت ہے لہٰذا منتخب ارکان اسمبلی مقامی حکومتوں کو با اختیار بنانے میں سب سے بڑی رکاوٹ ہیں،منتخب بلدیاتی نمائندے اگر محکمہ لوکل گورنمنٹ سے مل کر نچلی سطح پر دیانتداری اور خلوص نیت سے کام کریں تو نہ صرف کرپشن کا گرم بازار بند کیا جا سکتا ہے بلکہ کروڑوں نہیں اربوں کی بچت کر کے عوام کے مسائل نچلی سطح پر حل کئے جا سکتے ہیں،لیکن بد قسمتی سے عوام کوایسے منتخب نمائندے دینے میں دانستہ تساہل اور مجرمانہ غفلت کا مظاہرہ کیا جا رہا ہے جو ہر وقت عوام کی دسترس میں ہوں،مقامی حکومتوں کو اگر فعال کیا جائے ، بلدیاتی ادارے متحرک ہوں تو نہ صرف عوامی مسائل کو نچلی سطح پر مختصر وقت میں حل کیا جا سکتا ہے بلکہ نا گہانی صورت میں عوام کو بر وقت ریلیف دینے میں بھی معاون ہو سکتے ہیں،اس سلسلے میں دیر کرنا ملک وقوم بلکہ عوام سے زیادتی ہو گی۔
.ذریعہ: Nai Baat
کلیدی لفظ: مقامی حکومتوں کے بلدیاتی اداروں بلدیاتی نظام نچلی سطح پر اداروں کو کرنے کی کے نظام نظام کو کے تحت کے بعد کیا جا
پڑھیں:
سن کریم کا ضروری ادویات کی فہرست میں دوبارہ شمولیت کا خیرمقدم
اسلام آباد (اُردو پوائنٹ ۔ UN اردو۔ 18 ستمبر 2025ء) اقوام متحدہ کے غیرجانبدار طبی ماہرین نے عالمی ادارہ صحت (ڈبلیو ایچ او) کی جانب سے سن سکرین کو دوبارہ ضروری ادویات کی معیاری فہرست میں شامل کرنے کے فیصلے کا خیرمقدم کیا ہے۔
اس فہرست میں ایسی ادویات شامل ہیں جو بڑے پیمانے پر آبادی کی ترجیحی طبی ضروریات کو پورا کرتی ہیں۔
Tweet URLماہرین نے اس اقدام کو ایک اہم پیش رفت قرار دیا ہے جو اس طویل جدوجہد کا حصہ ہے جس کا مقصد ان غیر ضروری اموات کی طرف توجہ مبذول کرانا اور انہیں روکنے کے لیے مؤثر، عملی اور پائیدار طریقے ڈھونڈنا ہے جو پھلبہری کے شکار افراد میں جلد کے سرطان کی وجہ سے رونما ہوتی ہیں۔
(جاری ہے)
ماہرین نے کہا ہے کہ جلد کا سرطان دنیا بھر میں پھلبہری سے متاثرہ افراد کی اموات کی سب سے بڑی وجہ ہے۔ یہ ایک قابلِ تدارک المیہ ہے جو کم آگاہی، سن سکرین تک محدود رسائی اور ادارہ جاتی و حکومتی سطح پر سست اقدامات سے جنم لیتا ہے۔
سیاسی عزم کی ضرورتانہوں نے کہا ہے کہ 'ڈبلیو ایچ او' کا یہ فیصلہ پھلبہری کے شکار افراد کی روزمرہ زندگی، حتیٰ کہ ان کی اوسط عمر پر بھی مثبت اثر ڈال سکتا ہے لیکن اس کے اصل نتائج سن سکرین کو ملکی طبی نظام اور طبی سازوسامان کی تجارتی بنیاد پر فراہمی کے سلسلے میں شمولیت سے متعلق حکومتوں کے سیاسی عزم پر منحصر ہوں گے۔
ماہرین نے کہا ہے کہ پھلہبری سے متاثرہ افراد کے لیے سن سکرین کی فراہمی اور اس تک رسائی زیبائشی ضرورت کا معاملہ نہیں بلکہ ایک بنیادی انسانی حق ہے۔
'ڈبلیو ایچ او' کا یہ فیصلہ ان بین الاقوامی ذمہ داریوں سے بھی مطابقت رکھتا ہے جن کے تحت ممالک پر لازم ہے کہ وہ موسمیاتی تبدیلیوں کے نتیجے میں انسانی حقوق کے متوقع نقصانات کی روک تھام کریں اور ان افراد کا تحفظ یقینی بنائیں جو ان اثرات سے بری طرح متاثر ہوتے ہیں۔
کراچی میں متوقع شدید بارش کے پیش نظر انتظامیہ کو ہائی الرٹ رہنے کا حکم