12 مئی جلاؤ گھیراؤ کیس: وسیم اختر اور دیگر ملزمان بری
اشاعت کی تاریخ: 27th, January 2025 GMT
کراچی: انسداد دہشت گردی کی خصوصی عدالت نے 12 مئی کے جلاؤ گھیراؤ کیس میں سابق میئر کراچی وسیم اختر، عمیر صدیقی اور اعجاز گورچائی کو بری کر دیا۔
کراچی سینٹرل جیل میں انسداد دہشت گردی کمپلیکس میں خصوصی عدالت نے 12 مئی کے مقدمے کا فیصلہ سنایا۔ عدالت نے ایم کیو ایم کے رہنما وسیم اختر، کارکن اعجاز گورچائی اور عمیر صدیقی کو بے گناہ قرار دیتے ہوئے بری کرنے کا حکم دیا۔
ملزمان کے وکیل مشتاق اعوان ایڈوکیٹ نے عدالت میں یہ موقف اختیار کیا کہ ان کے خلاف کوئی ٹھوس اور قابلِ اعتماد ثبوت پیش نہیں کیے گئے، لہذا ان کو بری کیا جائے۔ وکیل نے مزید کہا کہ یہ ثابت نہیں ہو سکا کہ وسیم اختر نے ہنگامہ آرائی کے لیے کسی میٹنگ میں شرکت کی تھی یا اس کی ہدایت دی تھی۔
یہ مقدمہ 2007 میں ائیرپورٹ پولیس کی جانب سے درج کیا گیا تھا، جس میں استغاثہ نے الزام عائد کیا تھا کہ وسیم اختر نے ایم کیو ایم کے مرکز پر میٹنگ کر کے سڑکیں بند کرنے اور جلاؤ گھیراؤ کی کارروائیوں کی ہدایت دی تھی۔
.ذریعہ: Nai Baat
پڑھیں:
وسیم اکرم کا کھیل میں سیاست کے امتزاج پر اظہارِ ناپسندیدگی
قومی کرکٹ ٹیم کے سابق کپتان وسیم اکرم نے کھیلوں میں سیاست کے بڑھتے ہوئے اثرات پر کھل کر اظہارِ خیال کرتے ہوئے کہا ہے کہ کھیل کو سیاست سے الگ رکھنا ضروری ہے تاکہ کھیل کی روح برقرار رہ سکے۔
وسیم اکرم نے وِزڈن کو دیے گئے انٹرویو میں کہا کہ مجھے کرکٹ میں سیاست بالکل پسند نہیں معاف کیجیے، لیکن سیدھی بات یہی ہے کہ کھیل کو سیاست سے دور ہونا چاہیے۔
????️ Wasim Akram: "What I don't like in cricket is politics, I'm sorry." ❌ pic.twitter.com/zY7fQGAz7H
— Wisden (@WisdenCricket) November 2, 2025
انہوں نے کہا کہ آج کرکٹ تقسیم کا شکار ہوتی جا رہی ہے اور اس صورتحال میں انٹرنیشنل کرکٹ کونسل (آئی سی سی) اور قومی بورڈز کو اپنی ذمہ داری ادا کرنی چاہیے۔
ان کا کہنا تھا کہ ہر ملک کے کھلاڑیوں کو کھیلنے کا موقع ملنا چاہیے، بہادری دکھائیں، بڑے دل کے ساتھ فیصلے کریں مگر بدقسمتی سے ایسا نہیں ہو رہا۔
وسیم اکرم نے کہا کہ یہی وہ جگہ ہے جہاں آئی سی سی اور کرکٹ بورڈز کو کردار ادا کرنا چاہیے، اس سے فرق نہیں پڑتا کہ لیگ کس کی ہے یا ٹیم کس کی ملکیت میں ہے، ہر قوم کے کھلاڑیوں کو کھیلنے دیا جانا چاہیے۔
واضح رہے کہ حال ہی میں 2025 کے ایشیا کپ کے دوران بھارتی کھلاڑیوں کے رویے نے تنازع کھڑا کردیا تھا، جب انہوں نے پاکستانی کرکٹرز سے مصافحہ کرنے سے گریز کیا تھا اور معاملہ مزید سنگین ہوگیا تھا۔
کراچی، نادرن بائی پاس پر پلاسٹک کے گودام میں آگ لگ گئی