ایف بی آر کے دہری شہریت رکھنے والے افسران سے تفصیلات طلب
اشاعت کی تاریخ: 27th, January 2025 GMT
اسلام آباد:
فیڈرل بورڈ آف ریونیو نے تمام فیلڈ فارمیشنز سے دہری شہریت رکھنے والے افسران سے تفصیلات طلب کرلیں۔
اس حوالے سے فیڈرل بورڈ آف ریونیو (ایف بی آر) کی جانب سے تمام ڈائریکٹرز جنرلز، چیف کمشنرزکو مراسلہ جاری کیا گیا ہے جس میں کہا گیا ہے کہ اہل خانہ کی دہری شہریت کی تفصیلات بھی فراہم کرنا لازمی ہے۔
مراسلے میں دہری شہریت رکھنے والے افسران سے نام، عہدہ، مدت ملازمت اور غیر ملکی شہریت کا ڈیٹا طلب کیا گیا ہے۔
دہری شہریت رکھنے والے شوہر یا بیوی کا الگ الگ ڈیٹا فراہم کرنا ہوگا جبکہ اہل خانہ کی دہری شہریت کی تفصیلات بھی فراہم کرنا لازمی قرار دیا گیا ہے۔
دہری شہریت رکھنے والے ایف بی آر افسران کو طلب کردہ تمام تفصیلات ایک ہفتے کے اندر فراہم کرنے کی ہدایت کی گئی ہے۔
.
ذریعہ: Express News
کلیدی لفظ: گیا ہے
پڑھیں:
بین الاقوامی پرواز کے دوران تھائی خاتون کے ہاں بچے کی ولادت
مسقط سے ممبئی آنے والی ایئر انڈیا ایکسپریس کی ایک پرواز اُس وقت حیرت انگیز منظر کی گواہ بنی جب ہزاروں فٹ بلندی پر ایک تھائی خاتون نے بچے کو جنم دیا۔
ائیر لائن کی جانب سے جاری بیان کے مطابق خاتون کو دورانِ پرواز دردِ زہ شروع ہوا تو طیارے میں موجود ایک نرس اور کیبن کریو نے فوری طور پر مدد فراہم کی اور بچے کی بحفاظت ولادت کروائی۔
یہ بھی پڑھیں:بس میں بچے کی پیدائش کے بعد والدین نے کیا مجرمانہ حرکت کی؟
ترجمان کے مطابق جیسے ہی تھائی شہری خاتون کو لیبر پین شروع ہوا، عملے نے اپنی تربیت کا بہترین مظاہرہ کرتے ہوئے ایک محفوظ اور ہمدردانہ ماحول فراہم کیا۔
پائلٹس نے صورتحال سے کنٹرول ٹاور کو مطلع کرتے ہوئے ممبئی ایئرپورٹ پر ترجیحی لینڈنگ کی درخواست کی۔
طیارہ جیسے ہی ممبئی پہنچا، طبی ٹیم اور ایمبولینس پہلے سے موجود تھی، جو ماں اور نومولود کو قریبی اسپتال لے گئی۔
ائیر لائن کا کہنا ہے کہ ایک خاتون اسٹاف ممبر بھی ان کے ساتھ روانہ ہوئی تاکہ تعاون فراہم کیا جا سکے۔
یہ بھی پڑھیں:دورانِ پرواز بچے کی پیدائش، پائلٹ دائی بن گیا
ایئرانڈیا ایکسپریس نے مزید بتایا کہ وہ ممبئی میں تھائی قونصل خانے کے ساتھ رابطے میں ہے تاکہ ماں اور بچے کی واپسی میں ہر ممکن مدد فراہم کی جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایئر انڈیا تھائی خاتون تھائی لینڈ عمان ممبئی
بھارتی اسپانسرڈ دہشت گردوں کا قوم کی حمایت سے خاتمہ کریں گے، محسن نقوی