صرحا اصغر کی نومولود بیٹی کی پہلی جھلک، منفرد نام سامنے آ گیا
اشاعت کی تاریخ: 29th, January 2025 GMT
اداکارہ صرحا اصغر نے اپنی نومولود بیٹی کی پہلی جھلک کے ساتھ اپنی ننھی پری کے منفرد اور خوبصورت نام کا اعلان کیا ہے۔
یاد رہے کہ کچھ روز قبل ہی صرحا اصغر نے اپنے ہاں دوسرے بچے، بیٹی کی پیدائش سے متعلق سوشل میڈیا پر اعلان کیا تھا۔
فوٹو اینڈ ویڈیو شیئرنگ ایپ انسٹاگرام پر صرحا اصغر نے گزشتہ روز اپنی فیملی کی نئی تصاویر شیئر کی ہیں جن میں ان کے چھوٹے سے خاندان کو سرخ اور سفید تھیم کے کپڑوں میں ملبوس دیکھا جا سکتا ہے۔
View this post on InstagramA post shared by Srha Asgr.
31 سالہ صرحا اصغر نے شوہر اور بیٹے کے ہمراہ نومولود بیٹی کی خوبصورت تصویریں شیئر کرتے ہوئے بتایا ہے کہ انہوں نے اپنی بیٹی کا نام ’علیین مرتضیٰ‘ رکھا ہے۔
اس پوسٹ کے کیپشن میں اداکارہ نے ہم اپنی ننھی شہزادی کے نام علیین مرتضیٰ کا اعلان کرتے ہوئے انتہائی خوش کا اظہار کیا ہے۔
انسٹاگرام پر 1.3 ملین فالوور رکھنے والی اداکارہ صرحا اصغر کی نومولود بیٹی کا خوبصورت اور منفرد نام مداحوں کو خوب بھا گیا ہے۔
ان تصاویر کو دیکھ کر ناصرف صرحا اصغر کے مداح بلکہ سوشل میڈیا کے دیگر صارفین بھی اداکارہ کو مبارکباد اور ان کے خاندان کے لیے نیک تمناؤں کا اظہار کر رہے ہیں۔
یاد رہے کہ اداکارہ صرحا اصغر نے دسمبر 2020ء میں کورونا کی وباء کے دوران خاموشی سے اپنے دوست عمر لالہ سے شادی کر لی تھی۔
اس جوڑی کے ہاں نومبر 2022ء میں پہلے بچے کی پیدائش ہوئی تھی۔
ذریعہ: Daily Mumtaz
کلیدی لفظ: بیٹی کی
پڑھیں:
لاہور : بجلی پیدا کرنے والی ملک کی پہلی سڑک تیار
پنجاب کے دارالحکومت لاہور میں بجلی پیدا کرنے والی ملک کی پہلی سڑک تیار کرلی گئی۔رپورٹ کے مطابق حکام نے کہا کہ انہوں نے ملک کی سب سے جدید اسمارٹ سڑک کی تعمیر مکمل کر لی ہے جو شہر کے وسط میں واقع ہے۔حکام نے کہا کہ اس سٹرک کو روٹ 47 کا نام دیا گیا ہے. اس کی لمبائی 4.5 کلومیٹر ہے جو کلمہ چوک کو بشمول فیروز پور روڈ، گلبرگ مین بلیوارڈ، والٹن روڈ اور لاہور رنگ روڈ سمیت شہر کی کئی بڑی شاہراہوں کو جوڑتی ہے۔اس منصوبے کی لاگت کا تخمینہ 9 ارب روپے (تقریباً 32 ملین امریکی ڈالر)تھا. اس منصوبے کو پنجاب سینٹرل بزنس ڈسٹرکٹ ڈویلپمنٹ اتھارٹی (سی بی ڈی پنجاب) نے انجام دیا۔سی بی ڈی پنجاب کے سی ای او عمران امین نے کہا کہ سڑک ملک کے جدید ترین تجارتی ضلع کا مرکزی بلیوارڈ ہے، یہ بین الاقوامی معیارات پر پورا اترتی ہے اور اس میں کئی اسمارٹ خصوصیات شامل ہیں۔اس سڑک میں تقریباً ایک کلومیٹر کا فلائی اوور شامل ہے.اس میں پیدل چلنے والوں اور سائیکل سواروں کے لیے الگ الگ لین ہیں۔حکام نے بتایا کہ سڑک کو بارشوں کے دوران پانی کے جمع ہونے سے روکنے کے لیے ڈیزائن کیا گیا ہے۔روٹ 47 کے ساتھ فٹ پاتھوں پر سولر پینل لگائے جا رہے ہیں جو ایک میگا واٹ تک بجلی پیدا کریں گے. عمران امین نے کہا کہ مجھے یقین ہے کہ یہ پاکستان کی پہلی اسمارٹ سڑک ہے جو توانائی بھی پیدا کرے گی۔
وزیراعظم محمد شہباز شریف کا مالی سال 2025 کے پہلے 9 ماہ میں آئی ٹی برآمدات میں 2.828 بلین ڈالر (گزشتہ سال کے مقابلے 23 فیصد) اضافے کا خیر مقدم