جنوبی سوڈان میں مسافر طیارہ گر کر تباہ ، 20 افراد ہلاک
اشاعت کی تاریخ: 30th, January 2025 GMT
سوڈان(نیوز ڈیسک)خبر ایجنسی کے مطابق طیارہ حادثے میں ہلاک ہونے والوں میں 2 چینی اور ایک بھارتی شہری شامل ہے،مسافر طیارے میں عملے کے ارکان سمیت 21افراد سوار تھے،صرف ایک مسافر زندہ بچا۔سوشل میڈیا پر شیئر کی گئی تصاویر میں طیارے کو ایک کھیت میں الٹا دکھایا گیا ہے جس کا ملبہ ارد گرد کے علاقے میں بکھرا ہوا ہے۔
سوڈانی صدر کا کہنا ہے کہ طیارہ ٹیک آف کے دوران حادثے کا شکار ہوا،مسافر طیارے کے حادثے کی وجہ جاننے کیلئے تحقیقات جاری ہیں۔جنوبی سوڈان میں طیاروں کی اوور لوڈنگ ایک عام مسئلہ رہا ہے، اس سے قبل 2015 میں جوبا میں ایک طیارہ گر کر تباہ ہو گیا تھا، جس میں 36 افراد ہلاک ہوئے تھے۔
‘8ماہ کی تنخواہ لیں اور گھر جائیں ‘ امریکی صدر کی وفاقی ملازمین کو بڑی پیشکش
.ذریعہ: Daily Ausaf
پڑھیں:
اٹلی میں چھوٹا طیارہ ہائی وے پر گر گیا، پائلٹ اور خاتون ساتھی ہلاک، متعدد گاڑیاں جل گئیں
اٹلی کے شمالی علاقے بریشیا میں ایک چھوٹا الٹرا لائٹ طیارہ مصروف ہائی وے پر گر کر تباہ ہو گیا، جس کے نتیجے میں طیارے کے 75 سالہ پائلٹ سرجیو راوالیا اور ان کی 60 سالہ خاتون ساتھی این ماریا ڈی اسٹیفانو موقع پر جاں بحق ہو گئے۔
بین الاقوامی میڈیا رپورٹس کے مطابق، حادثہ فریچیا آر جی نامی طیارے کو پیش آیا، جو فضا سے اچانک نیچے آیا اور سڑک سے ٹکرا کر آگ کا گولہ بن گیا۔ حادثے کے دوران 2 گاڑیوں میں آگ بھڑک اٹھی اور 2 ڈرائیور زخمی ہو گئے۔
عینی شاہدین کے مطابق، پائلٹ ممکنہ طور پر ہنگامی لینڈنگ کی کوشش کر رہا تھا، مگر رفتار پر قابو نہ پا سکا اور طیارہ قابو سے باہر ہو کر گھومتا ہوا زمین سے جا ٹکرایا۔
مقامی حکام نے فوری طور پر فائر بریگیڈ اور ریسکیو ٹیمیں روانہ کیں، لیکن طیارہ مکمل تباہ ہو چکا تھا۔
اطالوی قومی ایجنسی برائے فلائٹ سیفٹی نے حادثے کی مکمل تحقیقات کا اعلان کیا ہے، جب کہ بریشیا کے پبلک پراسیکیوٹر نے غیر ارادی قتل کے حوالے سے ابتدائی تحقیقات کا آغاز کر دیا ہے۔
حادثے کی اصل وجہ تاحال معلوم نہیں ہو سکی اور ملبے کا تجزیہ کیا جا رہا ہے تاکہ کسی فنی خرابی یا انسانی غلطی کا تعین کیا جا سکے۔
پاکستان اسٹاک ایکسچینج میں زبردست تیزی کا رجحان، انڈیکس نئی بلند ترین سطح پر پہنچ گیا