بھارتی کرکٹر محمد سراج کے کس بالی ووڈ اداکارہ سے تعلقات بڑھنے لگے؟
اشاعت کی تاریخ: 30th, January 2025 GMT
بھارت کے فاسٹ بولر محمد سراج اور بالی ووڈ اداکارہ ماہرہ شرما کے درمیان ڈیٹ کی خبریں سامنے آ رہی ہیں۔
بھارتی میڈیا رپورٹس کے مطابق ماہرہ اور سراج کے درمیان بڑھتی قربتوں کی خبریں گزشتہ کئی ماہ سے وائرل ہیں، فاسٹ بولر کو سوشل میڈیا پرماہرہ کی تصاویر لائک کرتے دیکھا گیا تھا۔ دونوں نے ایک دوسرے کو سوشل میڈیا پر فالو بھی کیا ہوا ہے۔
ذرائع کے مطابق دونوں کے قریبی تعلقات ہیں لیکن دونوں نے اپنے تعلقات کا باضابطہ طور پر اعلان نہیں کیا اور وہ فی الحال اپنے رشتے کو خفیہ رکھنا چاہتے ہیں۔
یہ بھی پڑھیں: محمد سراج نے لنکا ڈھا دی، کیا میچ فکس تھا؟
اداکارہ ماہرہ شرما کی والدہ ثانیہ شرما نے ان تعلقات کی افواہوں پر مایوسی کا اظہار کرتے ہوئے انہیں غلط قرار دیا اور کہا کہ ان کی بیٹی مشہور شخصیت ہیں اس لیے لوگ ان کا نام کسی کے ساتھ بھی جوڑیں گے تو کیا انہیں لوگوں کی باتوں پر یقین کر لینا چاہیے۔
واضح رہے ماہرہ شرما کا تعلق جموں و کشمیر سے ہے اور وہ کئی ٹی وی سیریز اور فلموں کا حصہ رہ چکی ہیں۔ وہ 25 نومبر 1997 کو جموں و کشمیر میں پیدا ہوئیں اور تعلیم کے لیے ممبئی منتقل ہو گئیں۔
یہ بھی پڑھیں: رنبیر کپور کے ساتھ وائرل تصاویر، ماہرہ خان نے 7سال بعد خاموشی توڑ دی
ماہرہ شرما نے اپنے کیریئر کا آغاز ماڈلنگ سے کیا اور اس کے بعد کئی مشہور ٹی وی شوز اور فلموں میں کام کیا۔ وہ بگ باس 13 کی کنٹسٹنٹ بھی رہ چکی ہیں، جہاں انہوں نے خوب پذیرائی حاصل کی۔
محمد سراج نے اپنے کرکٹ کیریئر کا آغاز 2019 میں آسٹریلیا کے خلاف 50 اوورز کے فارمیٹ سے کیا۔ اس کے بعد انہوں نے 44 ایک روزہ میچز کھیلے اور 71 وکٹیں حاصل کیں، انہوں نے آخری ایک روزہ میچ 2024 میں کولمبو میں سری لنکا کے خلاف کھیلا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈین کرکٹ بالی ووڈ ماہرہ شرما محمد سراج.ذریعہ: WE News
کلیدی لفظ: انڈین کرکٹ بالی ووڈ ماہرہ شرما ماہرہ شرما
پڑھیں:
سابق انگلش کرکٹر کی موت کے حوالے سے تحقیقات کا آغاز
کراچی:انگلینڈ کے سابق کرکٹر گراہم تھارپ کی خودکشی کے حوالے سے تحقیقات کا باقاعدہ آغاز ہوگیا۔
گراہم تھارپ گزشتہ برس ٹرین کی ٹکر سے ہلاک ہوگئے تھے بعد میں انکی فیملی نے انکشاف کیا تھا کہ تھارپ نے خودکشی کی ہے۔
ان کی موت کے حوالے سے شروع ہونے والی تحقیقات میں اہلیہ امینڈا نے انکشاف کیا کہ تھارپ نے اس سے قبل 20 اپریل 2022 کو بھی اپنی جان لینے کی کوشش کی تھی جس کے بعد وہ کئی دن بے ہوش اور کئی ہفتے انتہائی نگہداشت کے یونٹ میں داخل رہے۔
گراہم تھارپ نے 1993 سے 2005 کے دوران 100 ٹیسٹ اور 82 ون ڈے انٹرنیشنل میچز میں انگلینڈ کی نمائندگی کی تھی۔
گراہم تھارپ والد جیف نے بتایا کہ 2010 کے دورہ آسٹریلیا میں تھارپ انگلش ٹیم کے اسسٹنٹ کوچ تھے، سیریز کے بعد کپتان جو روٹ، جیمز اینڈرسن اور آسٹریلوی پلیئرز ناتھن لائن، ٹریوس ہیڈ اور الیکس کیری ایک نائٹ کلب میں شراب نوشی کررہے تھے، وہاں پر پولیس پہنچی اور پوچھ گچھ کی، اس موقع پر تھارپ نے ویڈیو بنائی جوبعد میں لیک ہوگئی جس کی انھیں کافی شرمندگی تھی۔
والد کے مطابق گراہم تھارپ نے اس پر معافی بھی مانگی مگر وہ کافی نادم تھے، اس واقعے پر انگلش بورڈ نے انہیں ملازمت سے بھی برخواست کردیا تھا، جس کے بعد وہ ڈپریشن کا شکار ہوگئے، ان کا علاج بھی کروایا گیا مگر وہ عام لوگوں کے سامنے آنے کو تیار نہیں تھے۔
تھارپ کی اہلیہ امینڈا نے بتایا کہ انہوں نے مجھ سے ایک بار کہا تھا کہ میں زندگی ختم کرنے میں ان کی مدد کروں۔
تحقیقات کا سلسلہ جاری رہے گا انگلینڈ اور بھارت میں جاری ٹیسٹ کے دوسرے روز تھارپ کو خراج عقیدت پیش کیا گیا، اس موقع پر ان کی اہلیہ اور بیٹیاں کیٹی اور ایمی بھی موجود تھیں جنہوں نے دماغی صحت کی چیریٹی کیلیے امداد جمع کی۔
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست