سیف علی خان حملے کے بعد پہلی بار کس ایونٹ میں شرکت کریں گے؟
اشاعت کی تاریخ: 30th, January 2025 GMT
بالی وڈ کے معروف اداکار سیف علی خان پر 16 جنوری کو ان کے گھر میں چاقو سے حملہ کیا گیا، جس کے بعد وہ شدید زخمی حالت میں اسپتال داخل ہوئے۔ تاہم، ایک ہفتے کے اندر وہ ممبئی کے لیلاوتی اسپتال سے صحت یاب ہو کر گھر واپس آ گئے۔
اب یہ خبریں سامنے آرہی ہیں کہ سیف علی خان پہلی بار کسی عوامی تقریب میں شرکت کرنے والے ہیں۔
ذرائع کے مطابق، ’Next On Netflix 2025’ ایونٹ 3 فروری کو منعقد ہو رہا ہے، جہاں نیٹ فلکس اپنی آنے والی فلموں اور ویب سیریز کے بارے میں اعلانات کرے گا۔
خبروں کے مطابق، سیف علی خان کی نئی فلم ‘Jewel Thief’ کو نیٹ فلکس نے حاصل کر لیا ہے، اور امکان ہے کہ وہ اس تقریب میں اپنی فلم کی تشہیر کے لیے شریک ہوں گے۔
یہ فلم سدھرتھ آنند کی پروڈکشن ہے، جس کی ہدایتکاری رابی گریوال نے کی ہے۔ فلم میں جیدیپ اہلوت اور نکتا دتہ بھی مرکزی کرداروں میں نظر آئیں گے۔
خبریں ہیں کہ نکھل اڈوانی کی پروڈکشن میں بننے والی ایک اور فلم میں بھی سیف نظر آئیں گے، جسے راہل ڈھولکیا ڈائریکٹ کر رہے ہیں۔ اس فلم میں پرکاش گاندھی اور دیپک ڈوبریال بھی شامل ہیں،
سیف علی خان بھارت کے پہلے چیف الیکشن کمشنر سُکمار سین کا کردار ادا کریں گے۔ یہ فلم جنوری میں فلور پر جانی تھی، لیکن حملے کے بعد اس کی شوٹنگ ملتوی کر دی گئی ہے۔
.
ذریعہ: Express News
کلیدی لفظ: سیف علی خان
پڑھیں:
سابق وفاقی وزیر مخدوم تنویر گیلانی ملتان میں سپردخاک، ہزاروں افراد کی جنازے میں شرکت
نماز جنازہ کے بعد مخدوم سید تنویر الحسن گیلانی کو درود و سلام اور کلمہ طیبہ کے ورد میں دربار حضرت موسی پاک شہید کے احاطہ میں سپرد خاک کیا گیا، مرحوم کے ایصال ثواب کے لئے قل خوانی و جہلم کا اجتماع 7 ستمبر کو دربار حضرت موسی پاک شہید پر ہوگا جبکہ فاتحہ خوانی کے لئے سوگواران سید عمران گیلانی کی رہائش گاہ العمران عقب ڈسٹرکٹ جیل میں موجود ہوںگے۔ اسلام ٹائمز۔ سابق وفاقی وزیر صدر انجمن اسلامیہ مخدوم سید تنویر الحسن گیلانی مرحوم کی نماز جنازہ نشتر گرانڈ میں ادا کی گئی، جس میں ہزاروں کی تعداد میں لوگوں نے شرکت کی، نماز جنازہ مرحوم کے چھوٹے صاحبزادے مخدوم زادہ سید عمران گیلانی نے پڑھائی جبکہ چیئرمین سینٹ سابق وزیراعظم سید یوسف رضا گیلانی، سینیئر سیاستدان مخدوم محمد جاوید ہاشمی، مرحوم کے بڑے صاحبزادے مخدوم زادہ سید عامر حسن گیلانی، درگاہ حضرت موسی پاک شہید کے سجادہ نشین مخدوم سید ابو الحسن گیلانی، مخدوم آف اُچ مخدوم سہیل گیلانی، امیر جماعت اہل سنت پاکستان علامہ مظہر سعید کاظمی، مخدوم سید غلام یزدانی گیلانی، مخدوم راجن بخش گیلانی، علامہ سید حامد سعید کاظمی، درگاہ حضرت پیر طریقت مولانا حامد علی خان کے سجادہ نشین صاحبزادہ ناصر میاں خان، درگاہ حضرت چادر والی سرکار کے سجادہ نشین پیر سید علی حسین شاہ، پیر آف گولڑہ شریف پیر فواد الدین گیلانی، میاں شمس الدین گیلانی، نواب صلاح الدین جیلانی، ارکان قومی اسمبلی ملک عامر ڈوگر، سید علی موسی گیلانی، سید علی قاسم گیلانی، ایم پی اے سید علی حیدر گیلانی، سید محسن گیلانی، چوہدری وحید، ملک عاشق علی شجر، حافظ اقبال خاکوانی، اظہر بلوچ، مخدوم فیض مصطفی قریشی، علامہ محمد فاروق خان سعیدی، ظفر قادری ایڈوکیٹ، ملک یوسف سمیت ہزاروں افراد نے شرکت کی۔ نماز جنازہ کے بعد مخدوم سید تنویر الحسن گیلانی کو درود و سلام اور کلمہ طیبہ کے ورد میں دربار حضرت موسی پاک شہید کے احاطہ میں سپرد خاک کیا گیا، مرحوم کے ایصال ثواب کے لئے قل خوانی و جہلم کا اجتماع 7 ستمبر کو دربار حضرت موسی پاک شہید پر ہوگا جبکہ فاتحہ خوانی کے لئے سوگواران سید عمران گیلانی کی رہائش گاہ العمران عقب ڈسٹرکٹ جیل میں موجود ہوںگے۔
امریکی ایلچی نے جنگ بندی معاہدہ ناکام ہونے کا ذمہ دارحماس کو قرار دیدیا