کابل کے بعد سری نگر اور غزہ میں جدوجہد جاری ہے،امیرالعظیم
اشاعت کی تاریخ: 1st, February 2025 GMT
میر پورخاص (نمائندہ جسارت ) جماعت اسلامی پاکستان کے مرکزی سیکرٹری جنرل امیر العظیم نے کہا ہے کہ غزہ میں اسرائیلی جارحیت اور ظلم و ستم کو عالمی برادری اور مسلم ممالک کی جانب سے نہ روکا گیا تو عالمی جنگ ہو نہ ہو عالمی سطح پر بڑی تباہی و بربادی کا امکان موجود ہے سقوط بغداد سقوطِ غرناطہ اور سقوط ڈھاکہ نے یہ سبق دیا ہے کہ حکمرانوں اور فوج پر انحصار اور اعتماد دھوکے کا سبب بن سکتے ہیں لیکن غزہ میں ظلم و زیادتی نے عالمی سطح پر انسانیت کا ضمیر جگایا ہے کابل کے بعد سری نگر اور غزہ میں جدوجہد جاری ہے مگر اب سقوط کی باری کسی اور کی ہے اور اس کا آغاز ہو چکا ہے یہ قوم نہ تو مغرب کی ڈکٹیشن قبول کرے گی اور نہ ہی شریعت محمدی کو چھوڑے گی وہ اپنے دورہ میر پور خاص کے موقع پر جماعت اسلامی میرپورخاص کے زیر اہتمام اسلام اور مغرب کے مابین تہذیبی و تزویراتی کشمکش اور مشرق وسطی کی موجودہ صورتحال کے موضوع پر ایک پرہجوم اجتماع کے شرکا سے خطاب کر رہے تھے۔ اس موقع پر جماعت اسلامی سندھ کے جنرل سیکرٹری محمد یوسف امیر ضلع سلمان خالد مقامی امیر شکیل احمد فہیم قیم نادر خان نے بھی خطاب کیا جبکہ جماعت اسلامی سندھ کے ڈپٹی جنرل سیکرٹری عبدالقدوس احمدانی الخدمت میر پور خاص کے صدر عرفان الحق نائب امیر حاجی نورالہی مغل اور دیگر بھی موجود تھے۔ انہوں نے کہا کہ مغرب کی طرح مسلم حکمرانوں میں بھی اسلام کے خلاف کڑواہٹ نظر آتی ہے جس کی مثالیں ہمیں بنگلا دیش مصر اور شام میں بھی نظر آئیں دراصل مغرب اسلام کو قبول کرنے کو تو تیار ہے لیکن شریعت محمدی کا نفاذ نہیں چاہتا جبکہ اللہ تعالی نے بتا دیا کہ شریعت کا نفاذ ہی دراصل اسلام ہے اور اس کے لیے قربانی اور جدوجہد کی ضرورت ہے۔انہوں نے مزید کہا کہ آج ہمارے حکمران اسلام سے کھلی جنگ کر رہے ہیں اسلام آباد میں مسند اقتدار پر بیٹھے لوگ شرح سود میں اضافہ کر رہے ہیں بلکہ عدالتوں سے اسٹے حاصل کر کے سود کو جائز قرار دینا چاہتے ہیں عوامی رائے کو مقدم رکھنے کے بجائے من پسند لوگوں کو مسلط کیا گیا بلکہ جن لوگوں کو اقتدار میں لایا جاتا ہے انہیں ہی بعد میں کان پکڑ کر نکالا بھی جاتا ہے سندھ میں لمبے اقتدار کے باوجود پیپلز پارٹی حکومت کی کارکردگی عوام دشمن ہے لیکن عوام کے پاس اب جماعت اسلامی کی شکل میں آپشن موجود ہے جو ملک کے حالات سدھارنے کی صلاحیت رکھتی ہے۔ انہوں نے کہا کہ جس دن بھی عالمی سطح پر تین چار ریاستوں میں دین اسلام کا دروازہ کھل گیا اسرائیل کا خاتمہ ہو جائے گا اگر اب بھی ہم نے آنکھیں نہ کھولیں تو فلسطین اور شام کے بعد ہماری باری بھی آ سکتی ہے۔
.ذریعہ: Jasarat News
کلیدی لفظ: جماعت اسلامی
پڑھیں:
اسلام آباد میں جناح میڈیکل کمپلیکس کی تعمیر پر پیش رفت، وزیرِ اعظم شہباز شریف کی شفافیت اور عالمی معیار کی ہدایات
اسلام آباد (6 اگست 2025): وزیرِ اعظم محمد شہباز شریف کی زیرِ صدارت جناح میڈیکل کمپلیکس کی تعمیر پر اعلیٰ سطحی جائزہ اجلاس منعقد ہوا، جس میں اسپتال کے ڈیزائن، اراضی کی منتقلی، بورڈ کی تشکیل اور تعمیراتی معیار پر تفصیلی بریفنگ دی گئی۔
وزیرِ اعظم نے اجلاس سے خطاب کرتے ہوئے ہدایت دی کہ جناح میڈیکل کمپلیکس کی تعمیر میں اسپیشلائزڈ ہیلتھ کیئر کے عالمی معیار کو ملحوظِ خاطر رکھا جائے تاکہ یہ ادارہ آزاد کشمیر، گلگت بلتستان اور چاروں صوبوں کے مریضوں کے لیے شفاء کا ایک ماڈل اسپتال بنے۔
انہوں نے ہدایت کی کہ اسپتال کے مختلف بلاکس کو چاروں صوبوں کے ناموں سے منسوب کیا جائے، جبکہ تمام تعمیراتی اور بھرتی کے عمل میں شفافیت اور میرٹ کو اولین ترجیح دی جائے۔
وزیرِ اعظم نے تعمیراتی معیار کی نگرانی کے لیے تھرڈ پارٹی ویلیڈیشن یقینی بنانے کی بھی ہدایت کی اور اسلام آباد میں پرائمری و سیکنڈری ہیلتھ کیئر کے نظام کی بہتری کا منصوبہ پیش کرنے کی ضرورت پر زور دیا تاکہ ٹرشری اسپتالوں پر دباؤ کو کم کیا جا سکے۔
انہوں نے کہا کہ اللہ کے فضل و کرم سے پی کے ایل آئی ایک مثالی ادارہ بن چکا ہے، اور جناح میڈیکل کمپلیکس کو اس سے بھی بہتر اور عالمی معیار کا اسپتال بنایا جائے گا۔ اسپتال میں صفائی سمیت تمام سروسز کو میرٹ پر آؤٹ سورس کرنے کی ہدایت بھی دی گئی۔
اجلاس میں بتایا گیا کہ کنسیپٹ ڈیزائن، اراضی کی منتقلی اور بورڈ کی تشکیل حتمی مراحل میں داخل ہو چکے ہیں، جبکہ تعمیراتی معیار کو یقینی بنانے کے لیے جیو ٹیکنیکل اور سوشل امپیکٹ اسٹڈیز بھی جاری ہیں۔
اجلاس میں وفاقی وزراء احسن اقبال، احد خان چیمہ، سید مصطفیٰ کمال، وزیرِ اعظم کے کوآرڈینیٹر برائے صحت ڈاکٹر مختار بھرتھ، چیئرمین پی کے ایل آئی پروفیسر ڈاکٹر سعید اختر اور متعلقہ اعلیٰ حکام نے شرکت کی۔
Post Views: 10
امریکی صدر ڈونلڈ ٹرمپ نے 7 بھارتی کمپنیوں پر پابندیاں عائد کر دیں