اربعین مارچ مؤخر، حکومت اور ایم ڈبلیو ایم میں 7 نکاتی معاہدہ طے پا گیا
اشاعت کی تاریخ: 8th, August 2025 GMT
کراچی:
زائرین کے اربعین مارچ کے معاملے پر وفاقی و صوبائی حکومت اور مجلس وحدت المسلمین (ایم ڈبلیو ایم) کی قیادت کے درمیان کامیاب مذاکرات کے بعد مارچ مؤخر کرنے کا اعلان کردیا گیا۔
وفاقی وزیر مملکت برائے داخلہ طلال چوہدری، گورنر سندھ، ایم ڈبلیو ایم اور ایم کیو ایم کی قیادت نے مشترکہ پریس کانفرنس میں تفصیلات سے آگاہ کیا۔
طلال چوہدری، جو خصوصی طور پر وزیرِ اعظم شہباز شریف کی ہدایت پر کراچی پہنچے، نے کہا کہ زائرین کے پیدل سفر پر پابندی سیکیورٹی خدشات کے باعث عائد کی گئی تھی، جو ایک تکلیف دہ مگر ناگزیر فیصلہ تھا۔
گورنر سندھ نے بتایا کہ انہوں نے رات گئے زائرین سے ملاقات کی اور صورتحال کو وفاقی حکومت کے سامنے رکھا۔
انہوں نے کہا کہ زائرین کے تحفظ کو مدنظر رکھتے ہوئے پیدل سفر کی اجازت نہیں دی جاسکتی تھی، تاہم تمام فریقین کی مشاورت سے 7 نکاتی معاہدہ طے پایا، جس پر مکمل عملدرآمد کے لیے ایک مشترکہ کمیٹی قائم کی جائے گی۔
طے پانے والے 7 نکات میں شامل ہیں:
زائرین کے لیے مخصوص فلائٹ آپریشن دو روز میں شروع کیا جائے گا۔
ایڈوانس میں دیے گئے بس کرایوں کی واپسی یقینی بنائی جائے گی۔
ایراقی حکومت سے ویزہ کی مدت میں توسیع کے لیے رابطہ کیا جائے گا۔
زمینی سفر کے متبادل انتظامات پر بھی غور کیا جائے گا۔
بارڈر پر موجود اسٹوڈنٹس کے لیے فوری احکامات جاری کیے جائیں گے۔
پیدل مارچ روکنے کے فیصلے پر حکومت زائرین سے معذرت خواہ ہے۔
زائرین کے مسائل کے حل کے لیے مستقل رابطہ کمیٹی قائم کی جائے گی۔
ایم ڈبلیو ایم کے وائس چیئرمین مولانا احمد اقبال رضوی نے اعلان کیا کہ کاروانِ عزاداری کو مؤخر کیا جا رہا ہے اور حکومت کے ساتھ ہونے والے معاہدے پر مکمل اعتماد ہے۔
انہوں نے کہا کہ تمام مسلمان نواسہ رسولؐ امام حسینؑ سے عقیدت رکھتے ہیں، اور یہ سفر، خواہ ہوائی، بحری یا زمینی، تاقیامت جاری رہے گا۔
انہوں نے گورنر سندھ کا شکریہ ادا کرتے ہوئے کہا کہ انہوں نے ثالثی میں کلیدی کردار ادا کیا۔ زائرین کے مطالبات میں ویزہ توسیع، ہوائی سفر میں رعایت، اور خرچ شدہ رقوم کی واپسی شامل تھے، جن پر حکومت نے یقین دہانی کرائی ہے۔
طلال چوہدری کا کہنا تھا کہ حکومت اس سال کے مخصوص حالات کو مدنظر رکھتے ہوئے یہ فیصلہ کرنے پر مجبور ہوئی تاہم آئندہ زائرین کے سفر میں کسی قسم کی پابندی نہیں ہوگی۔
.ذریعہ: Express News
کلیدی لفظ: ایم ڈبلیو ایم زائرین کے انہوں نے کے لیے کہا کہ
پڑھیں:
ڈبلیو پی سی اے کے زیراہتمام کنزا انڈر۔19 بوائزاینڈ گرلز کرکٹ چمپئین شپ
data-id="863a0a8" data-element_type="widget" data-widget_type="theme-post-content.default">
جدہ (سید مسرت خلیل) ویسٹرن پروانس کرکٹ ایسوسی ایشن کے زیراہتمام کنزا مشربات بنانے والوں کے تعاون سے کنزا انڈر۔ 19 بوائز اینڈ گرلز کرکٹ چمپئین شپ کا آغاز جمعہ 12 ستمبر2025 سے ڈبلیو پی سی اے گرؤنڈز پرہورہا ہے۔ اس کا اعلان ڈبلیو پی سی اے ایگزیکیٹو کمیٹی نے اپنے ایک اجلاس میں کیا جو کبابش ریسٹورینٹ میں منعقد ہوا۔ اجلاس میں ڈبلیو پی سی اے کےسینئرنائب صدر الیاس مصطفیٰ، جنرل سکریٹری سہیل شاہ ممبران ماجد صدیقی، رفیع اللہ، خلیل ڈاؤد، زبیر، ظفر، ڈاکٹرضیاءالدین اوردیگرنے شرکت کی۔ ٹورنامنٹ کے چیف کواردینیٹرجاوید احمد، انٹرنیشنل امپائر کاشف مرزا ، ڈاکٹر ضیاء الدین، اسپانسرز اور ٹیموں کے کوچیز، منیجرزاور کیپٹنز نے شرکت کی۔ ناظم تقریب ڈاکٹر ضیاء الدین نے تمام حاضرین کا استقبال کیا اور بتایا کہ ڈبلیو پی سی اے پہلے بھی یہ ٹورنامنٹس آرگنائز کی چکی ہے لیکن یہ پہلا موقع ہے کہ اس ٹورنامنٹ کو سعودی عربین کرکٹ فیڈریشن (ایس اے کے ایف) کی اور تائید اور سرپرستی بھی حاصل ہے۔ انھوں کہا ٹورنامنٹ میں کل 8 ٹیمیں کھیل رہی ہیں۔ جس میں بوائز کی 6 ٹیمیں اور گرلز کی 2 ٹیمیں ہیں۔ آتھ ہفتوں پرمحیط اس ٹورنامنٹ میں ہرہفتہ 3 میچز کھیلے جائینگے۔ ٹورنا منٹ میں پاکستان انٹرنیشنل اسکول جدہ (پی آئی ایس جے) العزیزیہ بوائز کی دو ٹیمیں اورگرلز کی ایک ٹیم ہے۔ پی آئی ایس جے رحاب بوائز کی یک ٹیم ہے۔ انڈین انٹرنیشنل اسکول جدہ ( آئی آئی ایس جے بوائزکی دو اورگرلزکی ایک ٹیم ہے۔ اس کے علاوہ الواحہ کی ایک ٹیم بوائزکی ہے۔ گرلزکی دو ٹیموں کے درمیان بیسٹ آف تھری کی بنیاد پرمیچیزہونگے جس ٹیم کے زیادہ پوائنٹس ہونگے وہ چمپئین قرار پائی گی۔ جبکہ بوائز کے درمیان راؤند رابن لیگ کی بنیاد پر مقابلہ ہوگا۔ سرفہرست دو ٹیمیں فائنل کھیلیں گی، ڈاکٹر ضیاء نے ٹائٹل اسپانسر شپب کے کنزا کے نمائندے ندیم صادق، اور کو اسپانسرز انڈومی کے یاسرعرفات، شاداب ریسٹورینٹ اور تکہ بائٹز کا تعاون کرنے پر شکریہ ادا کیا۔ معروف کرکٹراور ڈبلیو پی سی اے کے خیرخواہ ندیم سعد الندوی نے نقد انعامات دینے کا اعلان کیا۔ تقریب یوتھ ڈویلپمنٹ انچارج اورٹورنامنٹ چیف کواڈینیٹر جاوید احمد اور کاشف مرزا نے بھی خطاب کیا۔ تقریب کے آخر میں کھلاڑیوں میں کٹس بھی تقسیم کی گئی۔
ویٹ پالیسی پر صوبوں سے مشاورت شروع، اوزون بچانا انسانیت کا فریضہ: مریم نواز