اسلامی نظام زندگی ملک میں قائم کرنا ہمارا مقصد ہے،جاوید قصوری
اشاعت کی تاریخ: 3rd, February 2025 GMT
لاہور (وقائع نگارخصوصی) امیر جماعت اسلامی پنجاب محمد جاوید قصوری نے کہا ہے کہ جمعیت طلبہ عربیہ کا قافلہ درحقیقت اسلام کے غلبے کے لئے پوری قوت کے ساتھ آگے بڑھ رہا ہے۔ اسلام کو بطور نظام زندگی کو قائم کرنا ہمارا اولین مقصد ہے۔اللہ کے نزدیک زندگی گزارنے کا ایک ہی طریقہ ہے اور وہ اسلام ہے۔ اسلامی نظام زندگی کو چھوڑ کر کسی او ر نظام کی طرف دیکھنا اللہ اور اس کے رسول ﷺ کے ساتھ غداری کے مترادف ہے۔اسلام ایک مکمل نظام ہے، ملک کے اندر اسلام کے عدل کو قائم کرنا ہوگا۔ ان خیالات کا اظہارانہوں نے منصورہ میں جمعیت طلبہ عربیہ کے کنونشن سے خطاب کرتے ہوئے کیا۔ انہوں نے کہا کہ جو دین آپ کے لے کر آئے تھے وہ اس دنیا میں غالب ہونے کے لئے آیا ہے۔انبیا اکرام نے جو راستہ اختیار کیا اسی راستے میں فلاح ہے۔ ہمارے سامنے منزل واضح ہے کہ اللہ کی دی ہوئی زندگی پر انسانوں کے بنائے ہوئے نظام کو ختم اور دین حق کو قائم کریں۔ غلبے کی یہ جدوجہد مایوسی سے نہیں بلکہ ایمان کے جذبے کے ساتھ آگے بڑھے گی۔یورپ پریشان ہے کہ اس کو اگر کسی کا خدشہ ہے تو سید ابواعلیٰ مودودیؒ کی تحریک سے ہے۔ان کا کہنا تھا کہ اسلام کے چہرے کو مسخ کرنے کے لئے ہونے والے پروپیگنڈے کا مقابلہ اپنی شخصیت کی پختگی سے ہی ممکن ہے۔دنیا کے باطل نظام ایک ایک کرکے مٹ رہے ہیں۔ بنگلا دیش حسینہ واجد کے ظلم و ستم سے پاک ہو چکا ہے۔ ہر زنجیر کوایک ایک کرکے توڑ دیں گے۔ ہمیں فرقوں میں نہیں پڑنا، ہم اللہ کے نظام کے لئے جدوجہد کریں گے۔انہوں نے ملک کی موجودہ سیاسی صورتحال پر گفتگو کرتے ہوئے کہا کہ عوام کو جعلی مینڈیٹ اور فارم 47پر بنی حکومت سے خیر کی توقع نہیں۔ حکمرانوں کی ملک و قوم کو بند گلی میں دھکیلنے کی کوشش نا قابل فہم اور مایوس کن امر ہے، ایک دوسرے کے مینڈیٹ کا احترام کرنا ہو گا۔فارم 47والے پاکستان کودرپیش مشکلات میں اضافہ کر رہے ہیں۔یوں محسوس ہوتا ہے کہ جیسے کسی کو بھی عوام کے مسائل کے حل سے کوئی غرض نہیں اور نہ ہی قومی سلامتی اور عزت و وقار کی قدر ہے۔ملکی حالات دن بدن ابتر ہوتے چلے جا رہے ہیں۔محمد جاوید قصوری نے مزید کہا کہ 5فروری کو نہتے اورمظلوم کشمیری بھائیوں کے ساتھ اظہار یکجہتی کرتے ہوئے یوم یکجہتی کشمیر بھر پور انداز میں منایا جائے گا۔لاہور سمیت پورے صوبے میں ہر ضلع میں اہم مقامات پر احتجاجی ریلیاں، مظاہرے کیے جائیں گے۔
.ذریعہ: Jasarat News
پڑھیں:
شوبز انڈسٹری بدل گئی ہے، اب ڈرامے بنا کر خود کو لانچ کیا جارہا ہے، غزالہ جاوید کا انکشاف
سینئر اداکارہ غزالہ جاوید نے انکشاف کیا ہے کہ شوبز انڈسٹری میں وقت کے ساتھ بڑے پیمانے پر تبدیلیاں آئی ہیں، اب انڈسٹری میں لوگ پیسے لگا کر ڈرامے اور سیریلز بناتے ہیں تاکہ خود کو یا اپنی بچیوں کو لانچ کرسکیں۔
غزالہ جاوید نے حال ہی میں مزاحیہ پروگرام ’مذاق رات‘ میں شرکت کی، جہاں انہوں نے اپنے کیریئر اور شوبز انڈسٹری کے حوالے سے کھل کر گفتگو کی۔
اداکارہ نے بتایا کہ ماضی میں جب معروف فنکار معین اختر حیات تھے تو اس وقت انہیں کئی سیاسی جماعتوں کی جانب سے شمولیت کی پیشکشیں ہوئیں، متعدد لوگ ان کے گھر آئے اور انہیں اپنی سیاسی پارٹی میں شامل ہونے کی دعوت دی، تاہم معین اختر نے انہیں مشورہ دیا کہ کسی بھی سیاسی پارٹی کا حصہ نہ بنیں کیونکہ ایک فنکار سب کا ہوتا ہے، اس لیے وہ کسی ایک کا نہیں ہوسکتا۔
ان کے مطابق معین اختر نے کہا کہ فنکار کا دل اتنا بڑا ہوتا ہے کہ وہ سب سے پیار کرتا ہے اور سب اس سے محبت کرتے ہیں، اس لیے خود کو کبھی محدود نہ کریں۔
اپنے کیریئر کے آغاز کے حوالے سے غزالہ جاوید نے بتایا کہ اس وقت ڈراموں کا معیار بہت اعلیٰ تھا، پی ٹی وی پر مہینوں ریہرسل کی جاتی تھی، لیکن وہ اتنی محنت کرنے کی خواہش مند نہیں تھیں، اسی لیے چند سیریلز کرنے کے بعد انہوں نے فیصلہ کیا کہ ڈراموں میں مزید کام نہیں کریں گی۔
اداکارہ کے مطابق ایک موقع پر معین اختر نے انہیں مزاحیہ اسکٹ میں کام کرنے کی پیشکش کی، لیکن انہوں نے انکار کردیا کیونکہ وہ ڈرتی تھیں کہ اتنے بڑے فنکار کے سامنے ان کی کوئی حیثیت نہیں ہوگی اور وہ زیادہ محنت بھی نہیں کرنا چاہتی تھیں، تاہم بعد میں وہ راضی ہوگئیں۔
ان کا یہ بھی کہنا تھا کہ آج کل لوگ پیسے دے کر انڈسٹری میں آرہے ہیں، ڈرامے اور سیریلز بنارہے ہیں تاکہ خود کو یا اپنی بچیوں کو لانچ کرسکیں۔
انہوں نے بتایا کہ ماضی میں شوبز میں آنے پر گھر والے اعتراض کرتے تھے اور واویلا مچ جاتا تھا، لیکن آج کل وہی لوگ چاہتے ہیں کہ اگر کوئی جاننے والا شوبز میں ہے تو وہ اس کے ذریعے کام حاصل کرلیں۔
اداکارہ کے مطابق اب جو نئی اداکارائیں آرہی ہیں وہ زیادہ تعلیم یافتہ ہیں اور انہیں پرانی نسل کی طرح پابندیوں کا سامنا بھی نہیں کرنا پڑتا۔
ڈکی بھائی کیخلاف جوئے کی ایپ کی تشہیر کے مقدمے میں اہم پیشرفت