پیپلز بس سروس کے کرایوں میں اضافہ
اشاعت کی تاریخ: 3rd, February 2025 GMT
کراچی کے شہریوں کے لیے سفری سہولت فراہم کرنے والی پیپلز بس سروس کے کرایوں میں اچانک اور نمایاں اضافہ کردیا گیا ہے۔ مختلف روٹس پر کرایوں میں 20 سے 60 فی صد تک اضافے نے متوسط اور کم آمدنی والے طبقے کی مشکلات میں مزید اضافہ کر دیا ہے۔ شہری پہلے ہی مہنگائی، بجلی کے بلوں میں اضافے اور دیگر معاشی مسائل سے نبرد آزما ہیں، ایسے میں عوامی سفری سہولت کا مہنگا ہونا ایک سنگین معاشی بوجھ ثابت ہوگا۔ عوام کا یہ کہنا بجا ہے کہ یکمشت 30 روپے کرایہ بڑھانا زیادتی کے مترادف ہے۔ یہاں یہ امر بھی غور طلب ہے کہ مئی 2024 میں سندھ کابینہ نے پیپلز بس سروس کا کرایہ 50 روپے برقرار رکھنے کا اعلان کرتے ہوئے سبسڈی کے طور پر 29 کروڑ روپے جاری کرنے کی منظوری دی تھی۔ مزید یہ کہ جنوری سے جون 2024 تک بس سروس کے کرایے کے لیے حکومت نے تقریباً 58 کروڑ روپے کی سبسڈی مختص کی، جس میں سے آدھی رقم جاری بھی ہو چکی ہے۔ اس پس منظر میں کرایوں میں اضافے کا جواز سمجھ سے بالاتر ہے۔ یہ فیصلہ عوام کے لیے تکلیف دہ اور غیر منصفانہ معلوم ہوتا ہے۔ حکومت کو چاہیے کہ وہ اس فیصلے پر نظرثانی کرے اور سبسڈی کے عمل کو شفاف بناتے ہوئے عوام کو ریلیف فراہم کرے۔ حکومت اور متعلقہ اداروں کو یہ سمجھنا ہوگا کہ پبلک ٹرانسپورٹ صرف ایک سہولت نہیں بلکہ لاکھوں افراد کے روزگار اور روز مرہ زندگی کا لازمی جزو ہے۔ ایسے فیصلے عوامی مشکلات میں کمی کے بجائے ان میں مزید اضافے کا سبب بنیں گے، جو کسی طور پر بھی مناسب نہیں۔
.ذریعہ: Jasarat News
کلیدی لفظ: کرایوں میں
پڑھیں:
سعودی عرب کی جانب سے غزہ پر اسرائیلی جارحیت کی شدید مذمت
سعودی عرب نے غزہ میں اسرائیلی افواج کی بڑھتی ہوئی جارحیت اور فلسطینی عوام کے خلاف جاری جرائم کی سخت الفاظ میں مذمت کی ہے۔
سعودی وزارت خارجہ کی جانب سے جاری بیان میں کہا گیا ہے کہ عالمی برادری کی خاموشی اس مجرمانہ روش کو مزید تقویت دے رہی ہے، جو نہ صرف بین الاقوامی قوانین بلکہ بنیادی انسانی اصولوں کی بھی کھلی خلاف ورزی ہے۔
مزید پڑھیں: سعودی عرب کا لکسمبرگ کے ریاستِ فلسطین تسلیم کرنے کے اعلان کا خیرمقدم
بیان میں خبردار کیا گیا ہے کہ اسرائیل کی اس پالیسی کے تسلسل سے غزہ کے عوام اور باسیوں کو سنگین خطرات لاحق ہیں۔ سعودی وزارت خارجہ نے اقوام متحدہ کی سلامتی کونسل پر زور دیا ہے کہ اسرائیلی جنگی مشین، قتل و غارت، بھوک اور جبری ہجرت کو روکنے کے لیے فوری اور مؤثر فیصلے کیے جائیں۔
مزید کہا گیا ہے کہ فلسطینی عوام کو تحفظ فراہم کرنا اور اسرائیلی قابض افواج کو عالمی قوانین کا پابند بنانا ناگزیر ہے، تاکہ انسانی جانوں کا تحفظ ممکن بنایا جا سکے اور اجتماعی نسل کشی و جبری ہجرت جیسے مظالم کا خاتمہ یقینی ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اجتماعی نسل کشی اسرائیل اسرائیلی افواج سعودی عرب غزہ
سیلاب سے سینکڑوں بستیاں زیر آب، لاکھوں افراد بے گھر، ملتان کیلئے دو دن انتہائی اہم