ریسکیو 1122 ڈیرہ اسماعیل خان کی ماہ جنوری کی کارکردگی رپورٹ جاری
اشاعت کی تاریخ: 3rd, February 2025 GMT
ریسکیو 1122 ڈیرہ اسماعیل خان کی ماہ جنوری کی کارکردگی رپورٹ جاری WhatsAppFacebookTwitter 0 3 February, 2025 سب نیوز
ڈیرہ اسماعیل خان (محمد ریحان ) ریسکیو 1122 ڈیرہ نے ماہ جنوری 2025 کی ماہانہ کارکردگی رپورٹ جاری کردی ،ڈائریکٹر جنرل ریسکیو1122 خیبرپختونخوا ڈاکٹر آیاز خان، ریجنل ڈائریکٹر آپریشنز سائوتھ عمران خان یوسفزئی کی سربراہی میں اور ڈسٹرکٹ ایمرجنسی آفیسر انجینئر فصیح اللہ کی نگرانی میں ریسکیو 1122 ڈیرہ اسماعیل خان نے ماہ جنوری میں کل 882 مختلف نوعیت کے حادثات میں بروقت رسپانس کرتے ہوئے ایمرجنسی میں سروسز فراہم کیں.
ریسکیو 1122 ڈیرہ کو 2025 کے پہلے مہینے کے دوران مجموعی طور پر 100285 فون کالز موصول ہوئی جن میں سے 68924 غیر ضروری اور فیک کالز اور 30479 معلوماتی و ادھوری فون کالز شامل تھیں۔ ریسکیو1122ڈیرہ کے ترجمان اعزاز محمود کی جاری رپورٹ کے مطابق ماہ جنوری 2025 کے دوران ریسکیو 1122 ڈیرہ نے 651 میڈیکل، 183 روڈ ٹریفک حادثات، 15 آگ لگنے کے واقعات، 14 لڑائی جھگڑے اور گولی لگنے، 02 ڈوبنے کے واقعات اور 17 ریکوری و دیگر واقعات پر بروقت رسپانس کرتے ہوئے مجموعی طور پر 851 مریضوں کو باحفاظت ہسپتال منتقل کیا اور موقع پر ابتدائی طبی امداد فراہم کی.
اس کے علاوہ ریسکیو 1122 ڈیرہ نے ماہ جنوری 2025 میں انٹرا ہاسپٹل ریفرل سروسز کے ذریعہ سے کل 98 ایمرجنسیوں پر رسپانس کرتے ہوئے 89 مریضوں کو اندرون ضلع،ضلع بھر کی مختلف تحصیل کے ہسپتالوں سے ڈی ایچ کیو ڈیرہ منتقل کیا جبکہ 9 واقعات میں ڈی ایچ کیو ڈیرہ سے ملتان، پشاور اور اسلام آباد منتقل کیا گیا۔ اس دوران کل 101مریض ریسکیو 1122ریفرل سروس سے مستفید ہوئے.ڈسٹرکٹ ایمرجنسی آفیسر انجینئر فصیح اللہ کی قیادت میں ریسکیو1122 ڈیرہ اسماعیل خان کی ٹریننگ ونگ ٹیم نے گزشتہ ماہ مختلف محکموں اور تعلیمی اداروں میں 396سے زائد افراد کو ریسکیو 1122 کے متعلق شعور و آگاہی کی بیداری سمیت، ابتدائی طبی امداد، آگ سے بچا ئو اور حفاظتی تدابیر سمیت مختلف اہم نکات پر تربیت فراہم کی ،ماہ جنوری 2025کے دوران ریسکیو1122 ڈیرہ کا اوسط رسپانس ٹائم سات منٹ 15 سیکنڈ رہا۔
ذریعہ: Daily Sub News
کلیدی لفظ: ڈیرہ اسماعیل خان ریسکیو 1122 ڈیرہ ماہ جنوری
پڑھیں:
دکی، کوئلہ کان میں پھنسے تین کانکنوں کی تلاش جاری، ایک لاش نکال لی گئی
ریسکیو ذرائع کے مطابق معراج کول ایریا میں پیش آنے والے حادثے میں پھنسے چار کانکنوں میں سے ایک کانکن کی لاش نکال لی گئی ہے۔ اس سے قبل ایک کانکن کو زندہ بچا لیا گیا تھا۔ اسلام ٹائمز۔ بلوچستان کے ضلع دکی میں کوئلہ کان میں حادثے کا شکار ہونے والے ایک کانکن کی لاش نکال لی گئی، جبکہ تین کانکن تاحال پھنسے ہوئے ہیں۔ ریسکیو ذرائع کے مطابق معراج کول ایریا میں پیش آنے والے حادثے میں پھنسے چار کانکنوں میں سے ایک کانکن کی لاش نکال لی گئی ہے۔ اس سے قبل ایک کانکن کو زندہ بچا لیا گیا تھا۔ ذرائع کے مطابق جانبحق کانکن کی شناخت نصب اللہ ولد محلج عرف حاجی شمس اللہ کے نام سے ہوئی ہے، جو موسیٰ خیل کا رہائشی ہے۔ کان میں تین کانکن پھنسنے ہوئے ہیں۔ جنہیں نکالنے کے لئے ریسکیو آپریشن جاری ہے۔
پاکستان نے تاریخ میں پہلی بار 1046 ارب روپے کے ترقیاتی اخراجات کیے، ترقیاتی اہداف کامیابی سے حاصل کر لئے ، وفاقی وزیر احسن اقبال