مقبوضہ کشمیر؛ سری نگر میں آرمی چیف جنرل عاصم منیر اور وزیراعظم کے پوسٹر لگ گئے
اشاعت کی تاریخ: 4th, February 2025 GMT
SRINAGAR:
مقبوضہ جموں و کشمیر کے دارالحکومت سری نگر سمیت مختلف علاقوں میں پاکستان کا شکریہ ادا کرتے ہوئے وزیراعظم شہباز شریف اور چیف آف آرمی اسٹاف جنرل عاصم منیر کی تصاویر کے ساتھ پوسٹر لگ گئے۔
کشمیر میڈیا سروس کی رپورٹ کے مطابق پاکستان دنیا بھر میں 5 فروری کو یوم یک جہتی کشمیر مناتے ہیں، جس کی تیاریاں جاری ہیں اور اسی طرح بھارت کے غیرقانونی قبضے میں جکڑے جموں و کشمیر میں سری نگر اور مختلف علاقوں میں ‘شکریہ پاکستان’ کے پوسٹر لگائے گئے ہیں۔
رپورٹ میں بتایا گیا کہ شکریہ پاکستان پوسٹر میں پاکستان کا سبز ہلالی پرچم بھی بنایا گیا ہے اور مقبوضہ وادی کے مختلف علاقوں میں لگائے گئے پوسٹرز کا مقصد مقبوضہ کشمیر کے تنازع پر بین الاقوامی سطح پر ہر فورم میں کشمیریوں کا ساتھ دینے اور ان کی آواز بننے پر شکریہ ادا کرنا ہے۔
پاکستان سمیت دنیا میں موجود تمام پاکستانی 5 فروری کو یوم یک جہتی کشمیر مناتے ہیں اور اس سلسلے میں ریلیوں اور تقاریب کا انعقاد کیا جاتا ہے، کشمیر غیرقانونی تسلط پر بھارت کے خلاف احتجاج بھی کرتے ہیں اور مقبوضہ وادی میں مذکورہ پوسٹرز چسپاں کرنے کے پیچھے یہی عمل کار فرما ہے۔
مقبوضہ وادی میں چسپاں کیے گئے ان پوسٹرز کے ذریعے کشمیریوں نے اپنے حق خود ارادیت اور بھارت جارحیت سے آزادی کے لیے جدوجہد جاری رکھنے کا عزم بھی ظاہر کردیا ہے کیونکہ سری نگر سمیت پورےخطے میں اس کا طرح کا عمل انتہائی مشکل ہے۔
یاد رہے کہ 5 فروری کو یوم یک جہتی کشمیر پہلی مرتبہ 1990 میں منایا گیا تھا اور اس وقت پوی پاکستانی سیاسی قیادت نے متفقہ طور پر مقبوضہ کشمیر کے عوام کے ساتھ یک جہتی کا اظہار کیا تھا۔
.ذریعہ: Express News
کلیدی لفظ: یک جہتی
پڑھیں:
نائب وزیراعظم اسحاق ڈار کی اقوام متحدہ کے سیکرٹری جنرل اور جنرل اسمبلی کے صدر سے اہم ملاقاتیں، بھارتی جارحیت پر تشویش کا اظہار
نائب وزیراعظم اسحاق ڈار نے نیویارک میں اقوام متحدہ کے سیکرٹری جنرل انتونیو گوتریس سے ملاقات کی جس میں پاکستان کے کثیرالجہتی تعاون کے عزم کا اعادہ کیا گیا ملاقات کے دوران اسحاق ڈار نے کہا کہ پاکستان اقوام متحدہ کے چارٹر اور اصولوں پر مکمل عمل پیرا ہے اور امن کے فروغ کیلئے بات چیت اور سفارتکاری کو واحد راستہ سمجھتا ہے سیکرٹری جنرل نے سلامتی کونسل میں پاکستان کے کردار کو سراہا اور بین الاقوامی سطح پر ملک کی کوششوں کی تعریف کی اس موقع پر اسحاق ڈار نے عالمی مسائل کے حل میں اقوام متحدہ کی قیادت کو سراہتے ہوئے باہمی تعاون جاری رکھنے کے عزم کا اظہار کیا اسحاق ڈار نے اقوام متحدہ کی جنرل اسمبلی کے صدر سے بھی ملاقات کی جس میں بھارتی جارحیت اور پاکستان کے خلاف غلط معلومات پر مبنی مہمات پر شدید تشویش کا اظہار کیا انہوں نے مطالبہ کیا کہ عالمی برادری بھارتی پراکسیز کے ذریعے پاکستان میں جاری دہشتگردی کا نوٹس لے اور اس مسئلے کو عالمی سطح پر اجاگر کرے واضح رہے کہ نائب وزیراعظم نے اقوام متحدہ کے پائیدار ترقی سے متعلق اعلیٰ سطحی سیاسی فورم میں بھی شرکت کی اور خطاب کے دوران اس بات پر زور دیا کہ پاکستان 2030 کے ترقیاتی ایجنڈے پر مکمل طور پر کاربند ہے انہوں نے کہا کہ دنیا کو اس وقت خوراک کے بحران اور موسمیاتی تبدیلی جیسے سنگین چیلنجز کا سامنا ہے اور ان سے نمٹنے کے لیے مشترکہ عالمی کوششوں کی ضرورت ہے اسحاق ڈار نے اڑان پاکستان پروگرام کو ملکی ترقی کا اہم منصوبہ قرار دیتے ہوئے بتایا کہ مستحق اور نادار بچوں کیلئے دانش سکولز قائم کیے جا رہے ہیں تاکہ تعلیمی میدان میں برابری کو یقینی بنایا جا سکے
آصف زرداری کبھی میدان نہیں چھوڑتے‘، صدر مملکت کے استعفے کی خبروں پر پیپلز پارٹی کا ردعمل