تین ممالک کی درآمدات پر محصولات عائدکرنے کے ٹرمپ حکم نامے دنیابھرمیں زیرِ بحث ہیں جن کی روسے رواں ماہ چارفروری سے میکسیکو اور کینیڈا سے امریکی کو بیچی جانے والی بیشتر اشیا پر پچیس جبکہ چین کے مال پر دس فیصد محصولات لگانے کافیصلہ کیا گیا مذکورہ حکم ناموں کو ایک بڑی تجارتی جنگ کا پیش خیمہ قرار دیا جا رہا ہے میکسیکو اور کینیڈا نے تو امریکی اشیاپر پچیس فیصد محصولات لگاکرسخت جواب دیدیا جبکہ چین نے عالمی اِدارہ تجارت سے رجوع کرنے ،جامع بات چیت پر آمادگی کے ساتھ جوابی اقدامات کا اعلان کیا یہ جوابی نرمی افہام و تفہیم کی طرف اِشارہ ہے مغربی ممالک ابھی تک ایسے کسی حکم نامے سے محفوظ ہیں البتہ ایساامکان موجود ہے کہ جلدہی رگڑے میں آجائیں شاید اسی لیے حفظ ِماتقدم کے طورپر یورپی کمیشن کے ترجمان نے امریکہ کو متنبہ کر دیا ہے کہ اتحاد میں شامل ممالک پراگر امریکہ نے محصولات عائدکیے تو جوابی اقدامات کریں گے ماہرین کا کہناہے کہ ٹرمپ نے بغیر کسی تیاری اور مشاورت کے محصولات میں اضافہ کیا ہے اسی بناپر میکسیکو پرعائد محصولات کو ایک ماہ کے لیے موخر کرنے کی نوبت آئی جبکہ کینیڈاکے وزیرِ اعظم اور میکسیکو کے صدر سے کسی معاہدے تک پہنچنے کے لیے مذاکرات کا سلسلہ بھی جاری ہے چین اور ہمسایہ ممالک کامحصولات سے متاثر ہونے کا امکان ہے مگر امریکی تجارت کا متاثر ہونابھی یقینی ہے اور پہلے امریکہ کاخواب شایدتشنہ رہے لیکن دنیا سے الگ تھلگ ہوسکتا ہے معاشی ،سیاسی اور تجارتی تنہائی امریکی معیشت کے لیے کسی طور سودمند ثابت نہیں ہو سکتی۔
بھاری بھرکم محصولات دنیاکو نئی سرد جنگ کی طرف لیجا سکتے ہیں مگر امریکی پالیسی سازدنیا کی دولت بٹورنے کی روش پر چلنے پر بضدہیں حالانکہ اب صرف روس ہی مدِ مقابل نہیں بلکہ کئی طاقتور معیشتیں ہیں اِس لیے ماضی کی نسبت چیلنجزبھی زیادہ ہیں ٹرمپ کے خیال میں اگرکینیڈا امریکہ کی 51 ویں ریاست بن جائے تو محصولات کا مسئلہ ختم ہوسکتاہے ظاہر ہے کوئی ملک اپنی قومی سلامتی پرسمجھوتہ نہیں کرسکتا سرحد پر کڑی پابندیوں کے باوجودمیکسیکو کی طرف سے بھی جواب میں نرمی کے کوئی آثارنہیں بلکہ دونوں ملک محصولات کے خلاف مل کر کام کرنے پر متفق نظرآتے ہیں وزیرِ اعظم جسٹن ٹروڈو نے عوام سے امریکہ کے سفر سے گریز اور اُس کی اشیا کے بائیکاٹ کی اپیل کرتے ہوئے بیئر،وائن ،لکڑی سمیت برقی آلات پر محصولات بڑھائے ہیں سب سے زیادہ آبادی والے صوبے انٹاریومیں امریکی شراب پر پابندی لگا ئی جا چکی ہے جس کی وجہ سے 155 ارب ڈالر کی مصنوعات براہ راست متاثر ہوسکتی ہیں میکسیکوکی صدر کلاڈیا شین بام نے بھی وزیرِ خزانہ کو جوابی اقدامات کاحکم دیا ہے تین ممالک پر بھاری محصولات عائد کرنے پر جو سب سے پہلا مذمتی بیان آیا ہے وہ یورپی یونین کا ہے جس نے نئے محصولات کی مذمت کی ہے جبکہ جاپان جیسے امریکہ کے قریبی اتحادی نے بھی تحفظات کااظہار کیا ہے یادرہے کہ دنیا کی سب سے بڑی دفاعی تنظیم نیٹو جس میں امریکی سمیت تمام یورپی ممالک شامل ہیں اِس تنظیم کے تین ارکان امریکہ ،فرانس اور برطانیہ کواقوامِ متحدہ کی سلامتی کونسل میں ویٹو کا حق حاصل ہے ٹرمپ اگراپنے حالیہ احکامات پربضدرہتے ہیں تو نہ صرف نیٹو کا مستقبل مخدوش ہو سکتا ہے بلکہ فرانس اور برطانیہ بھی امریکہ سے دورہوسکتے ہیں اِسی بناپر یہ کہنا بے جا نہ ہوگا کہ ٹرمپ حکمتِ عملی سے سب سے پہلے امریکہ متاثر ہوتا نظرآتاہے ۔
امریکہ اور چین کے مابین تجارتی و معاشی جنگ نئی نہیں بلکہ ایک عشرے سے جاری ہے امریکہ چینی تجارت و معیشت کومحدودکرناچاہتا ہے اِس حوالے سے ہر امریکی صدرکوشاں رہتاہے مگر کامیابی نہیں ہورہی لیکن ٹرمپ نے ضرورت سے کچھ زیادہ ہی سخت فیصلے کر دیئے ہیں ٹرمپ کی حکمتِ عملی سعودی عرب کی حد تک کارگر ثابت ہوئی ہے کہ وہ امریکہ میں چھ سو ارب ڈالر کی سرمایہ کاری کرنے کامنصوبہ بنارہا ہے جبکہ زیادہ دفاعی سازو سامان خریدنے کے مطالبے پربھارت سے بھی بہتر ردِ عمل آیا ہے جس نے نہ صرف امریکی موٹر سائیکلوں اور کاروں ہارلے،ڈیوڈسن ،ٹیسلا اورایپل سمارٹ فون پر محصولات کم کیے ہیں جس سے امریکی کمپنیوں کوفروغ ملے گابلکہ مالی سال 2025-26 کے بجٹ میں 6.
کینیڈاہمسایہ ہونے کے ساتھ گزشتہ کئی عشروں سے امریکہ کاقریبی تجارتی شراکت دار ہے جو اپنی کُل برآمدات کا اسی فیصد امریکہ کوبیچتاہے جس کی مالیت 410ارب ہوچکی ہے جبکہ میکسیکو نے گزشتہ برس دنیا کو کُل برآمد کیے سامان کا چوراسی فیصد امریکہ کو فروخت کیا جس کی مالیت 510 ارب ڈالر رہی 2023میں امریکہ نے تریسٹھ فیصد سبزیاں جبکہ پھلوں اور گری دار میوے کا نصف اور ایواکاڈوکی اسی فیصدضرورت میکسیکو سے پوری کی بھلے میکسیکو اور کینیڈا کے حق میں تجارتی توازن رہا لیکن امریکی شہریوں کو اشیا سستے داموں میسر رہیں جس کی وجہ سے ملک میں سیاسی استحکام دیکھنے میں آیا 920ارب ڈالر کی برآمدات کے باوجودیہ دونوں ممالک امریکی زرعی وصنعتی اشیا کے بڑے خریدار ہیں ہمسایہ ممالک سمیت چین جیسے دنیا کے سب سے بڑے تجارت کنندہ پر محصولات کے ذریعے امریکہ نے دبائو بڑھایا ہے لیکن جواب میں محصولات لگنے سے امریکہ میں مہنگائی بڑھے گی جو نہ صرف سیاسی عدمِ استحکام کوجنم دے گی بلکہ عالمی سطح پر معاشی وسیاسی نقصان بھی یقینی ہے۔ دوسری طرف چین وہ دنیا کے تنازعات میں براہ راست ملوث ہونے سے گریز کرتا ہے مصنوعی زہانت میں امریکی بالادستی کوہزیمت دے چکا ہے ایران اور سعودی عرب میں تعلقات کی بحالی کے کردارسے مشرقِ وسطیٰ کابھی ایک اہم فریق بن چکا اِس لیے امریکی منڈی کا متبادل اُس کے لیے کوئی مشکل نہیں اِس بناپر کہا جا سکتا ہے کہ امریکہ کی طرف سے چھیڑی گئی تجارتی جنگ سے چین توشاید متاثرنہ ہوبلکہ عین ممکن ہے ٹرمپ محصولات سے دنیا میں ایک بار پھر سرد جنگ کا ماحول تو بن جائے لیکن امریکی بالادستی کا خواب مکمل نہ ہو سکے۔
ذریعہ: Nai Baat
کلیدی لفظ: پر محصولات سے امریکہ ہیں ا س کے لیے کی طرف
پڑھیں:
وینیزویلا پر حملہ کر کے مجھے اقتدار دیں، نوبل امن انعام یافتہ خاتون کی امریکہ کو دعوت
امریکی چینل بلومبرگ سے گفتگو میں نوبل انعام یافتہ اپوزیشن لیڈر نے کہا کہ مادورو پر دباؤ بڑھانا اور عسکری راستہ ہی اس کو اقتدار چھوڑنے پر مجبور کر سکتا ہے۔ یہ بیانات اس وقت سامنے آئے ہیں جب امریکی بحری افواج وینیزویلا کے قریب سرگرم ہیں اسلام ٹائمز۔ عالمی نوبل امن انعام یافتہ وینیزویلائی اپوزیشن رہنما ماریا کورینا ماچادو نے انعام حاصل کرنے کے کچھ ہی ہفتوں بعد اپنے ملک کے صدر نیکولاس مادورو کے خلاف فوجی حملے کی کھلی وکالت کی ہے۔ انہوں نے امریکی چینل بلومبرگ سے گفتگو میں کہا کہ مادورو پر دباؤ بڑھانا اور عسکری راستہ ہی اس کو اقتدار چھوڑنے پر مجبور کر سکتا ہے۔ یہ بیانات اس وقت سامنے آئے ہیں جب امریکی بحری افواج وینیزویلا کے قریب سرگرم ہیں اور میڈیا نے ممکنہ امریکی ہوائی حملوں کی خبریں دی ہیں۔ اگرچہ امریکی وزیر خارجہ مارکو روبیو نے ایسی خبروں کو جعلی قرار دیا۔ تاہم منشیات کی اسمگلنگ کے خلاف کارروائی کے بہانے امریکی فوجی تحرکات میں اضافہ جاری ہے۔
ماچادو ڈونلڈ ٹرمپ اور بنیامین نتن یاہو سے قریبی تعلقات رکھتی ہیں۔ انہوں نے نوبل انعام ملنے کے بعد دونوں رہنماؤں سے بات کی اور حتیٰ کہ ٹرمپ کو انعام پیش کرنے کی پیشکش بھی کی۔ انہوں نے ایک انٹرویو میں بالواسطہ طور پر واشنگٹن کو پیغام دیا کہ اگر مادورو کے خاتمے میں مدد کی جائے تو امریکہ کو وینیزویلا کے قدرتی وسائل تک رسائی دی جا سکتی ہے۔ انہوں نے مزید کہا کہ مادورو حکومت کے "خاتمے کے بعد ابتدائی 100 گھنٹوں" کے لیے ان کے پاس مکمل منصوبہ موجود ہے، اور عوام مناسب موقع پر سڑکوں پر نکلیں گے۔ اس طرح، ماچادو نے خود کو مادورو کے بعد وینیزویلا کی ممکنہ سیاسی جانشین کے طور پر پیش کیا ہے۔
غزہ میں اسرائیلی جنگی جرائم سے متعلق 16 ہزار دستاویزات ریکارڈ