بالی ووڈ اب ساؤتھ انڈین ادکاراؤں کے ساتھ فلمیں بنانے پر کیوں مجبور ہے؟
اشاعت کی تاریخ: 6th, February 2025 GMT
بالی ووڈ میں حالیہ برسوں میں کئی نئے رجحانات سامنے آئے ہیں، جن میں سے ایک جنوبی بھارتی اداکاروں جیسے، سمانتھا، نیانتھرا، رشمیکا مندنا اور پرابھاس سمیت دیگر اداکاروں کی ہندی فلموں میں بڑھتی ہوئی کاسٹنگ ہے۔
بھارتی میڈیا کی ایک رپورٹ کے مطابق پہلے صرف جنوبی بھارتی فلموں کا ری میک بالی ووڈ میں عام تھا مگر اب دیکھتے ہی دیکھتے اداکاروں نے بھی بالی ووڈ میں اپنی جگہ بنا لی ہے جس کی وجہ سے بالی ووڈ اداکاروں کا کیرئیر خطرے میں پڑ گیا ہے۔
اس حوالے سے تیلگو فلم انڈسٹری کے معروف اداکار این ٹی آر جونیئر کا کہنا ہے کہ جنوبی بھارتی فلمیں انتہائی منظم طریقے سے بنتی ہیں۔ اگر فلم کے فائنل پرنٹس اگلے دن درکار ہوں تو ٹیم کو اضافی وقت دے دیا جاتا ہے تاکہ آخری لمحے تک ضروری ترامیم کی جا سکیں۔
View this post on InstagramA post shared by N A Y A N T H A R A (@nayanthara)
ساؤتھ کی مشہور اداکارہ نین تھارا، جنہیں اپنی انڈسٹری کی ’لیڈی سپر اسٹار‘ کہا جاتا ہے، نے شاہ رخ خان کی فلم ’جوان‘ سے بالی وُڈ میں قدم رکھا۔ فلم کی کامیابی کے بعد ایک انٹرویو میں انہوں نے کہا، ’شاہ رخ خان نے میری بالی ووڈ میں انٹری کو آسان بنایا۔ میں نے ’جوان‘ صرف اس لیے کی کیونکہ میں شاہ رخ خان سر سے محبت کرتی ہوں۔‘
دوسری جانب ایس ایس راجہ مولی کی فلم ’باہوبلی‘ نے نہ صرف اپنے مرکزی اداکاروں پرابھاس اور رانا دگوبتی کو شہرت دی بلکہ بھارتی سنیما کے عمومی تصور کو بھی تبدیل کرنے میں اہم کردار ادا کیا۔
View this post on InstagramA post shared by Prabhas (@actorprabhas)
رانا دگوبتی نے بتایا کہ ’پہلے پانچ سال میں ممبئی میں لوگوں کو یہ سمجھانے میں لگا رہا کہ میں چنئی سے نہیں بلکہ حیدرآباد سے ہوں، کیونکہ وہ ان دونوں میں زیادہ فرق نہیں جانتے تھے۔ پھر تیلگو پروڈیوسرز کو اس بات پر قائل کرنا تھا کہ ہندی میں بھی فلمیں بنائی جا سکتی ہیں‘۔
اس کے بعد ’باہوبلی‘ اور ’غازی‘ جیسی فلمیں آئیں، جنہوں نے دونوں انڈسٹریز کے درمیان حائل رکاوٹیں ختم کر دیں اور جنوبی بھارتی اداکاروں کو بھی بالی ووڈ میں مواقع ملنا شروع ہوئے۔ سوشل میڈیا پر بھی اب جنوبی بھارتی اداکاروں کے خوب چرچے ہورہے ہیں۔
.ذریعہ: Express News
کلیدی لفظ: جنوبی بھارتی بالی ووڈ میں
پڑھیں:
اسرائیلی پاور پلانٹ سے زہریلی گیس کا اخراج، شہری گھروں محصور ہونے پر مجبور
تل ابیب(انٹرنیشنل ڈیسک) اسرائیل کے اشالیم پاور پلانٹ میں ایک بڑے تکنیکی نقص کے باعث زہریلی گیس کے اخراج نے رامات نیگیو کے شہریوں کو گھروں میں محصور کر دیا ہے، جس کے نتیجے میں عوام میں شدید غصہ اور اسرائیلی حکام کی کارکردگی پر سوالات اٹھنے لگے ہیں۔
ایرانی میڈیا کے مطابق اشالیم تھرمل-سولر پاور اسٹیشن میں ایندھن کے نظام اور قریبی صنعتی تنصیبات میں اچانک خرابی کے باعث مہلک گیسیں خارج ہوئیں جو رامات نیگیو کے اردگرد پھیل گئیں۔
واقعے کو 24 گھنٹے گزرنے کے باوجود، مقامی اور سوشل میڈیا پر شہریوں نے شکایت کی ہے کہ اسرائیلی وزارت توانائی ابھی تک خرابی کے اصل منبع کا سراغ لگانے میں ناکام رہی ہے۔
اسرائیلی حکام نے مسلسل شہریوں کو گھروں میں رہنے کی ہدایت جاری رکھی ہے۔
اشالیم پاور پلانٹ، جو شمسی اور تھرمل ٹیکنالوجی کا امتزاج ہے، میں تیل پر مبنی ایندھن کے نظام میں سنگین تکنیکی رکاوٹ پیش آئی۔
واقعے کے تقریباً 36 گھنٹے بعد وزارت توانائی نے تاخیر سے ایک عوامی معذرت جاری کی اور شہریوں کو اب بھی گھروں سے باہر نہ نکلنے کی ہدایت دی تاکہ وہ ممکنہ طور پر نقصان سے محفوظ رہ سکیں۔
Post Views: 2
علی گنڈاپور صادق و امین نہیں رہے، وزیراعلیٰ پختونخوا کیخلاف مقدمے کی درخواست