بزنس کمیونٹی کی سہولت کیلئے غیر ضروری رکاوٹیں ختم کرنے کی ضرورت ہے، قائمقام صدر سید یوسف رضا گیلانی
اشاعت کی تاریخ: 6th, February 2025 GMT
اسلام آباد (اُردو پوائنٹ اخبارتازہ ترین - اے پی پی۔ 06 فروری2025ء) قائمقام صدر مملکت سید یوسف رضا گیلانی نے بزنس کمیونٹی کی سہولت کیلئے غیر ضروری رکاوٹیں ختم کرنے کی ضرورت پر زور دیتے ہوئے کہا ہے کہ خصوصی سرمایہ کاری سہولت کونسل سرمایہ کاروں کو ون ونڈو سہولت فراہم کر رہی ہے۔ ایوان صدر کے پریس ونگ سے جاری بیان کے مطابق قائمقام صدر نے ان خیالات کا اظہار جمعرات کو یہاں نجی ہوٹل کے ریسٹورنٹ کی افتتاحی تقریب سے خطاب کرتے ہوئے کیا۔
تقریب میں اراکین پالیمنٹ، ممتاز تاجروں اور دیگر اہم شخصیات نے شرکت کی۔ قائمقام صدر مملکت نے کہا کہ پاکستان کے نجی شعبے میں ترقی کی بڑی صلاحیت موجود ہے، ملک میں سرمایہ کاری کے فروغ کیلئے کاروباری برادری کو سہولیات دینا ہوں گی۔(جاری ہے)
قائمقام صدر نے کہا کہ پاکستان کی ثقافت ایک الگ پہچان کی حامل ہے ، پاکستان کے پکوان دنیا بھر میں مقبول ہیں، مل کر پاکستان کو ایک پرکشش سیاحتی مقام بناسکتے ہیں۔
انہوں نے کہا کہ بطور وزیر سیاحت ملک کے سیاحتی شعبے کو انڈسٹری کا درجہ دیا جبکہ ماضی میں بطور وزیر اور وزیر اعظم اسلام آباد میں مختلف منصوبے مکمل کیے۔ قائمقام صدر مملکت نے کہا کہ بزنس کمیونٹی کی حوصلہ افزائی کی ضرورت ہے، بطور وزیر ہائوسنگ ملک کے تعمیراتی شعبے کی ترقی کیلئے مختلف اقدامات کیے ہیں۔ انہوں نے کہا کہ ملک میں سرمایہ کاری کو فروغ دینے کے لیے تاجر برادری کو سہولیات کی فراہمی ناگزیر ہے، اس اقدام کے نتیجے میں پاکستان میں نجی شعبے کی ترقی کے بے پناہ امکانات ہیں۔ سید یوسف رضا گیلانی نے پاکستانی کھانوں کو عالمی سطح پر مقبول قرار دیتے ہوئے کہا کہ ملک کی ثقافت بھی ایک منفرد شناخت رکھتی ہے۔ قائم مقام صدر نے تاجر برادری کو حوصلہ افزائی کیلئے غیر ضروری رکاوٹوں کو دور کرنے کی ضرورت پر بھی زور دیا۔ اس موقع پر خطاب کرتے ہوئے سینٹورس گروپ کے سی ای او اور اسلام آباد چیمبر آف کامرس اینڈ اینڈسٹری کے سابق صدر سردار یاسر الیاس نے کہا کہ ملک کے پہلے 6 سٹار لگژری ہوٹل کا اسلام آباد میں افتتاح کر دیا گیا ہے جو 380 کمروں پر مشتمل اور جدید سہولیات سے آراستہ ہے۔ انہوں نے کہا کہ ہوٹل کے 2 ریسٹورنٹس کا آج افتتاح کیا گیا۔ انہوں نے تقریب میں بطور مہمان خصوصی شرکت پر قائمقام صدر مملکت سید یوسف رضا گیلانی کا شکریہ ادا کیا۔.ذریعہ: UrduPoint
کلیدی لفظ: تلاش کیجئے سید یوسف رضا گیلانی قائمقام صدر مملکت اسلام آباد نے کہا کہ کی ضرورت انہوں نے
پڑھیں:
آبادی میں اضافہ اور موسمیاتی تبدیلی جیسے بڑے چیلنجوں سے نمٹنے کے لئے نجی شعبے کے تعاون کی ضرورت ہے،محمد اورنگزیب
واشنگٹن (اُردو پوائنٹ اخبارتازہ ترین - اے پی پی۔ 23 اپریل2025ء) وفاقی وزیر خزانہ و محصولات سینیٹر محمد اورنگزیب نے کہا ہے کہ آبادی میں اضافہ اور موسمیاتی تبدیلی جیسے بڑے چیلنجوں سے نمٹنے کے لئے نجی شعبے کے تعاون کی ضرورت ہے، پاکستان میں غیر ملکی سرمایہ کاری کا خیرمقدم کریں گے۔ انہوں نے یہ بات گزشتہ روز امریکا میں پاکستانی سفارت خانہ میں عالمی مالیاتی اداروں اور امریکی کارپوریٹ لیڈرز سے اہم ملاقات میں کیا۔ وزیر خزانہ نے انہیں ملک میں کلی معیشت کے استحکام اور حکومت کی جانب سے مختلف شعبوں میں اصلاحات کے بارے میں آگاہ کیا۔ انہوں نے ملک میں غیر ملکی سرمایہ کاروں کے لئے دستیاب مواقع اور حکومت کی جانب سے سرمایہ کاروں کو سہولیات کی فراہمی کے لئے اٹھائے گئے اقدامات کے بارے میں آگاہ کیا ۔(جاری ہے)
وزیرخزانہ نے کہا کہ نجی شعبہ معیشت کا انجن ہے ، ملکی اقتصادی ترقی کو آگے بڑھانے میں نجی شعبے کا کردار اہمیت کا حامل ہے، نجی شعبے کو اس ضمن میں فعال کردار ادا کرناچاہیے۔
وزیر خزانہ نے کہا کہ آبادی میں اضافہ اور موسمیاتی تبدیلیاں پاکستان کے لئے وجودی خطرات ہیں ، آبادی میں اضافہ اور موسمیاتی تبدیلی جیسے بڑے چیلنجوں سے نمٹنے کے لئے نجی شعبے کے تعاون کی ضرورت ہے۔ اس موقع پر امریکا میں پاکستان کے سفیر رضوان سعید شیخ نے کہا کہ 250 ملین کی ایک بڑی مارکیٹ ہونے کے ساتھ ساتھ پاکستان وسطی ایشیا، چین، مشرق وسطیٰ اور افریقی ممالک کے حوالے گیٹ وے کا کردار ادا کر سکتا ہے۔ انہوں نے امریکی سرمایہ کاروں کو ملک کے انفارمیشن ٹیکنالوجی ، معدنیات اور زراعت کے شعبوں میں سرمایہ کاری کی دعوت دی۔ اس موقع پر جاز سی ای او عامر ابراہیم نے حکومتی معاشی پالیسیوں اور معیشت کی استعداد پر بھرپور اعتماد کا اظہار کیا۔ ملاقات کے دوران معروف امریکی کمپنی فلپ مورس کی جانب سے ملک میں مزید سرمایہ کاری کرنے کا عندیہ دیاگیا ۔ جنوبی ایشیا کے لئے عالمی بینک کے علاقائی نائب صدر مارٹن ریزر نے معاشی استحکام کے حوالے سے حکومتی پالیسیوں کی تعریف کی اور اس حوالے سے پاکستان پر مکمل اعتماد کا اظہار کیا۔ انہوں نے کہاکہ پاکستان کے لئے چالیس ارب کا دس سالہ پروگرام عالمی بنک کی جانب سے ملک سے وابستگی کے عزم کا عکاس ہے۔ ایگزیکٹیو ڈائریکٹر آئی ایم ایف بہادر بیجانی نے حکومت کی معاشی پالیسیوں اور اصلاحاتی عمل کی تعریف کی۔
متحدہ عرب امارات کے وزیر خارجہ کا دورہ پاکستان