عمرہ زائرین کے لیے بڑی خوشخبری! سعودی عرب نے مسافروں کو بڑا ریلیف دے دیا
اشاعت کی تاریخ: 7th, February 2025 GMT
دنیا بھر کی طرح پاکستان سے بھی ہر ماہ ہزاروں افراد عمرہ کی ادائیگی کے لیے سعودی عرب کا رخ کرتے ہیں۔ سعودی حکومت نے حال ہی میں سعودی عرب کا سفر کرنے والوں کے لیے ایک نئی شرط رکھی تھی جس کے تحت 10 فروری کے بعد سعودی عرب آنے والے تمام افراد کو پولیو ویکسین اور گردن توڑ بخار کی ویکسین کا سرٹیفیکیٹ دکھانا لازمی قرار دیا گیا تھا۔
سعودیہ حکومت کے اس اعلان کے بعد ملک بھر سے گردن توڑ بخار کی ویکسین جسے مینجائٹس کہا جاتا ہے وہ غائب ہو گئی تھی، کسی بھی بڑے شہر میڈیکل سٹور یا سپلائر کے علاوہ یہ ویکسین کہیں دستیاب نہیں تھی جس سے عمرہ کی ادائیگی کے لیے جانے والے شدید پریشانی کا شکار تھے۔ اگر کسی ایک میڈیکل سٹور یا ڈسٹریبیویٹر کے پاس یہ ویکسین تھی بھی تو وہ ایک ڈوز جس کی قیمت 5 ہزار روپے ہے اور وہ اس کے 10 سے 12 ہزار روپے وصول کر رہا تھا۔
یہ بھی پڑھیےپاکستان اور سعودی عرب میں حج معاہدہ، کیا نئی سہولیات ملیں گی؟
سرکاری ہسپتالوں اور دیگر کا کہنا تھا کہ لوگ ویکسین لے کر ہمارے پاس آ رہے ہیں اور کہہ رہے ہیں کہ یہ ویکسین لگا کر ہمیں منجائٹس یعنی گردن توڑ بخار ویکسین کا سرٹیفیکیٹ جاری کیا جائے۔
سعودی حکومت کی اس شرط کے باعث ہر طرف لوگ مینجائٹس یعنی گردن توڑ بخار کی ویکسین کی تلاش میں مارے پھر رہے تھے۔
یہ بھی پڑھیے پاکستانی عازمین حج کے لیے خوشخبری، حج پیکجز میں مزید کمی کا اعلان
گزشتہ روز سعودی حکومت نے گردن توڑ بخار کی ویکسین لازمی قرار دینے کے نوٹیفکیشن کو معطل کر دیا اور قرار دیا کہ اس ویکسین کو فی الحال معطل کیا گیا ہے۔ اس سلسلے میں سعودی محکمے صحت ’کاگا‘ نے بھی نوٹیفکیشن جاری کیا۔ اب عمرہ زائرین کو صرف پولیو سائٹ کی ضرورت ہے جو کہ بہ آسانی حاصل کیا جا سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان پولیو سعودی عرب عمرہ زائرین گردن توڑ بخار ویکسین.ذریعہ: WE News
کلیدی لفظ: پاکستان پولیو گردن توڑ بخار ویکسین کے لیے
پڑھیں:
تین جڑواں سعودی بھائیوں نے حاجیوں کی خدمت کرکے دل جیت لئے
مکہ مکرمہ: حج 2025 کے دوران سعودی عرب کی اسکاؤٹس ایسوسی ایشن کے زیرِ اہتمام عوامی خدمت کیمپوں میں ایک دلچسپ اور نایاب منظر دیکھنے کو ملا: تین جڑواں بھائیوں کے جوڑوں نے حاجیوں کی خدمت کے لیے ایک ساتھ شرکت کی۔
یہ چھ نوجوان رضاکار ریاض کے الربیع محلے میں موجود سِول ڈیولپمنٹ ایسوسی ایشن سے تعلق رکھتے ہیں۔ ان میں شامل جڑواں بھائیوں کے نام درج ذیل ہیں: حسام اور عصام سعید القَرنی، عزام اور عمار سلیمان السلیمان، اور ولید اور مہند عبدالکریم العتیبی۔
یہ جڑواں صرف شکل و صورت میں ہی نہیں بلکہ جذبے، خدمت، اور اسکاؤٹنگ سے محبت میں بھی ایک جیسے ہیں۔ انہوں نے بتایا کہ اسکاؤٹنگ ان کے لیے ایک وقتی مشغلہ نہیں بلکہ ایک مستقل طرزِ زندگی ہے، جو بچپن ہی سے ان کا مشن بن چکا ہے۔
حسام اور عصام کا کہنا تھا: "ہمیں بچپن سے اپنے وطن سے محبت سکھائی گئی، اور اسکاؤٹنگ کے ذریعے ہمیں حاجیوں کی خدمت کا موقع ملا، جہاں ہم رہنمائی، ابتدائی طبی امداد، اور دیگر سہولیات فراہم کرتے ہیں۔ ہر لمحہ ہمیں صبر، ہمدردی اور نظم و ضبط سکھاتا ہے۔"
عزام اور عمار نے کہا: "ہم سمجھتے تھے کہ ہم ایک دوسرے کو اچھی طرح جانتے ہیں، مگر حج کی خدمت کے دوران جو دباؤ اور ٹیم ورک ہم نے سیکھا، اس نے ہمارے تعلق میں مزید گہرائی پیدا کی۔"
ولید اور مہند العتیبی نے اپنی خوشی کا اظہار کرتے ہوئے کہا: "یہ تجربہ زندگی بدل دینے والا ہے۔ ہم صرف خدمت نہیں کر رہے بلکہ سیکھ رہے ہیں کہ بھیڑ میں پُرسکون کیسے رہنا ہے، بغیر تعریف کے کام کیسے کرنا ہے، اور اسکاؤٹنگ ایک مکمل تربیتی میدان کیسے ہے۔"
یہ جڑواں بھائی نہ صرف حاجیوں کی خدمت میں مثالی کردار ادا کر رہے ہیں بلکہ ایک مثبت قومی اور دینی پیغام بھی دنیا کو دے رہے ہیں۔
بنارس کی تاریخی اور مسلم اکثریتی بازار کے انہدام پر کورٹ سے راحت