ڈاکوؤں کیخلاف فوج اور رینجرز مشترکہ کارروائی کرے، علامہ مقصود علی ڈومکی
اشاعت کی تاریخ: 7th, February 2025 GMT
جیکب آباد میں پریس کانفرنس کرتے ہوئے ایم ڈبلیو ایم کے رہنماؤں نے کہا کہ ایس ایس پی جیکب آباد کیجانب سے شیعہ جامع مسجد، مرکزی امام بارگاہ، مدارس دینیہ، علماء کرام، شیعہ اکابرین اور امام بارگاہوں کی سیکیورٹی کلوز کی گئی ہے، جو کہ انتہائی افسوسناک عمل ہے۔ اسلام ٹائمز۔ مجلس وحدت مسلمین پاکستان مرکزی رہنماء علامہ مقصود علی ڈومکی اور یوتھ ونگ کے مرکزی صدر علامہ تصور مہدی نے کہا ہے کہ ضلع جیکب آباد میں امن و امان کی ابتر صورتحال پر عوام کو شدید مشکلات کا سامنا ہے۔ چوری، ڈاکے، اغواء برائے تاوان اور لوٹ مار عروج پر ہے، جبکہ کالعدم دہشت گرد تنظیم کی شرنگیز سرگرمیاں بھی جاری ہیں۔ ایس ایس پی جیکب آباد کی جانب سے شیعہ جامع مسجد، مرکزی امام بارگاہ، مدارس دینیہ، علماء کرام، شیعہ اکابرین اور امام بارگاہوں کی سیکیورٹی کلوز کی گئی ہے، جو کہ انتہائی افسوس ناک عمل ہے۔ جبکہ ایس ایس پی جیکب آباد نے اپنی سیکیورٹی مزید بڑھا دی ہے۔ اگر ضلع کے حالات اتنے ہی اچھے ہیں تو ایس ایس پی جیکب آباد اپنی سیکیورٹی بھی کلوز کر دیں اور وہ ضلع میں رات کو بغیر سیکیورٹی کے چل کر دکھائیں، انہیں لگ پتہ جائے گا۔ ان خیالات کا اظہار انہوں نے مرکزی امام بارگاہ جیکب آباد میں مشترکہ پریس کانفرنس سے خطاب کیا۔ پریس اس موقع پر وحدت یوتھ ونگ کے مرکزی جنرل سیکرٹری سید یاور عباس کاظمی، ڈویژنل صدر سید کامران علی شاہ، ایم ڈبلیو ایم ضلع جیکب آباد کے صدر نظیر حسین جعفری، مرکزی امام بارگاہ کے متولی سید علی اصغر شاہ، اللہ بخش میرالی و دیگر رہنماء بھی ان کے ہمراہ تھے۔
پریس کانفرنس سے خطاب کرتے ہوئے علامہ مقصود علی ڈومکی نے کہا کہ ہمارے لاڑکانہ ڈویژن کی صورتحال یہ ہے کہ یہاں پولیس تھانے اور چوکی سے ایس ایچ او بمعہ پولیس نفری کے اغواء ہو جاتا ہے اور ریاستی ادارے تماشہ دیکھتے ہیں۔ یہاں مین روڈ پر رینجرز اہلکاروں کو روک کر ڈاکو ان کا اسلحہ چھین کر لے جاتے ہیں۔ جہاں سیشن جج کو اور کرنل کو مین شاہراہ پر ڈاکو لوٹ کر لے جاتے ہیں۔ جہاں جج، کرنل پولیس اور رینجرز غیر محفوظ ہو، وہاں عام شہری اپنی سیکیورٹی کے لئے کس سے امید رکھے۔ انہوں نے مطالبہ کیا کہ سندھ میں امن و امان کی ابتر صورتحال کے پیش نظر کچے اور پکے کے ڈاکوؤں کے خلاف فی الفور فوج اور رینجرز کا مشترکہ آپریشن کیا جائے۔ انہوں نے اس موقع پر فلسطین کے مظلوم عوام کو یقین دلایا کہ پوری دنیا کے غیرت مند مسلمان ان کے ساتھ ہیں۔ صدر ٹرمپ کا غزہ پر قبضے کا بیان شرمناک ہے۔ اگر ٹرمپ کو اسرائیلی اتنے ہی پیارے ہیں تو ان بھگوڑوں کو امریکہ لے جا کر وہاں بسا دیں۔ فلسطین نہر سے بحر تک فلسطینیوں کا وطن تھا اور فلسطینیوں کا وطن رہے گا۔ اس موقع پر گفتگو کرتے ہوئے وحدت یوتھ وِنگ کے مرکزی صدر علامہ تصور مہدی نے کہا کہ جشن انوار شعبانیہ کے موقع پر ہم پوری امت مسلمہ کو مبارکباد پیش کرتے ہیں۔ مجلس وحدت مسلمین یوتھ ونگ پاکستان کے جوانوں کی تعلیم و تربیت اور اصلاح معاشرہ کے لئے سرگرم عمل ہے۔
ذریعہ: Islam Times
کلیدی لفظ: ایس ایس پی جیکب آباد مرکزی امام بارگاہ
پڑھیں:
تیسرا ٹی ٹوئنٹی: پاکستان کا جنوبی افریقا کیخلاف ٹاس جیت کر بولنگ کا فیصلہ
تیسرا ٹی ٹوئنٹی: پاکستان کا جنوبی افریقا کیخلاف ٹاس جیت کر بولنگ کا فیصلہ WhatsAppFacebookTwitter 0 1 November, 2025 سب نیوز
لاہور(آئی پی ایس )پاکستان نے تیسرے ٹی ٹوئنٹی میں جنوبی افریقا کیخلاف ٹاس جیت کر بولنگ کا فیصلہ کرلیا۔لاہور میں کھیلے جا رہے میچ میں پاکستان کے کپتان سلمان علی آغا نے ٹاس جیت کر مہمان ٹیم کو بیٹنگ کی دعوت دی۔پاکستان کی پلیئنگ الیون میں 2 تبدیلیاں کی گئی ہیں، نسیم شاہ اور ابرار احمد کو باہر کیا گیا جبکہ ان کی جگہ شاہین آفریدی اور عثمان طارق شامل ہیں۔عثمان طارق ڈیبیو کررہے ہیں، شاہین شاہ آفریدی نے عثمان طارق کو ڈیبیو کیپ دی جبکہ ساتھی کھلاڑیوں نے عثمان طارق کے لیے نیک خواہشات کا اظہار کیا۔ جنوبی افریقا کی پلیئنگ الیون میں تین تبدیلیاں ہوئی ہیں۔خیال رہے کہ 3 ٹی ٹوئنٹی میچز کی سیریز ایک ایک سے برابر ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبراسلام آباد میں ریسٹورنٹس اور فوڈ پوائنٹس کیلیے نئے ایس او پیز جاری اسلام آباد میں ریسٹورنٹس اور فوڈ پوائنٹس کیلیے نئے ایس او پیز جاری اسلام آباد بار کونسل انتخابات،نتائج سامنے آ گئے،حامد خان گروپ صرف ایک سیٹ پر کامیاب سابق وزیراعلی سندھ آفتاب شعبان میرانی انتقال کرگئے،صدر مملکت کا اظہار تعزیت غزہ میں عالمی فورس کیلئے اقوام متحدہ کا مینڈیٹ ضروری ہے، اردن اور جرمنی کا موقف سپریم کورٹ آف پاکستان کے آئندہ عدالتی ہفتے کے بینچز تشکیل بیرون ممالک کا ایجنڈا ہمارے خلاف کام کررہا ہے: مولانا فضل الرحمانCopyright © 2025, All Rights Reserved
رابطہ کریں ہماری ٹیم
نوجوان کی پولیس کسٹڈی میں ہلاکت کے مقدمے میں 2 پولیس اہلکاروں کا جسمانی ریمانڈ منظور