” جمہوریہ چین کا سب سے بڑا بیٹا” جدت طرازی کی جانب گامزن
اشاعت کی تاریخ: 8th, February 2025 GMT
” جمہوریہ چین کا سب سے بڑا بیٹا” جدت طرازی کی جانب گامزن WhatsAppFacebookTwitter 0 8 February, 2025 سب نیوز
بیجنگ : چینی صدر شی جن پھنگ نے شمال مشرقی چین کے شہر ہاربن میں نویں ایشیائی سرمائی کھیلوں کی افتتاحی تقریب میں شرکت کی اور ایشین ونٹر گیمز کے افتتاح کا اعلان کیا۔ 75 سال قبل یعنی 1950 میں عوامی جمہوریہ چین کے بانی اور پہلے صدر ماؤ زے تنگ نےہاربن کا دورہ کیا تھا اور اس شہر کو
“جمہوریہ چین کا سب سے بڑا بیٹا” قرار دیا تھا۔چینیوں کے خاندانی تصور میں سب سے بڑے بیٹے کا مطلب زیادہ ذمہ داریاں سنبھالنا ہے۔صوبہ حے لونگ جیانگ جہاں شہر ہارن واقع ہے، اور صوبہ جی لین،صوبہ لیاؤنینگ اور اندرون منگولیا خود اختیار علاقہ، جو مشترکہ طور پر شمال مشرقی چین کے نام سے جانا جاتا ہے، 1 ملین مربع کلومیٹر سے زائد رقبے اور 100 ملین سے زائد آبادی پر مشتمل علاقہ ہے.
یہ عوامی جمہوریہ چین کی صنعت کا گہوارہ ہوا کرتا تھا ، لیکن چین کی اصلاحات اور کھلے پن کے بعد طویل عرصے سے پیش آنے والے ادارہ جاتی اور ساختی تضادات کےباعث مجموعی صنعتی پیداوار کے لحاظ سے شمال مشرقی چین کا تناسب پورے ملک میں وقت کے ساتھ کم ہوتا گیا ہے۔
2012 سے لے کر اب تک صدر شی جن پھنگ 10 سے زائد مرتبہ شمال مشرقی چین کی سرزمین پر قدم رکھ چکے ہیں اور تین مرتبہ شمال مشرقی چین کے احیا پر سمپوزیم منعقد کر چکے ہیں۔ستمبر 2023 میں صوبہ حے لونگ جیانگ کے معائنہ اور تحقیقات کے دوران شی جن پھنگ نے اس بات پر زور دیا کہ سائنسی اور تکنیکی جدت طرازی کے وسائل کو مربوط کرتے ہوئے اسٹریٹجک ابھرتی ہوئی صنعتوں اور مستقبل کی صنعتوں کی ترقی کی رہنمائی کی جائے،اور نئے معیار کی پیداواری قوتوں کی تشکیل کو تیز کیا جائے۔
حالیہ برسوں میں “شمال مشرقی چین کے جامع احیا” کے اسٹریٹجک منصوبے کے تحت ، شمال مشرقی چین نے سائنسی و تکنیکی جدت طرازی اور صنعتی جدت طرازی کو فروغ دینےکے ساتھ ساتھ روایتی مینوفیکچرنگ صنعتوں کو تبدیل اور اپ گریڈ کرنے پر زور دیا ہے۔ چین میں اناج کے سب سے بڑے مرکز کے طور پر ، شمال مشرقی چین ملکی اناج کی پیداوار کا 1/4 حصہ فراہم کرتا ہے ، جو چینیوں کے خوراک کے تحفظ کے لئے بہت اہمیت کا حامل ہے۔ حالیہ برسوں میں مقامی حکومت اعلی معیار کے کھیتوں کی تعمیر میں تیزی لا رہی ہے، زرعی سائنس اور ٹیکنالوجی کی حمایت کو مضبوط بنا رہی ہے اور زرعی پیداوار کے طریقوں میں جدت لا رہی ہے.
شی جن پھنگ شمال مشرقی چین کے جامع احیا اور برف کی معیشت کی ترقی کو بڑی اہمیت دیتے ہیں اور انہوں نے بار ہا اس بات پر زور دیا ہے کہ “سرد علاقوں میں برف کی معیشت کی تیز رفتار ترقی کو فروغ دینے کے لئے شمال مشرقی چین کے منفرد وسائل اور برتریوں کا بھرپور استعمال کرنا ضروری ہے”۔اعدادو شمار کے مطابق یکم سے 21 دسمبر 2024 تک، ہاربن ہوائی اڈے نے 1.425 ملین مسافروں کی نقل و حمل کی، جو سال بہ سال 13.9فیصد کا اضافہ ہے، جس میں سیاحوں کا تناسب تقریباً 60فیصد رہا
ذریعہ: Daily Sub News
کلیدی لفظ: جمہوریہ چین چین کا
پڑھیں:
چائنا میڈیا گروپ اور کامسیٹس یونیورسٹی اسلام آباد کے اشتراک سے فکری و ثقافتی ہم آہنگی پر مبنی تقریب “انڈر اسٹینڈنگ شی زانگ ” کا انعقاد
چائنا میڈیا گروپ اور کامسیٹس یونیورسٹی اسلام آباد کے اشتراک سے فکری و ثقافتی ہم آہنگی پر مبنی تقریب “انڈر اسٹینڈنگ شی زانگ ” کا انعقاد WhatsAppFacebookTwitter 0 1 November, 2025 سب نیوز
تقریب میں طلبہ، اساتذہ، محققین، اور ماہرینِ تعلیم کی بڑی تعداد نے شرکت کی
بیجنگ ()
چائنا میڈیا گروپ کے زیرِ اہتمام، کامسیٹس یونیورسٹی اسلام آباد میں ” انڈر اسٹینڈنگ شی زانگ ” کے عنوان سے ایک پروقار تقریب کا انعقاد کیا گیا۔ اس تقریب کا مقصد چین کی تہذیبی عظمت، سماجی ترقی، اور خود اختیار علاقے شی زانگ کی ثقافتی دلکشی کو اُجاگر کرنا تھا۔
تقریب میں طلبہ، اساتذہ، محققین، اور ماہرینِ تعلیم کی بڑی تعداد نے شرکت کی، جنہوں نے اس موقع کو پاکستان۔چین تعلقات میں عوامی رابطوں کے فروغ کی ایک اہم پیش رفت قرار دیا۔
جمعہ کے روز
وزیرِ مملکت برائے قومی ورثہ و ثقافت، حذیفہ رحمان نے اپنے خطاب میں کہا کہ چین کی ترقی کا محور عوام کی فلاح و بہبود ہے، اور چینی قیادت کا عزم ہے کہ ترقی کے سفر میں کوئی ایک بھی فرد پیچھے نہ رہ جائے۔ انہوں نے کہا کہ شی زانگ اس حقیقت کا مظہر ہے کہ جدید ترقی، ثقافتی ہم آہنگی، اور ماحولیاتی تحفظ باہم ہم آہنگ ہو سکتے ہیں۔ ان کا مزید کہنا تھا کہ چائنا میڈیا گروپ جیسے ادارے دونوں ممالک کے مابین باہمی تفہیم اور ثقافتی تعلقات کو مستحکم بنانے میں اہم کردار ادا کر رہے ہیں۔
پاکستان میں چینی سفارت خانے کے ثقافتی قونصلر چن پھنگ نے اپنے خطاب میں کہا کہ شی زانگ، جو کبھی چین کے پسماندہ ترین علاقوں میں شمار ہوتا تھا، آج تعلیم، زراعت، بنیادی ڈھانچے اور ٹیکنالوجی میں مثالی ترقی کا مظہر بن چکا ہے۔ انہوں نے کہا کہ چین نے اپنے عوام کو جدید سہولیات سے آراستہ کرتے ہوئے ثقافتی اور ماحولیاتی توازن کو برقرار رکھا ہے، جو دنیا کے لیے ایک مثال ہے۔ ان کا کہنا تھا کہ چین اور پاکستان باہمی تعاون کے ذریعے ترقی کی نئی راہیں ہموار کر رہے ہیں۔
چین میں پاکستان کے سابق سفیر، معین الحق نے اس موقع پر کہا کہ پاکستان۔چین تعلقات محض حکومتی سطح تک محدود نہیں بلکہ عوامی سطح پر بھی ایک مضبوط جذبے کی حیثیت رکھتے ہیں۔ انہوں نے اپنے دورۂ شی زانگ کا حوالہ دیتے ہوئے بتایا کہ وہاں کا جدید انفراسٹرکچر، فائیو جی نیٹ ورک، بلند شرحِ خواندگی اور سماجی ہم آہنگی، چین کے پائیدار ترقیاتی ماڈل کی واضح عکاسی کرتے ہیں۔
سابق سی ای او، خیبرپختونخوا بورڈ آف انویسٹمنٹ، ڈاکٹر حسان داؤد بٹ نے کہا کہ چین کی ترقی وژنری قیادت، محنت، اور اجتماعی سوچ کا عملی نمونہ ہے۔ انہوں نے کہا کہ شی زانگ اس حقیقت کا ثبوت ہے کہ روایت اور جدیدیت کا حسین امتزاج ہی پائیدار ترقی کی کنجی ہے۔
پی آر سی سی ایس ایف کے ایگزیکٹو ڈائریکٹر، خالد تیمور اکرم نے کہا کہ شی زانگ، چین کی ترقی اور سماجی توازن کی ایک شاندار علامت ہے۔ انہوں نے کہا کہ اس نوعیت کی تقریبات پاک۔چین تعلقات میں فکری و علمی اشتراک کو فروغ دیتی ہیں اور خطے میں امن، تعاون، اور ترقی کے پیغام کو تقویت بخشتی ہیں۔
کیمپس انچارج، کامسیٹس یونیورسٹی، پروفیسر ڈاکٹر سہیل اصغر نے کہا کہ “انڈر اسٹینڈنگ شی زانگ” پروگرام نے طلبہ کو چین کی ثقافت، جدیدیت، اور سماجی ہم آہنگی سے براہِ راست روشناس کیا۔ انہوں نے چائنا میڈیا گروپ کا شکریہ ادا کرتے ہوئے کہا کہ ایسی تقریبات نہ صرف علمی و تحقیقی روابط کو مضبوط بناتی ہیں بلکہ نوجوان نسل میں باہمی احترام اور عالمی شعور کو بھی فروغ دیتی ہیں۔
سی ایم جی اُردو سروس کی نمائندہ، وانگ بِنگ شیا (عفت) نے شی زانگ سے متعلق سی ایم جی کی دستاویزی فلم کے نمایاں پہلوؤں کو اجاگر کرتے ہوئے چین کے ثقافتی ورثے کی خوبصورتی اور ترقی کے کامیاب سفر کا جامع احاطہ پیش کیا، جو نہ صرف چین بلکہ پوری انسانیت کے مشترکہ خوابوں کی تعبیر ہے۔
” انڈر اسٹینڈنگ شی زانگ” پروگرام نے نہ صرف چین کی تہذیبی رنگا رنگی اور ترقی کے وژن کو اجاگر کیا بلکہ چین اور پاکستان کے درمیان دوستی، باہمی ربط، اور تعاون کے جذبے کو بھی مزید تقویت بخشی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبردوسرا ٹی ٹوئنٹی، پاکستان نے جنوبی افریقہ کو 9 وکٹوں سے شکست دیدی اسپیکر پنجاب اسمبلی کا بلدیاتی ایکٹ کو آئینی تحفظ فراہم کرنے کا مطالبہ، 27ویں ترمیم کی حمایت کردی پاکستان کو سمندر میں تیل و گیس کی دریافت کیلئے کامیاب بولیاں موصول، ایک ارب ڈالر سرمایہ کاری متوقع سہیل آفریدی کو وزیراعلی بننے پر مبارکباد، ملکر دہشت گردی کا مقابلہ کرینگے، وزیراعظم مہمند ڈیم ہائیڈرو پاور منصوبہ، پاکستان کویت کے درمیان 25ملین ڈالر کے قرض پروگرام پر دستخط شاہ محمود قریشی اسپتال منتقل، پی ٹی آئی پرانی قیادت کی ریلیز عمران خان تحریک چلانے کیلئے ملاقات ایف آئی اے کا یوٹرن، شبر زیدی کے خلاف مقدمہ واپس لینے کا فیصلہCopyright © 2025, All Rights Reserved
رابطہ کریں ہماری ٹیم
بابر اعظم ایک ٹی 20 میچ میں کتنے عالمی ریکارڈز توڑ سکتے ہیں؟